భగవంతుడు ఆశించిన భారతదేశాన్ని తయారుచేయటం (పార్ట్ 1)

స్వాతంత్ర దినోత్సవం సందర్భంగా ఆధ్యాత్మిక సందేశం – ఆగస్టు 15

భారతదేశానికి ఆగస్టు 15వ తేదీ చాలా ప్రత్యేకమైన రోజు. ఈ  రోజున భారతదేశం స్వాతంత్ర దినోత్సవాన్ని   జరుపుకుంటుంది. చాలా కృషి, దృఢత్వంతో మరియు దేశం పట్ల ప్రేమ, శాంతి శక్తులతో, అంతర్గత స్వచ్ఛత, సత్యతా సహాయంతో అది సాధించబడింది. స్వాతంత్రానికి ముందు భారతీయులందరి త్యాగాలను మనం వెనక్కి తిరిగి చూసుకుంటే, మనకు గర్వంగా ఉంటుంది. వారి సుఖ సంతోషాలు మరియు జీవితాల గురించి ఆలోచించకుండా దేశం కోసం ఇంత చేసిన వారందరినీ గౌరవిస్తాము. అప్పుడప్పుడు అతి కష్టంగా అనిపించినా, అందరి ఐక్యతా శక్తితో సాధించాము. చాలా సంవత్సరాలు దుఃఖం, అశాంతులను అనుభవించిన తరువాత ఈ అత్యంత అందమైన, అపారమైన ఆధ్యాత్మిక మరియు భగవంతుడిని ప్రేమించే దేశాన్ని స్వేచ్ఛగా చూడాలని భగవంతుడు కూడా ఆశించారు. మనం ఈ అతిపెద్ద మరియు కష్టమైన యుద్ధం నుండి విజయం సాధించి, స్వతంత్ర భారతదేశానికి ద్వారాలు తెరిచినప్పుడు మనతో భగవంతుడు ఉండి ఉంటారని ఈ రోజు అనుకుంటాము. భగవంతుడు ఆశించిన భారతదేశాన్ని తయారుచేసే 5 మార్గాలను ఈ సందేశంలో చూద్దాం –

1. ఆధ్యాత్మికతను మన ప్రాధాన్యతగా మరియు ఆత్మ-పరిశీలనను మన అలవాటుగా చేసుకుందాం – ఆధునిక భారతదేశంలో మనం చాలా అభివృద్ధితో ,  సైన్స్ మరియు  టెక్నాలజీలో అనేక విజయాలతో ముందుకు సాగుతున్నప్పుడు, మన జీవితాలు మరింత బిజీగా, కార్య-ఆధారితంగా మారాయి. మనమందరము, నిత్యం స్త్రీ పురుషులు, పిల్లలతో సహా చాలా కార్యాలు చేస్తున్నాము. అందమైన జీవితానికి ఒక అందమైన రహస్యాన్ని భగవంతుడు మనతో పంచుకుంటారు – ప్రతిరోజూ ఉదయం కనీసం అరగంట సమయం మీకోసం ఇచ్చుకోండి. ఈ అరగంటలో మీ ఆలోచనలను శాంతపరచుకోండి, భగవంతుని జ్ఞానాన్ని వినండి మరియు మెడిటేషన్ లో భగవంతునితో ఖచ్చితంగా కనెక్ట్ అవ్వండి. ప్రతి భారతీయుడు ఇలా చేస్తే, మనమందరం భగవంతునికి సమీపంగా చేరుకుంటాము మరియు అంతర్గతంగా మరింత సంతోషంగా, సుసంపన్నంగా ఉంటాము. 
2. మనలోని అన్ని బలహీనతలను తొలగించి, గుణాలు మరియు శక్తులతో కూడిన స్వభావాన్ని తయారు చేసుకుందాం –  భారత దేశం గురించి భగవంతుడి విజన్ (vision) ఏమిటంటే – ప్రతి భారతీయుడు భగవంతుని గుణాలు మరియు శక్తులతో నిండి ఉండాలి అని. మనమందరం అనేక రకాల దుర్గుణాలు మరియు బలహీనతల ప్రభావంలో ఉండటానికి అలవాటు పడ్డాము. భౌతిక స్థాయిలో మనం స్వేచ్ఛను సాధించినప్పటికీ, మన నెగిటివిటీ ని మరియు చెడు అలవాట్లను భగవంతుడికి  అప్పగించడం ద్వారా మనం లోతైన శాంతి మరియు ఆనందాన్ని అనుభూతి చెందాలని  భగవంతుడు కోరుకుంటున్నారు. మనం అలా చేసినప్పుడు, మన స్వేచ్ఛ మరింత లోతుగా ఉంటుంది.  మన మంచి స్వభావం, వినయం, ప్రతి ఒక్కరికీ ఇచ్చే, ఉదార వైఖరితో మొత్తం ప్రపంచాన్ని ప్రేరేపించగలుగుతాము.