బ్రహ్మకుమారీస్ సంస్థలో బోధించే జ్ఞానము ఎవరు ఇస్తున్నారు? (భాగం 2)

ప్రపంచంలో ఉన్న ఏ బ్రహ్మకుమారీస్ సేవాకేంద్రానికి వెళ్ళినా, ఎవరిని కలిసినా లేక ఏదైనా మరే సాధనం ద్వారానైనా మనం అక్కడి బోధనలు అర్థం చేసుకునే ప్రయత్నంలో మనకు సందేహాలు వస్తే ఏమి చేయాలి? సమాధానం చాలా సహజము. జ్ఞాన వివరణ తీసుకోవడంతో పాటు ఈ జ్ఞానం ఎవరు చెప్తున్నారు అన్న స్పష్టత తీసుకోవాలి. బ్రహ్మకుమారీస్  సంస్థలో బోధించే జ్ఞానాన్ని స్వయంగా పరమాత్మయే నేర్పిస్తారు, ఆ పరమాత్మ అనుభూతిని పొందడానికి ఉన్న ఏకైక మార్గం రాజయోగ మెడిటేషన్. ఒకసారి ఈ ఆత్మిక సంబంధాన్ని మెడిటేషన్ ద్వారా పరమాత్మతో ఏర్పరచుకున్నప్పుడు, ఈ జ్ఞానాన్ని బోధించేది పరమాత్మగానీ మానవాత్మ కాదు అని విశ్వసించగలుగుతాము.  ఎందుకంటే బ్రహ్మకుమారీస్  సంస్థలో చెప్పబడే జ్ఞాన అంశాలు కావచ్చు, మెడిటేషన్ కావచ్చు అన్నీ స్వయంగా పరమాత్మ నేర్పించినవే.

అలాగే మా సలహా ఏమిటంటే, మీకు సందేహాలు ఉన్నాగానీ మీరు ఈ ఆధ్యాత్మిక ప్రయాణాన్ని ప్రారంభించండి, రోజూ జ్ఞానాన్ని వినండి, మెడిటేషన్ చేయండి. ఎందుకంటే నేర్చుకుంటూ ఉంటూనే మనకు అనుభూతి అవుతంది, జ్ఞానానికి మూలాధారుడైన పరమాత్మను అనుభూతి చేసుకోగలుగుతాము. జ్ఞానాన్ని మరింత స్పష్టంగా అవగాహన చేసుకుని ఆ మూలాధారునిపై,  వారు చెప్పే జ్ఞానముపై సంపూర్ణ విశ్వాసం కలుగుతుంది. అన్ని సందేహాలు తొలగి జ్ఞానంపై స్పష్టమైన అవగాహన వస్తుంది. ఒకసారి ఈ ఆధ్యాత్మిక ప్రయాణాన్ని ప్రారంభించిన తర్వాత మధ్యలో విడిచిపెట్టకండి ఎందుకంటే ప్రయాణంలో ఉంటేనే మూలాధారునిపై, ప్రయాణంపై మరియు గమ్యంపై నమ్మకం ఏర్పడుతుంది. సందేహాలు తీరే వరకు ప్రయాణం మొదలుపెట్టకపోతే ప్రయాణంలోని లాభాలను మిస్ చేసుకుంటున్నట్లే. సందేహాలు ఉన్నా ఆధ్యాత్మిక ప్రయాణం చేస్తుంటే లాభాలు కలుగుతూ ఉంటాయి ఎందుకంటే మీకు ఆంతర్యం బోధపడింది, అనేక ఆధ్యాత్మిక అంశాల వాస్తవం బోధపడింది. కనుక, ఈ ఆధ్యాత్మిక ప్రయాణాన్ని ప్రారంభించడమే మంచిది, మిగతా అంతా ఆ భగవంతుడికి విడిచిపెట్టండి. వారే మీకు మార్గదర్శన చేసి అనుభూతి చేయిస్తారు.

(రేపు కొనసాగుతుంది…)