Hin

Soul sustenance 15th january telugu

సరైన అలవాట్లను నిరంతరం అమలు చేయడం

మొదట మనం మన అలవాట్లను ఏర్పరుచుకుంటాము, ఆపై మన అలవాట్లు మనల్ని తయారు చేస్తాయని సామెత ఉంది . మనలో చాలా మంది గొప్ప అలవాట్లను చేసుకుంటారు కానీ అవి మన జీవితంలో పాతుకుపోయేవరకు వాటిని కొనసాగించడంలో మనం దృఢంగా లేము. ఏదైనా కార్యాచరణ లేదా అలవాటు చేసుకోవాలనుకున్నపుడు, మన ఆలోచనల నుండి ప్రారంభించి, అవి మన వ్యక్తిత్వంలో స్థిరమైన భాగం అయ్యే వరకు మనం ఆ పనులను చేస్తూ ఉండాలి . మీరు ఎప్పుడైనా ప్రయోజనకరమైన కొత్త అలవాటును చేసుకున్నారా, కానీ దానిని కొనసాగించడం కష్టంగా ఉందా? మీరు దానిని దృఢంగా పాటించలేకపోయినందున లేదా ఎవరైనా కట్టుబడి ఉండటం కష్టమని చెప్పినందున మీరు ఆ ఆరోగ్యకరమైన అలవాటును వదులుకున్నారా?అలా అయితే ఆ అలవాటును మీదిగా చేసుకోవడానికి మీకు మీరు కొంత సమయం ఇవ్వండి. ఏదైనా అలవాటు మన స్వభావంగా మారడానికి ముందు కొన్ని రోజులు ఆ అలవాటును అదే పనిగా రిపీట్ చేయడం అవసరం. గతంలో మనం ఒక అలవాటును కొనసాగించడంలో విఫలమైనా, లేదా ఆ అలవాటును కొనసాగించడం కష్టమని ఇతరులు భావించినా, మనం మాత్రం దానిని ఆచరిస్తూనే ఉండాలి. ఒక ఆరోగ్యకరమైన అలవాటును ఏర్పరచుకోవడంపై దృష్టి పెట్టండి, మీకు ఇది ఎందుకు అవసరమో అర్థం చేసుకొని మీ దినచర్య లేదా పరిస్థితిని లెక్కచేయకుండా వరుసగా 20 రోజుల పాటు దీన్ని ప్రాక్టీస్ చేయడానికి ప్రాధాన్యత ఇవ్వండి. ప్రతిరోజూ దానిని ఇప్పటికే మీ దినచర్యలో భాగం అయినట్లుగా ఒక విజువలైజేషన్ చేయండి. ఇది మీ జీవతంలో ఆ కొత్త అలవాటును సులభతరం చేస్తుంది. ఆరోగ్యకరమైన అలవాటును కొనసాగించడం వలన ఒక ప్రయోజనం ఉంటుంది. అదనంగా, ఇది సంకల్ప శక్తిని, ఆరోగ్యం మరియు ఆనందాన్ని పెంచుతుంది, మీ సంబంధాలను మెరుగుపరుస్తుంది మరియు మీ పనిలో మీకు విజయాన్ని తెస్తుంది. మీ అలవాట్లతో స్థిరమైన దినచర్యను ఏర్పరచుకోవడం, స్వయం పై నియంత్రణను పెంచుతుంది.

సరైన ఆలోచనా విధానం, సరైన దృష్టి కోణం , విశ్వాసం , వ్యాయామం, మెడిటేషన్, ఆధ్యాత్మిక అధ్యయనం, ఆహారం, విశ్రాంతి, నిద్ర, పనిలో నైతికత, సామాజిక అలవాట్లు మొదలైనవి మీ వ్యక్తిగత వృద్ధికి తోడ్పడే మంచి అలవాట్లను పెంపొందించకునే క్రమశిక్షణను అలవర్చుకోండి. మీరు వాస్తవంగా ఎలా ఉండాలనుకుంటున్నారో దాని గురించి మాత్రమే నిరంతరం ఆలోచించండి. మీ ఆలోచనలు సరైన కర్మల చేయడానికి తోడ్పడతాయి. ఆ కర్మలన్నీ మీ వ్యక్తిత్వంలో భాగమవుతాయి. వాటి గురించి ఆలోచించడం మరియు వాటిని అమలులోకి తీసుకురావడం ద్వారా, మీ అలవాట్లు దృఢం అవుతాయి. వాటిని మీ దినచర్యకు జోడించండి, ఎందుకంటే అవే మీ ప్రాధాన్యత. అవి మీ రోజువారీ ప్రణాళికలో భాగం. మీరు ఏ కారణం చేతనైనా మీ సాధారణ కార్యాలను దాటవేసినప్పటికీ, మిమ్మల్ని మీరు విమర్శించుకోకండి మరియు ఆ కార్యాన్ని విడిచిపెట్టకండి . మిమ్మల్ని మీరు ప్రేరేపించుకోండి, అలవాటును అమలు చేయడానికి తిరిగి ప్రయత్నించండి. మీరు చేయగలరని మీకు మీరే చెప్పుకోండి. ఆరోగ్యకరమైన అలవాట్లకు కట్టుబడి ఉండటం మీరు మీ కోసం చేయగలిగే అత్యంత సులభమైన పని.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

25th june2024 soul sustenance telugu

విజయం కోసం పరిపూర్ణ వ్యక్తిత్వాన్ని తయారుచేసుకోవడం (పార్ట్ 1)

జీవితంలో వివిధ రకాల పరిస్థితులు ఎదురుకోవడం, వివిధ రకాల వ్యక్తులను కలవడం, మీకు ఎన్నో సవాళ్లను తీసుకొస్తుంది, మీ వ్యక్తిత్వాన్ని మార్చుకోవాల్సిన అవసరం కూడా వస్తుంది. అలాగే, మన వ్యక్తిత్వం  స్థాయిలో మన శక్తులు

Read More »
24th june2024 soul sustenance telugu

పోటీ పడకుండా సహకరించుకుందాం

నిజమైన సహకారం అంటే సర్వులకు ఎల్లవేళలా తన వారనే భావన మరియు సాధికారత ఉద్దేశ్యంతో షరతులు లేని సహాయాన్ని అందించడం. ఇది వినయం, ప్రేమ, కరుణ మరియు తాదాత్మ్యం వంటి మన నిజ గుణాలను

Read More »
23rd june2024 soul sustenance telugu

నిద్రను ప్రశాంతంగా మరియు ఆనందంగా మార్చడానికి 5 చిట్కాలు

నిద్ర మనిషి ఆరోగ్యానికి అత్యంత ముఖ్యమైన అంశాలలో ఒకటి. మన శారీరక, ఆధ్యాత్మిక మరియు భావోద్వేగ ఆరోగ్యాన్ని అపారంగా ప్రభావితం చేస్తుంది. నిద్రను ప్రశాంతంగా మరియు ఆనందంగా మార్చడానికి 5 చిట్కాలను చూద్దాం –

Read More »