HI

మీ ఆత్మగౌరవం గెలుపు మరియు ఓటముపై ఆధారపడుతుందా? (పార్ట్ 2)

మీ ఆత్మగౌరవం గెలుపు మరియు ఓటముపై ఆధారపడుతుందా ? (పార్ట్ 2)

2. స్వయాన్ని ఆధ్యాత్మిక దృష్టితో చూడటం ప్రారంభిస్తే మిమల్ని మీరు ఎల్లప్పుడూ విజేతలుగా భావిస్తారు – ఆధ్యాత్మిక జ్ఞానం మనల్ని మనం ఆధ్యాత్మిక దృష్టి లేదా జ్ఞాన నేత్రాలతో చూడడం  నేర్పిస్తుంది. మన భౌతిక కళ్ళు మనకు మన భౌతిక వాస్తవాలైన శరీరాన్ని, దాని వయస్సు, లింగం, రూపాలు, బాహ్య వ్యక్తిత్వం, జాతీయత, సంబంధం, మతం, డిగ్రీ, పాత్ర, సంపద మొదలైన చూపుతాయి. మనల్ని మనం ఆధ్యాత్మిక జీవులుగా లేదా ఆత్మలుగా చూసుకోవడం  ప్రారంభించినప్పుడు మనకు మన ఆధ్యాత్మిక ప్రాముఖ్యతను మరియు మన జీవితంలో భగవంతుని  ప్రాముఖ్యతను అర్థం అవుతుంది. మన జీవితాన్ని బాహ్యంగా చూడడానికి బదులుగా, మనం లోతుగా వెళ్లి మనల్ని మనం బాగా అర్థం చేసుకుంటాము. జీవితానికి కొత్త అర్ధం ఏర్పడుతుంది.  మనం ఇతర ఆత్మల పాత్రలను మరియు జీవిత సంఘటనలను విభిన్నంగా చూడటం ప్రారంభిస్తాము.వాటి తాత్కాలిక స్వభావాన్ని గ్రహిస్తాము.మన ఆనందం కోసం వాటిపై ఆధారపడవలసిన అవసరం లేదని అర్థం చేసుకుంటాము. చివరగా, ప్రతిరోజూ భగవంతుని జ్ఞానాన్ని విని ధారణ చేయడం ద్వారా, మన విశ్వాసాలు భౌతికమైన గెలుపు ఓటముల కన్నా భగవంతునితో  సహా అందరి హృదయాలను గెలుచుకోవడం, మన బలహీనతలను వదిలివేయడం, అంతరిక పరిపక్వతతో భగవంతుడు మరియు ఇతరులచే ప్రేమించబడిన పరిపూర్ణ మానవులుగా మారడం అని అర్ధం అవుతుంది.

3. జీవితంలో ప్రతి చిన్న విజయం లేదా పాజిటివ్ చర్యకు స్వయాన్ని మరియు ఇతరులను గౌరవించండి – ఈ రోజు నుండి, మీ పిల్లలు లేదా మీ ఆఫీసు సహోద్యోగి లేదా మీకు ఇష్టమైన క్రీడా బృందం ఉత్తమంగా ప్రయత్నించినప్పుడల్లా, వారికి పాజిటివ్ పదాలు చెప్పండి మరియు వారి పట్ల పాజిటివ్ ఆలోచనలు మరియు భావాలను కలిగి ఉండండి. అలాగే, మీరు లేదా ఇతరులు చేసే ప్రతి చిన్న మంచి పని యొక్క ఫలితానికి  కాక ఆ పనికి  ప్రాధాన్యత ఇవ్వడం ప్రారంభించండి. మీరు ఫలితాలను ఆలోచించకుండా మీ చర్యలను పాజిటివ్ గా చక్కగా నిర్వహించడం ద్వారా కొరకుండానే మీకు వాటి ఫలితాలు లభిస్తాయి అని ఆధ్యాత్మిక జ్ఞానం చెబుతుంది. నిజ జీవితంలో దీన్ని వర్తింపజేయండి – ప్రతి చర్యను భగవంతుని స్మరణలో చేయండి మరియు దానిని చేసిన తర్వాత సంతోషంగా ఉండండి మరియు దాని ద్వారా ఇతరులకు ఆనందాన్ని ఇవ్వండి. మీ ఆత్మగౌరవం మరియు ఆనందాన్ని ప్రపంచం పెద్దగా నిర్వచించిన పెద్ద విజయాలపై మాత్రమే ఆధారపడేలా చేయకండి, ఎందుకంటే ఆ పెద్ద విజయాలు తాత్కాలికమైనవి మరియు అవి ఎల్లప్పుడూ మనతో ఉండవు. ప్రతి చర్యను దాని ఫలితంతో సంబంధం లేకుండా మనం ఎంతగా ఆస్వాదించడం ప్రారంభిస్తామో, మునుపెన్నడూ లేని విధంగా మనం విజయం సాధించిన అనుభూతిని పొందుతాము మరియు అదే శక్తిని మన ఇల్లు, కార్యాలయంలో మరియు సమాజంలో ఇతరులకు ప్రసారం చేస్తాము, ఇది అత్యవసరంగా ప్రతిచోటా అవసరం. లేకపోతే, మానవులు అతిగా పోటీ పడటం ద్వారా నెమ్మదిగా ఆధ్యాత్మిక మరణానికి గురవుతున్నారు మరియు తాము సంతోషంగా ఉండరు, లేదా ఇతరులకు ఆనందాన్ని ఇవ్వరు.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

24th feb 2024 soul sustenance telugu

వ్యక్తులు ఉద్దేశపూర్వకంగా మనకు హాని చేయరు

వ్యక్తులు ఉద్దేశపూర్వకంగా మనల్ని బాధపెట్టాలని అనుకోరు. వారి స్వభావం మరియు అలవాట్ల ద్వారా వారు ఆ  ప్రవర్తన కలిగి ఉంటారు. కొన్నిసార్లు, ఇతరులు ద్రోహం చేయవచ్చు, అబద్ధం చెప్పవచ్చు, తిరస్కరించవచ్చు లేదా విస్మరించవచ్చు, అది

Read More »
23rd feb 2024 soul sustenance telugu

క్షమించే ప్రపంచాన్ని తయారు చేద్దాం (పార్ట్ 4)

సత్యత యొక్క శక్తి లేకుండా క్షమించే ప్రపంచం సృష్టించబడదు. శాంతి మరియు ప్రేమ మన భావోద్వేగాలను మార్చినప్పటికీ, బలమైన ఆత్మగౌరవం లేకుండా మనకు అన్యాయం చేసిన వ్యక్తిని మనం క్షమించలేము లేదా వారిపై కోపం

Read More »
22nd feb 2024 soul sustenance telugu

క్షమించే ప్రపంచాన్ని తయారు చేద్దాం (పార్ట్ 3)

కోపాగ్ని ఉన్న ఇంటిలో నీటి కుండలు కూడా ఎండిపోతాయని భారతదేశంలో ఒక సామెత ఉంది. కోపం మానవ స్పృహలో ఉన్న చాలా కోరికల యొక్క సేకరణ కారణంగా మనల్ని క్షమించనివ్వకుండా నిరోధించడానికి ఇవ్వబడిన పేరు.

Read More »