HI

18th jan soul sustenance - telugu

భగవంతుడు ప్రపంచాన్ని పావనంగా ఎలా చేస్తాడు (భాగం – 2)?

భగవంతుడు పరివర్తనకు అతీతుడు. భగవంతుడు ఎల్లపుడూ పవిత్రత, గుణాలు మరియు శక్తులతో నిండి ఉంటాడు. భగవంతుడు తన ఆధ్యాత్మిక జ్ఞానం ద్వారా చెప్పినట్లుగా, భూమిపై ఈ సృష్టి యొక్క ఆయుష్షు 5000 సంవత్సరాలు. కాలచక్రంలో ఈ సృష్టి నాటకం నాలుగు సమాన భాగాలుగా నడుస్తుంది, అవి – స్వర్ణయుగం, వెండి యుగం, రాగి యుగం మరియు ఇనుప యుగం, ఒక్కొక్కటి 1250 సంవత్సరాలు. మొదటి రెండు దశలు మానవ ఆత్మలందరితో పాటు ఇతర జీవ రాశుల ఆత్మలు పూర్తిగా పవిత్రంగా మరియు సంతోషంగా ఉంటాయి. ప్రపంచమంతా 100% సామరస్యంగా ఉంటుంది. ప్రకృతి కూడా పూర్తిగా ప్రశాంతంగా మరియు స్వచ్ఛంగా ఉంటుంది. మూడవ దశ లేదా రాగి యుగం ప్రారంభంలో, అంటే స్వర్ణయుగం నుండి కొన్ని జన్మల ప్రయాణం తర్వాత, మానవ ఆత్మల ఆత్మిక శక్తి కొద్దిగా తగ్గుతుంది. ఆ కారణంగా, వారు శరీరం అనే భ్రాంతి మరియు పంచ వికరాలు – కామం, క్రోధం, లోభం, మోహం మరియు అహంకారం యొక్క ప్రభావంలోకి రావడం ప్రారంభిస్తారు. అపవిత్రంగా మారడం ప్రారంభిస్తారు. అలాగే, ఇతర జీవరాశుల ఆత్మలు కూడా వారి ఆధ్యాత్మిక శక్తిని తగ్గడం వలన మరియు మానవ ఆత్మల యొక్క నెగెటివ్ వైబ్రేషన్స్ యొక్క ప్రభావం వలన అపవిత్రంగా మారడం ప్రారంభించి పంచ వికారాల ప్రభావంలోకి రావడం ప్రారంభిస్తాయి . ఈ ప్రక్రియలో ప్రకృతి నెగెటివ్ వైబ్రేషన్స్ ప్రభావంలోకి రావడంతో ప్రకృతి యొక్క ఆధ్యాత్మిక శక్తి క్షీణించి నెగెటివ్ మరియు అపవిత్రంగా మారడం ప్రారంభిస్తుంది . మనం నాల్గవ దశ లేదా ఇనుప యుగం ముగింపుకు వచ్చే సరికి, ఈ మూడింటిలోని అశుద్ధత అత్యధిక స్థాయికి చేరుకుంటుంది. భగవంతుడు ఈ మూడింటి కన్నా ఉన్నతాతి ఉన్నతమైన వారు. కావున ఈ సంగమ యుగంలో మూడింటిని పవిత్రంగా మార్చే బాధ్యతను వారు తీసుకుంటారు. అందుకే ఈ యుగాన్ని సంగమ యుగం లేదా పరివర్తన యుగం అని అంటారు. సంగమ యుగం తర్వాత, స్వర్ణయుగం మళ్లీ ప్రారంభమవుతుంది మరియు 5000 సంవత్సరాల సృష్టి నాటకం మళ్లీ పునరావృతం అవుతుంది.

సృష్టి నాటకంలో సంగమ యుగం అయిన ప్రస్తుత సమయంలో భగవంతుడు మానవ ఆత్మలను, వివిధ జీవరాశుల ఆత్మలను మరియు ప్రకృతిని ఎలా శుద్ధి చేస్తారు? మొట్ట మొదటిగా, భగవంతుడు తన గురించి, ఆత్మలు మరియు వారి జన్మల గురించి, 5000 సంవత్సరాల సృష్టి నాటకం మరియు దాని పునరావృతం గురించి మానవ ఆత్మలకు ఆధ్యాత్మిక జ్ఞానాన్ని ఇస్తారు . మెడిటేషన్ ద్వారా ఆత్మిక స్థితిలో ఉండే విధానం, భగవంతునితో కనెక్ట్ అయ్యే విధానం నేర్పిస్తారు. ఈ విశ్వానికి ఎంతో దూరంలో ఉన్న ఆత్మల ప్రపంచంలో తనను ఏ విధంగా స్మృతి చేయాలో వారు బోధిస్తారు . అలాగే, మానవ ఆత్మలకు పవిత్రత, నమ్రత, సహనం మరియు సంతుష్టత వంటి దైవీ గుణాలను ఎలా అలవర్చుకోవాలో మరియు ఇతర మానవ ఆత్మలకు వారు భగవంతుని నుండి పొందిన జ్ఞానం, గుణాలు మరియు శక్తులతో ఎలా సేవ చేయాలో బోధిస్తాడు. ఈ నాలుగు అంశాలు అంటే జ్ఞానం, మెడిటేషన్ , దైవిక గుణాలను ఆచరించడం మరియు ఆత్మిక సేవ మానవ ఆత్మలను శుద్ధి చేయడంలో మరియు వారిని ఆత్మ జాగృతి చేయడంలో సహాయపడతాయి తద్వారా అవి సృష్టిని శుద్ధి చేయడంలో సహాయపడతాయి.

(రేపు కొనసాగుతుంది…)

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

22nd may 2024 soul sustenance telugu

భిన్నంగా ఉన్న వారి పట్ల దయకలిగి ఉండటం

మీరు ప్రపంచాన్ని ఇతరులకు భిన్నంగా ఎలా చూస్తున్నారో గుర్తించడం ద్వారా మాత్రమే మీకు భిన్నంగా ఉన్న వారి పట్ల దయ కలిగి ఉండాలనే అవగాహనను పెంపొందించుకోవచ్చు. భిన్నంగా ఉన్న వారు అంటే మీరు కలిసే

Read More »
21st may 2024 soul sustenance telugu

మిమ్మల్ని మీరు మార్చుకోవాలని లోతుగా అనుకుంటున్నారా?

చాలా సార్లు, మనం మన స్వపరివర్తన లక్ష్యాలపై ముందుకు వెనుకకు ఊగిసలాడుతూ ఉంటాము . ఏదైనా తప్పు జరిగినప్పుడు మనం పైపై మార్పులు చేస్తూ ఉత్సాహంగా మొదలుపెడతాము. చాలా వరకు మన దృష్టి ఏమి

Read More »
20th may 2024 soul sustenance telugu

బహిరంగ ప్రసంగ(పబ్లిక్ స్పీకింగ్)భయాన్ని అధిగమించడం

మనలో చాలా మందికి బహిరంగంగా మాట్లాడాలని ఆలోచించటానికే  భయపడతాము, సిగ్గుపడతాము, చెమటలు పడుతూ ఉంటాయి . ప్రపంచంలోని అత్యంత భయంతో కూడిన పనులలో ఒకటిగా, బహిరంగంగా మాట్లాడటం అనేది ఉందని మీకు తెలుసా? మనలో

Read More »