HI

పాజిటివ్ జీవనం కోసం 10 కొత్త నమ్మకాలు (పార్ట్ 2)

పాజిటివ్ జీవనం కోసం 10 కొత్త నమ్మకాలు (పార్ట్ 2)

మనం శాంతి, ప్రేమ, ఆనందం మరియు శక్తిని ఎలా అనుభూతి చేసుకోవాలి అనే విషయంలో చాలా తప్పుడు నమ్మకాలను కలిగి ఉంటాము మరియు మన అనేక చర్యలు ఈ నమ్మకాలపై ఆధారపడి ఉంటాయి. పరమాత్మ లేదా సుప్రీమ్ టీచర్ మన నమ్మక వ్యవస్థను మార్చి ఈ తప్పుడు నమ్మకాల గురించి మనకు తెలిసేలా చేయడమే కాకుండా సరైన ఆధ్యాత్మిక నమ్మకాలు లేదా సత్యాన్ని మనతో పంచుకుంటారు, తద్వారా మనం వాటి ఆధారంగా చర్యలను ప్రారంభించి, శాశ్వత శాంతి, ప్రేమ, ఆనందం మరియు శక్తి యొక్క అనుభూతిని పొందడం ప్రారంభిస్తాము. మనకున్న అటువంటి తప్పుడు నమ్మకాలకు సంబంధించిన 10 ఉదాహరణలను మరియు వాటి గురించి సత్యాన్ని ప్రస్తావించాము –

నమ్మకం 1 – సంబంధాలలో విజయం సాధించడానికి కోపం అవసరం. పనులను పూర్తి చేయడానికి మరియు గౌరవం పొందడానికి కోపం చాలా ముఖ్యం. ఇది మానసికంగా శక్తిని అందిస్తుంది మరియు మనల్ని శక్తివంతం చేస్తుంది.

నిజం – ఇద్దరు మనుషుల మధ్య శాంతి, ప్రేమ మరియు మంచితనం యొక్క శక్తులు పరస్పరం ఇచ్చి పుచ్చుకున్నపుడే సంబంధాలు అందంగా మారుతాయి. మన కోపంతో ఇతరులను నియంత్రించే బదులు, మన శాంతియుతమైన మరియు ప్రేమగల స్వభావంతో వారిని ప్రభావితం చేసినప్పుడు, ఇతరులు మనల్ని మరింత గౌరవిస్తారు మరియు మనతో కలిసి పనిచేయడం ఆనందిస్తారు. కోపం తాత్కాలికంగా నెగెటివ్ శక్తిని మరియు ఆడ్రినలిన్ (ఒత్తిడి హార్మోన్) ని పెంచుతుంది, అది మన ఆరోగ్యానికి హాని కలిగిస్తుంది మరియు జ్ఞానం మరియు సంతృప్తి వంటి ఆధ్యాత్మిక సంపదలను  క్షీణింపజేస్తుంది.

నమ్మకం 2 – ఆందోళన మరియు భయం నెగిటివ్ పరిస్థితులకు మనల్ని సిద్ధం చేస్తాయి. మనకు దగ్గరగా ఉన్నవారి కోసం చింతించడం వారి పట్ల మనకున్న ప్రేమకు సంకేతం.

నిజం – ఇప్పటికే ఆందోళనగా ఉన్న ఏదైనా నెగెటివ్ పరిస్థితిలో ఆందోళన మరియు భయం సమస్యను మరింత పెద్దదిగా చేస్తాయి, పరిష్కారాలను మన నుండి దూరంగా ఉంచుతాయి. భవిష్యత్తులో సంభవించే ఏదైనా నెగెటివ్ పరిస్థితి గురించి ఆందోళన మరియు భయం అనేది నెగెటివ్ పరిస్థితి ముందుగానే విజువలైజేషన్ చేయడం. ఇది చెడు ఫలితం వస్తుందని ఆత్మను ముందు నుంచే సిద్ధం చేయడానికి బదులుగా, ఆత్మ యొక్క ఆధ్యాత్మిక బలం హరించడం అవుతుంది. ఇది విశ్వానికి నెగెటివ్ శక్తిని పంపుతుంది, తద్వారా పరిస్థితిని మెరుగు పడడం కోసం సహాయం చేయడానికి బదులుగా హాని కలిగించవచ్చు. మన ప్రియమైనవారి పట్ల శ్రద్ధ వహించడం మరియు చింతించకపోవడం వారి పట్ల మనకున్న ప్రేమకు సంకేతం, ఇది వారికి మన నుండి అవసరమైన సహాయాన్ని అందిస్తుంది, ఎందుకంటే ఆ సమయంలో మనం పోజిటివిటీ మరియు శక్తితో నిండి ఉంటాము. మనం ఆందోళనకు గురైనప్పుడు, మన పాజిటివిటీని మరియు శక్తిని కోల్పోతాము.

(రేపు కొనసాగుతుంది…)

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

23rd may 2024 soul sustenance telugu

మీకు భగవంతునితో బలమైన సన్నిహిత సంబంధం ఉందా?

భగవంతుడు శాంతి, ప్రేమ మరియు ఆనంద సాగరులు. ఈ అసలైన సుగుణాలు కలిగి ఉన్న ఆత్మలమైన మనం వారి పిల్లలం. మనం భగవంతునితో మంచి సంబంధాన్ని కలిగి ఉన్నప్పుడు, వారి నుండి ఈ సుగుణాలతో

Read More »
22nd may 2024 soul sustenance telugu

భిన్నంగా ఉన్న వారి పట్ల దయకలిగి ఉండటం

మీరు ప్రపంచాన్ని ఇతరులకు భిన్నంగా ఎలా చూస్తున్నారో గుర్తించడం ద్వారా మాత్రమే మీకు భిన్నంగా ఉన్న వారి పట్ల దయ కలిగి ఉండాలనే అవగాహనను పెంపొందించుకోవచ్చు. భిన్నంగా ఉన్న వారు అంటే మీరు కలిసే

Read More »
21st may 2024 soul sustenance telugu

మిమ్మల్ని మీరు మార్చుకోవాలని లోతుగా అనుకుంటున్నారా?

చాలా సార్లు, మనం మన స్వపరివర్తన లక్ష్యాలపై ముందుకు వెనుకకు ఊగిసలాడుతూ ఉంటాము . ఏదైనా తప్పు జరిగినప్పుడు మనం పైపై మార్పులు చేస్తూ ఉత్సాహంగా మొదలుపెడతాము. చాలా వరకు మన దృష్టి ఏమి

Read More »