5 రకాల ఆరోగ్యాలను పాటించండి

ఆరోగ్యంగా  జీవించగల సమర్థత ముఖ్యంగా 5 రకాల ఆరోగ్యాలపై ఆధారపడి ఉంటుంది – శారీరక ఆరోగ్యము, మానసిక ఆరోగ్యము, భావోద్వేగ ఆరోగ్యము, సామాజిక ఆరోగ్యము మరియు ఆధ్యాత్మిక ఆరోగ్యము. వీటన్నిటి మధ్య సంబంధం ఉంది కనుక ఈ ప్రతి కోణము మన నాణ్యమైన జీవితానికి దోహదపడుతాయి. ఆరోగ్యం గురించి మనం ఆలోచించినప్పుడు, మనం సాధారణంగా శారీరక ఆరోగ్యంపైనే ఎక్కువ శ్రద్ధ పెడతాము. శరీరము ఆరోగ్యంగా ఉందా లేదా, చురుకుగా ఉందా లేదా అని చూస్తాము. మానసిక ఆరోగ్యము, భావోద్వేగ ఆరోగ్యము, సామాజిక ఆరోగ్యము మరియు ఆధ్యాత్మిక ఆరోగ్యములపై తక్కువ శ్రద్ధ పెడుతున్నాము. ఒక సంతృప్తికరమైన జీవితం కోసం ఈ 5 చక్కగా ఉండాలి.

1. భావోద్వేగ, సామాజిక, మానసిక మరియు శారీరక ఆరోగ్యములన్నింటికీ ఆధారము ఆధ్యాత్మిక ఆరోగ్యము. మెడిటేషన్ నేర్చుకుని భగవంతుడితో కనెక్ట్ అయ్యి వారి శక్తులతో స్వయాన్ని నింపుకోవాలి. రోజూ ఆధ్యాత్మిక చదువును చదవాలి. నైతిక విలువల దిక్సూచిని పెట్టుకుని విలువల ఆధారిత జీవితాన్ని గడపాలి.
2. శారీరక ఆరోగ్యం కోసం రోజూ కనీసం 20 ని.లు వ్యాయామం చేయాలి. సరైన తిండి, సరైన పానీయము, సరైన నిద్ర అలవాట్లు వంటి జీవినశైలి విధానాలను పాటించాలి.
3. భావోద్వేగ మరియు మానసిక ఆరోగ్యం సరైన ఆలోచనల మీద ఆధారపడి ఉంటుంది, ఎందుకంటే మీలో వచ్చే ఆలోచనలే మీ మాటలలోకి, చేతలలోకి వస్తాయి. అవే మీ విధిని తయారు చేస్తాయి. వ్యక్తులు, పరిస్థితులు సరిగ్గా లేకపోయినా కానీ పాజిటివ్‌గానే ఆలోచించండి. స్వచ్ఛమైన మనసు శరీరానికి శక్తిని పంపిస్తే చెడు ఆలోచనలు శరీరానికి రోగాలను తెస్తాయి.
4. సామాజిక ఆరోగ్యాన్ని పెంచుకోవడానికి, ఇతరులనుండి ఆశించడం మానండి. మీ శక్తికొలదీ ఇవ్వండి, ఏమీ ఆశించకండి. ప్రేమ, నమ్మకము, గౌరవం మరియు సంతోషాన్ని ప్రసరింపజేయండి.