వైఖరి ముఖ్యమైనది (పార్ట్ 2)

నిన్నటి సందేశంలో చర్చించినట్లుగా, ఒక వ్యక్తి పట్ల మన వైఖరి సాధారణంగా అతడు లేదా ఆమె గురించి ఇతరుల నుండి మనం వినే వాటిపై ఆధారపడి ఉంటుంది. మరోవైపు, పాజిటివ్ వైఖరి కలిగి ఉండాలని నిశ్చయించుకున్న వ్యక్తి తాను విన్నవన్నీ తనపై ప్రభావం చూపనివ్వడు. ఒక వ్యక్తి గురించి పూర్తిగా తెలుసుకోవటంలో మరియు అవసరమైతే ఇతరులు ఆ వ్యక్తి గురించి చెప్పినదానిలో బ్యాలన్స్  ను కాపాడుకుంటూ ఒకే వైఖరి తో ఉంటారు. ఎందుకంటే కొన్నిసార్లు ఒక నిర్దిష్ట పాత్రలో, జీవితంలోని ఏ రంగంలోనైనా, ఇతరుల నుండి కూడా ఒక వ్యక్తి గురించిన ప్రతి విషయాన్ని తెలుసుకోవడం చాలా ముఖ్యం. అంటే మనం ఎదుటి వ్యక్తి గురించి కబుర్లు చెప్పాలని, అతని గురించిన చర్చల్లో మునిగితేలాలని కాదు. ఇది కొన్నిసార్లు అనవసరం కావచ్చు ఎందుకంటే కొన్నిసార్లు వ్యక్తులు అభిప్రాయాన్ని తప్పుగా కూడా ఇస్తారు. కానీ అది ప్రతిసారీ నిజం కాదు. కొన్నిసార్లు అభిప్రాయం సరైనది కావచ్చు మరియు అంత పాజిటివ్ గా ఉండకపోవచ్చు. అలాగే, మీరు స్వీకరించే నిర్దిష్ట వ్యక్తి గురించిన సమాచారాన్ని తెలుసుకోవడం చాలా ముఖ్యం, తద్వారా మీరు వ్యక్తిని లేదా వ్యక్తికి సంబంధించిన పరిస్థితిని సరిచేయడానికి సరైన చర్యలు తీసుకోవచ్చు.

ఆ సమయంలో, మీరు వింటున్నది నిజమో కాదో తెలుసుకోవడానికి మీ పరిశీలనా శక్తి మరియు నిర్ణయ శక్తులను ఉపయోగించండి, ఎందుకంటే, మీతో సమాచారాన్ని పంచుకొనే అవతలి వ్యక్తి, తప్పు కావచ్చు లేదా ఉద్దేశపూర్వకంగా అబద్ధం చెప్పవచ్చు లేదా పరిశీలనా శక్తి మరియు నిర్ణయ శక్తులు లోపించినందువల్ల  అబద్ధం చెప్పవచ్చు. అలాగే, కొన్నిసార్లు, అవతలి వ్యక్తి యొక్క సమాచారాన్ని తిరస్కరించడం మంచిది లేదా అది సాధ్యం కాకపోతే, వినండి, కానీ అది మిమ్మల్ని నెగిటివ్ గా ప్రభావితం చేయనివ్వకండి. మరో మాటలో చెప్పాలంటే, మీరు ఆ సమాచారాన్ని చూసి కలవరపడకూడదు మరియు ఆ సమాచారాన్ని ఇతరులతో పంచుకోకూడదు. చివరగా మరియు చాలా ముఖ్యమైన విషయం ఏమిటంటే, ఎవరి గురించిన సమాచారం మీతో పంచుకున్నారో ఆ వ్యక్తి పట్ల మీ వైఖరి ఒకేలా ఉండాలి. లేకపోతే మీ వైఖరి మారిన తర్వాత, ఆ వ్యక్తి పట్ల మీ ప్రవర్తన మారుతుంది మరియు ఫలితంగా ఆ వ్యక్తితో మీ సంబంధం నెగిటివ్ గా ప్రభావితమవుతుంది. మనం నెగిటివ్ సమాచారాన్ని విన్న వ్యక్తి పట్ల పాజిటివ్ వైఖరి ఎలా ఉంచుకోవాలి? మేము రేపటి సందేశంలో దాని గురించి కొంచెం పంచుకుంటాము.

(రేపు కొనసాగుతుంది…)