మనం మానవ యంత్రాలము కాదు, మానవ జీవులం (పార్ట్ 3 )

మీరు చేసే ప్రతి పని మీ నిజమైన ఆధ్యాత్మిక స్వయంపై ఆధారపడినప్పుడే అంతర్గత ఆనందం మరియు సంతృప్తితో కూడిన జీవితం సాధ్యమవుతుంది. మీకు మీ పాఠశాలలో ఒక ముఖ్యమైన పరీక్ష ఉంటే  మీరు పూర్తి నిజాయితీ మరియు చిత్తశుద్ధితో దానికి చదువుతున్నారని అనుకుందాం. పరీక్ష ఇవ్వడం మీకు ఒక ముఖ్యమైన సవాలు, కానీ మీరు ఎంత కష్టపడినా మీరు పరీక్షలో రాణించకపోతే,  మనం సంతోషంగా ఉండము. కానీ ఇలాంటి బాహ్య పరిస్థితి పాజిటివ్ గా లేదా నెగిటివ్ గా ఉండవచ్చని మనం ఎప్పుడైనా ఆలోచించామా? మన మనస్సు యొక్క ఆలోచనలు, భావాలు మరియు భావోద్వేగాలను వాటిచే నియంత్రించబడటానికి మనం అనుమతిస్తాము. అలాగే, మీ జీవిత లక్ష్యం సంపదను సంపాదించడం, వివిధ రకాల పాత్రలు పోషించడం, మీ కుటుంబాన్ని మరియు పిల్లలను చూసుకోవడం,పరీక్షలలో రాణించడం మరియు మంచి డిగ్రీలు పొందడం మాత్రమే కాదని గుర్తుంచుకోండి. ఈ ప్రపంచంలోని ఏ వ్యక్తి జీవితంలోని ఈ విభిన్న రంగాలలో అన్ని సమయాలలో తను అనుకున్న విధంగా ప్రతిదీ జరగదు. కాబట్టి మనం అనుకున్న విధంగా జరిగే లేదా జరగని విషయాలపై ఆధారపడితే అలసిపోతాము మరియు సంతోషము ఎప్పటికప్పుడు మారుతూ ఉంటుంది. 

మన ఆలోచనలను పునర్నిర్వచించుకోవడం మరియు మన భావాలను మంచివిగా మార్చుకోవడం అనే ఉన్నతమైన ఉద్దేశ్యం మనకు ఉన్నప్పుడు, మన చుట్టూ ఉన్న మన చిన్న ప్రపంచమైన మన కుటుంబం, మన చుట్టూ ఉన్న కొంత పెద్ద ప్రపంచమైన మన పని స్థలం, తరువాత మరింత పెద్ద ప్రపంచమైన మన సమాజం, ఆపై మన దేశం ,  ఆపై పూర్తి ప్రపంచం మారడం ప్రారంభమవుతుంది. తినడం, తినిపించడం , సంపాదించడం, ఖర్చు చేయడం, ఉత్పత్తి చేయడం మరియు లాభం పొందడం  వంటి స్వల్పకాలిక ప్రయోజనాల కంటే ముందు పూర్తి మానవ జాతి ఉన్నతమైన ప్రయోజనాన్ని పొందినట్లయితే, మన వెలుపల ఉన్న ఇవన్నీ మరింత పరిపూర్ణంగా మరియు అందంతో నిండి ఉంటాయి. కాబట్టి, ఈ రోజు ఒక అడుగు ముందుకు వేసి, కర్మ చేసే  ముందు స్వయాన్ని ప్రేమించే ప్రత్యేక మానవులలా జీవించడం ప్రారంభించండి. ఇది మీ చుట్టూ శాంతి మరియు ప్రేమతో నిండిన సంతోషకరమైన చిన్న ప్రపంచాలను సృష్టిస్తుంది … ఈ     చిన్న  స్వర్గాలతో, ప్రపంచమంతా  ఒక అందమైన స్వర్గంగా మారుతుంది.