సంపూర్ణ ఆరోగ్యం కోసం ఆహారం మరియు నీటిని శుద్ధి చేయడం

ఆరోగ్యకరమైన, సమతుల్య ఆహారం తీసుకోవడం యొక్క ప్రాముఖ్యత మనందరికీ తెలుసు. ఇది సేంద్రీయ పద్ధతులు , పోషకాలు, పండ్లు మరియు కేలరీల గురించి మాత్రమే కాదు. మనం తినే ఆహారం మరియు త్రాగే నీరు వైబ్రేషన్స్ కలిగి ఉంటాయి, అవి తీసుకున్న వెంటనే మనలో భాగమవుతాయి. అవి మన ఆలోచనలు, మానసిక స్థితి మరియు సంస్కారాలను నేరుగా ప్రభావితం చేస్తాయి. దైవిక భావాలతో భోజనాన్ని తయారు చేసి, భోజనాన్ని శక్తివంతం చేయడం, ఆ భోజనం మరియు మన యొక్క వైబ్రేషన్స్ ని పెంచుతుంది. మీరు పౌష్టికాహారం తింటున్నప్పటికీ, క్యాలరీలను గమనిస్తున్నప్పటికీ , జంక్ ఫుడ్ కు దూరంగా ఉన్నప్పటికీ , మీకు నిస్తేజంగా లేదా అలసటగా అనిపిస్తుందా? ఆహారం మరియు నీరు వాటి పరిసరాల నుండి వైబ్రేషన్స్ గ్రహిస్తాయని మీకు తెలుసా? ఆహారం యొక్క వైబ్రేషన్స్ దాని పోషక శక్తి వలె ముఖ్యమైనవి . మన ఆహారంలోని వైబ్రేషన్స్ మన మానసిక స్థితిని ప్రభావితం చేస్తాయి. అధిక శక్తి గల ఆహారాన్ని ఎంచుకొని భోజనాన్ని ప్రశాంతమైన మానసిక స్థితితో తయారు చేయడం చాలా ముఖ్యం. మనం 30 సెకన్ల పాటు మెడిటేషన్ చేసి, కృతజ్ఞతా భావాన్ని సమర్పించి, భోజనం చేసే ముందు ఆహారాన్ని ఆశీర్వదిద్దాం. నేను సంతోషకరమైన జీవిని… నాకు కావాల్సినవన్నీ నా దగ్గర ఉన్నాయి…అనే సంకల్పాన్ని చేద్దాం .
స్వచ్ఛమైన వాతావరణంలో మరియు శక్తివంతమైన మానసిక స్థితిలో తయారుచేసిన ఆహారాన్ని తినండి. ప్రతి భోజనానికి ముందు, అన్ని పరధ్యానాల నుండి వైదొలగండి, శాంతియుతంగా మరియు సంతోషంగా ఉండండి, ప్లేట్‌లో ఆహారం ఉన్నందుకు భగవంతునికి కృతజ్ఞతలు తెలుపుతూ ప్రార్థన చేయండి, దానిని తయారు చేసి ప్రేమగా వడ్డించిన వ్యక్తులకు కృతజ్ఞతలు తెలియజేయండి. మీ ఆలోచనలు మరియు వైబ్రేషన్స్ మీ ప్రతి భోజనం మరియు నీటిలో భాగమవుతాయి. వారు శక్తిని పొందుతారు. మీ శరీరానికి ఆరోగ్యకరమైన వాటిని మాత్రమే తినండి… రుచి కంటే ఆరోగ్యానికి ప్రాధాన్యత ఇవ్వండి. ఆహారం మరియు నీటిని శక్తివంతం చేయడం అలవాటుగా మారిన తర్వాత, మీరు మంచి మానసిక ఆరోగ్యాన్ని అలాగే శారీరక ఆరోగ్యాన్ని పొందుతారు . భోజనం చేస్తున్నప్పుడు, ఆ 10 -15 నిమిషాలు భోజనంపై దృష్టి పెట్టండి, మౌనంగా తినండి, నెగెటివ్ సంభాషణలు, ఆహారం గురించి నెగెటివ్ మాటలు మాట్లాడవద్దు. ఆహారాన్ని గౌరవించండి మరియు దానితో మంచి సంబంధం కలిగి ఉండండి. ఈ విధంగా మీరు తినేవి మరియు త్రాగేవి సాత్వికంగా మారుతాయి. మీ ఆహారం ప్రసాదం అవుతుంది మరియు నీరు అమృతం అవుతుంది. మీ మనస్సు మరియు శరీరాన్ని నయం చేసి మీకు సంపూర్ణ ఆరోగ్యాన్ని అందిస్తాయి .