మనందరి సంస్కారాలు మరియు అభిప్రాయాలు భిన్నంగా ఉంటాయి కాబట్టి, రోజువారీ కార్యాలలో అభిప్రాయాల బేధాలు తలెత్తుతాయి. అలాంటి సమయాల్లో మనం మన అభిప్రాయాన్ని సరి అయినదిగా నిరూపించుకోవాలనే అహంభావంతో ఎదుటి వ్యక్తిని విమర్శిస్తే, చర్చ వాదనగా మారుతుంది. కానీ మనం మానసికంగా ఆ చర్చ నుండి వైదొలగి, స్థిరంగా ఉండి, ఆపై మాట్లాడితే , మనకు విభేదాలు ఉన్నప్పటికీ సామరస్యమైన సంభాషణ జరుగుతుంది . మీరు ఎవరితోనైనా విభేదించినప్పుడు ప్రశాంతమైన చర్చలకు మీ లిమిట్ ఎంత? మీ అహం పెరిగి మీ అభిప్రాయాన్ని నిరూపించుకోవడానికి మీరు వాదిస్తారా? అలాగే, సుదీర్ఘ వాదనలు విలువైనవిగా భావిస్తున్నారా? మన మాట ఇతరులు వినడం ముఖ్యమే. కానీ ఆరోగ్యకరమైన చర్చల కోసం మనం విరామం తీసుకొని, పరిస్థితిని అర్థం చేసుకొని, ప్రతిస్పందించి మాట్లాడటం అవసరం. మనసులో ఎదుట వారు తప్పు అని తేల్చకుండా వారి అభిప్రాయాన్ని మనం వినాలి. వాదించడం కంటే వినయంగా ఉండటంలో ఎక్కువ శక్తి ఉంది. వినయం మన ఎమోషన్స్ ను అదుపులో ఉంచుతుంది. వినయం లేకపోతే సరి అయిన వాటికన్నా మన అభిప్రాయాలు సరి అయినవిగా మనం పవర్ గేమ్ ఆడుతాము. వాదనలు అహం నుండి పుట్టి అవసరమైన సంభాషణను నిరోధిస్తాయి. ప్రతి ఒక్కరి అభిప్రాయం వారికి సరైనదే అని మన మనస్సులో అండర్లైన్ చేసుకోవాలి. ఇది మనము ఇతరులకు గౌరవాన్ని ఇస్తూ మన అభిప్రాయాన్ని ప్రశాంతంగా చెప్పడానికి, స్థిరత్వంతో విభేదాలను అంగీకరించడానికి మనకు సహాయపడుతుంది.
రోజంతా, వ్యక్తులతో కలిసి జీవిస్తూ , వారితో కలిసి పనిచేస్తూ, అపరిచితులను కలుస్తూ కూడా మీ మనస్సును జాగ్రత్తగా చూసుకోండి. అభిప్రాయ భేదాలు ఉంటే మీ అభిప్రాయాన్ని స్థిరత్వంతో ఉంచండి. మీ అభిప్రాయం నుండి వేరు అయ్యి వారి అభిప్రాయాన్ని అర్థం చేసుకోండి . మీరు అప్పటికీ వారి అభిప్రాయంతో సంతృప్తి చెందకపోతే, మీ మధ్య ఉన్న అభిప్రాయ భేదాలను ఒప్పుకొని స్వయం పట్ల గౌరవంగా మరియు ఎదుట వారిని గౌరవంతో అంగీకరించండి. వారు వారి సంస్కారాలు మరియు వారి అభిప్రాయాల ప్రకారం మాట్లాడతారని, మీరు మీ అభిప్రాయం ప్రకారం మాట్లాడతారని అర్థం చేసుకోండి. మీ ఇద్దరిలో ఎవరూ తప్పు కాదు, ఇద్దరూ వేర్వేరు అభిప్రాయాలు కలిగి ఉన్నారు. తాబేలు దాని పెంకులోకి ప్రవేశించినట్టు ఈ జ్ఞానాన్ని ఉపయోగించి ఆ సన్నివేశంలోని అనారోగ్య శక్తుల నుండి ఆంతరికంగా వైదొలగండి. ఇది ఒక వాదన లేదా సంఘర్షణగా మారనివ్వవద్దు. మీ అహాన్ని వాదించడానికి, మీ మాటే సరైనదని నిరూపించుకోవడానికి అనుమతించవద్దు. వాదించడం ద్వారా ఆనందాన్ని మరియు ఆరోగ్యాన్ని క్షీణింప చేసుకోకండి. అవతలి వ్యక్తికి గౌరవం మరియు అంగీకారం యొక్క వైబ్రేషన్స్ పంపి వారి చెదిరిన మనసును నయం చేయండి. సామరస్యాన్ని పునరుద్ధరించి మీ మనసు నుండి సంఘటనను తొలగించండి. దాని వలన ఎలాంటి భావాలు గాయపడకుండా చూసుకోండి. అందరితో ప్రతిసారీ ఇలాగే ఉండండి.
మనమందరం భగవంతుడి నుండి ఆధ్యాత్మిక జ్ఞానాన్ని నేర్చుకుంటూ ప్రతిరోజూ ధ్యానాన్ని అభ్యసించే ఆధ్యాత్మిక విద్యార్థులం. ధ్యానం అంటే భగవంతునితో ఆధ్యాత్మిక అనుసంధానం. ఆధ్యాత్మిక జీవితంలోని ఈ రెండు అంశాలతో అనగా ఆధ్యాత్మిక జ్ఞానం మరియు
మనమందరం ప్రపంచంలో మంచి ఆత్మలం. ఈ ప్రపంచ నాటకంలో ప్రతి ఒక్కరికీ మంచితనాన్ని ప్రసరింపజేసే పాత్ర మనది. మంచితనపు వైబ్రేషన్ అంటే మనం ఎక్కడికి వెళ్లినా, ఎవరితో సంభాషించినా ప్రతి ఒక్కరూ మన
మనమందరం గొప్ప వక్తలం కావచ్చు, కానీ మనం మంచి శ్రోతలమా? పరిపూర్ణ సంభాషణ అంటే కేవలం మనం బాగా మాట్లాడగలగడం మరియు మన మాటలను ఎవరైనా అర్థం చేసుకునేలా చేయడం మాత్రమే కాదు. ఇతరులు
Start your day with a breeze of positivity and stay motivated with these daily affirmations
After Clicking on Join, You will be redirected to Whatsapp Community to receive daily message. Your identitiy will be secured and no group member will know about another group member who have joined.
