ప్రేమ నన్ను బాధించగలదా?

మనం జీవితంలో అనేక కొత్త సంబంధాలను ఏర్పరుచుకున్నప్పుడు, కొంతమంది వ్యక్తులతో మన లోతైన ఆలోచనలు మరియు భావాలను పంచుకోవడం ద్వారా మన ఆంతరిక ఎమోషన్స్ ప్రపంచానికి ఆహ్వానిస్తాము. వారు కూడా వారి ఆంతరిక ప్రపంచాన్ని మనతో పంచుకున్నప్పుడు, ఆ సంబంధం విలువైనదిగా భావిస్తాము. అర్ధవంతమైన కనెక్షన్ తయారు అవుతుంది. కానీ కాలం గడిచేకొద్దీ ప్రేమ మొహంగా మారుతుంది. అటాచ్‌మెంట్ అనేది అశాంతి కలిగించే ఎమోషన్ – ఇది గొప్ప ఆనందానికి మూలం కావచ్చు అదే విధంగా లోతైన గాయాలను కూడా సృష్టించగలదు. స్వచ్ఛమైన ప్రేమ అంటే ఇద్దరికీ ఆనందాన్ని కలిగించడానికి అవతలి వ్యక్తిని కలుపుకోవడం. ప్రేమ ఉన్నప్పుడు మనం ఇతరులను బాగా చూసుకుంటాము, ఇతరులను వారికి అనుగుణంగా ఉండనిస్తాం, వారిని కోల్పోతామని భయపడము. కానీ మొహం ఉన్నప్పుడు, ఆ సంబంధం ప్రత్యేకమైపోతుంది మరియు కేవలం మన కొరకు మాత్రమే ఆలోచిస్తాము. వారు కలత చెందినప్పుడల్లా, మనము బాధపడతాము. వారి ప్రవర్తన మారినప్పుడు, మనం గాయపడతాము. మనం వారిని కోల్పోతామని భయపడినప్పుడు మనం గాయపడతాము. నేను వారిని ప్రేమిస్తున్నాను కాని వారు నన్ను బాధపెట్టారు అని అనుకుంటాము. ప్రేమ బాధించదు మరియు వ్యక్తులు బాధించలేరు. వారి పట్ల ప్రేమ పేరుతో మనకున్న మొహం మనకు బాధను కలిగిస్తుంది.
తల్లిదండ్రులు, జీవిత భాగస్వామి, బిడ్డ, తోబుట్టువులు లేదా స్నేహితుడి ఎవరిపట్ల ప్రేమ అయినా అది మనం హృదయాలలో చోటు తీసుకున్నట్టే . అలాంటి ప్రేమ, శ్రద్ధ మరియు సాన్నిహిత్యం, మొహం గా మారితే మనల్ని మనం బాధించుకుంటాము. మనం సంబంధాలను లేబుల్‌లతో గుర్తించడం మానేసి, ప్రతి ఒక్కరినీ పవిత్రమైన ఆత్మలుగా చూసినప్పుడు, మోహం లేని ప్రేమను అనుభవిస్తాము. మన దగ్గర సంబంధీకులను ప్రేమిస్తున్నామా లేదా మోహంలో ఉన్నామా అని లోతుగా పరిశీలించుకుందాము.