ఆలోచనలపై ప్రతికూల ప్రభావాలను అధిగమించడం (పార్ట్ 3)

నిన్న మనం బాహ్య ప్రభావాల గురించి చర్చించుకున్నాము. మన ఆలోచనలపై కొన్ని ఆంతరిక ప్రభావాలు ఈ క్రింది విధంగా ఉంటాయి:

– ప్రశంసలు, కీర్తి, ప్రతీకారం, దురాశ, పరిస్థితి లేదా వ్యక్తి యొక్క నియంత్రణలో ఉండటం, పరిస్థితి లేదా వ్యక్తిపై ఆధిపత్యం చెలాయించడం వంటి స్వార్థపూరిత లేదా అశుద్దమైన  కోరికలు;

– అహం;

-గతం యొక్క భారం, వర్తమానం లేదా భవిష్యత్తు గురించి మన ఆందోళనలు;

-వ్యక్తులు, పరిస్థితులు, భౌతిక వస్తువులు మొదలైన వాటి పట్ల మొహం.

-ఒక నిర్దిష్ట వ్యక్తి పట్ల అసూయ లేదా ద్వేషం, ఒకరి పట్ల పక్షపాత లేదా విమర్శనాత్మక దృష్టి మొదలైనవి.

– ఇతర తాత్కాలిక ప్రతికూల సంస్కారాలు లేదా వ్యక్తిత్వ లక్షణాలు;

బాహ్యమైన లేదా ఆంతరికమైన ఈ ప్రభావాలలో కొన్ని లేదా అన్నింటికీ మనం ఎల్లప్పుడూ గురవుతూ ఉంటాము. మనం శక్తివంతంగా లేకపోతే, మన మనస్సు అనేక ప్రభావాల వల్ల బలహీనపడుతుంది. ఫలితంగా, మనస్సు అస్పష్టంగా, గందరగోళంగా మరియు ఏకాగ్రత లోపించినదిగా మారుతుంది. వీటన్నిటి కారణంగా, ఒక వైపు, మనకు అవసరమైన, ముఖ్యమైన మరియు నిజమైన వాటితో కనెక్ట్ అయ్యి ఉండటానికి మంచి నిర్ణయ శక్తి ఉండాలి. మరోవైపు, మన ఆలోచనను బలోపేతం చేయాలంటే, తక్కువ ఆలోచించాలి; మరింత నెమ్మదిగా ఆలోచించాలి; మరింత ఏకాగ్రతతో మరియు స్పష్టంగా దృష్టి పెట్టాలి, ప్రయోజనకరంగా, సానుకూలతతో ఉండాలి. ఆ ఆలోచన ఒక బాణం లాంటిది; దానికి సానుకూల శక్తి మరియు స్పష్టత ఉంటుంది. అది ఎల్లప్పుడూ శక్తివంతమైన ఫలాలను ఇస్తుంది. ఈ రకమైన ఆలోచనను కేంద్రీకృత ఆలోచన అంటారు. పగటిపూట క్రమమైన వ్యవధిలో ఒక నిమిషం లేదా కొన్ని నిమిషాలు అంతర్ముఖంగా అవ్వటం లేదా ధ్యానం చేయడం మనల్ని అన్ని ప్రభావాలకు అతీతంగా ఉండటానికి సహాయపడుతుంది. ఇది మన మనస్సును శాంతి శక్తితో నిరంతరం పోషిస్తుంది. ఇది మనకు సులభంగా ఏకాగ్రతతో కూడిన ఆలోచన యొక్క ఈ అనుభవంలో ఉండటానికి సహాయపడుతుంది.