ఆంతరిక అందాన్ని పెంచుకోవడం

మన నిజమైన విలువ శరీరాన్ని ఆకర్షణీయంగా మార్చుకోవడంలో కాదని, మన అంతర్గత అందాన్ని పెంచుకోవడమేనని పదే పదే వింటూ ఉంటాము. ఒక వ్యక్తి యొక్క శారీరక రూపం కంటే అతని అంతర్గత అందం చాలా విలువైనదని మనందరికీ తెలుసు. అయినప్పటికీ నేడు సమాజం అందంగా కనిపించడానికి సౌందర్య సాధనాలు, అలంకరణలు మరియు శస్త్రచికిత్సలను కూడా ఉపయోగిస్తోంది.

మీ శరీరం మర్యాదపూర్వకంగా కనిపించేలా జాగ్రత్త వహించండి. కానీ మీ ఆలోచనలు, భావాలు, వైఖరి, ప్రవర్తనలు, అలవాట్లు, విలువలు మరియు సంస్కారాల సామూహిక ప్రకంపనలు అయిన అంతర్గత అందంపై ఎక్కువ దృష్టి పెట్టండి.

శక్తివంతమైన, స్వచ్ఛమైన మరియు పాజిటివ్ ఆలోచనలను చేయడానికి ప్రతి ఉదయం కనీసం 20 నిమిషాల పాటు మెడిటేషన్ చేయండి మరియు ఆధ్యాత్మిక జ్ఞానాన్ని చదవండి. మీ ఆలోచనా క్వాలిటి మీ భావాలను సృష్టిస్తుంది, అది ఆటోమెటిక్ గా మీ రూపాన్ని ప్రతిబింబిస్తుంది.

మీ శారీరక బరువు పెరిగితే, మొదటి ఫలితం మీ శారీరక రూపాన్ని ప్రభావితం చేస్తుంది. అదే విధంగా, మీ ఆలోచనలు భారంగా, ఎక్కువగా అవ్వడంతో, మీ అంతర్గత అందం దెబ్బతింటుంది. ప్రతి గంటకు ఒకసారి ఒత్తిడి, కోపం, భయం, ఆందోళన లేదా నొప్పికి సంబంధించిన ఏవైనా ఆలోచనలు ఉన్నాయా అని పరిశీలించుకోవడానికి కాసేపు ఆగండి. వాటిని వెంటనే మార్చండి.

మిమ్మల్ని మీరు జాగ్రత్తగా చూసుకోండి, ఆరోగ్యకరమైన జీవనశైలితో ఉల్లాసంగా ఉండండి, ఇతరులకు సహాయం చేస్తూ తేలికగా ఉండండి. మీ ముఖ కవళికలు, కళ్ళు, చిరునవ్వు, హావభావాలు మరియు బాడీ లాంగ్వేజ్ మీ  లోపల ఉన్న స్వచ్ఛత , శక్తిని సూచిస్తాయి.