Hin

4th june2024 soul sustenance telugu

June 4, 2024

ఆత్మను మరియు అది ఎలా పని చేస్తుందో తెలుసుకుందాం (పార్ట్ 2)

ఆత్మ ఒక భౌతికేతర శక్తి, ఇది భౌతిక శరీరాన్ని నడుపుతుంది. విద్యుత్ శక్తి టెలివిజన్ సెట్‌ను ఎలా నడుపుతుందో ఆత్మను దానితో పోల్చవచ్చు. కరెంటు లేకుంటే, టెలివిజన్ సెట్ మరియు దాని అన్ని భాగాలు ఉన్నా, అది మనకు ప్రపంచ చిత్రాలను చూపించదు, ప్రపంచంలోని సంఘటనల గురించి మనకు తెలియ చేయదు. అదే విధంగా, వివిధ భాగాలు, వివిధ వ్యవస్థలతో ఉన్న భౌతిక శరీరం దాని లోపల ఆత్మ లేకుండా పనిచేయదు. ఆత్మ శరీరాన్ని విడిచిపెట్టిన వెంటనే, గుండె మరియు ఇతర అవయవాలు పనిచేయడం మానేస్తాయి, మెదడు కూడా పనిచేయదు. ఆత్మ శరీరాన్ని కదలించే ప్రధాన శక్తి  . ఆత్మ మెదడులోని భాగాలైన హైపోథాలమస్ మరియు పిట్యూటరీ గ్రంధికి సమీపంలో మెదడు లోపల ఉంటుంది. ఇది మెదడు ద్వారా నాడీ మరియు హార్మోన్ల వ్యవస్థల సహాయంతో ఐదు ఇంద్రియ అవయవాలను – కళ్ళు, ముక్కు, చెవులు, నాలుక మరియు చేతులను నియంత్రిస్తుంది. మెదడు ఆత్మ మరియు వివిధ శరీర భాగాల మధ్య వారధిగా పనిచేస్తుంది. 

సైన్స్ అందించిన వివిధ సాధనాల ద్వారా కనుగొనబడిన మెదడు కార్యకలాపాలు ఆత్మ యొక్క ఉనికి కారణంగా సంభవిస్తాయి. నిజానికి శరీరం లోపల ఆలోచించే భౌతికేతర ఆత్మ లేకుంటే, భౌతిక మెదడు లోపల ఎలాంటి కార్యకలాపాలు గుర్తించబడవు అంటే మెదడు నిశ్శబ్దంగా ఉంటుంది. నిజానికి ఆలోచించేది మనస్సు, మెదడు కాదు. మనస్సు భౌతికం కానిది మరియు భౌతికేతర ఆత్మలో ఒక భాగం. ఆత్మ మరియు భౌతిక శరీర సంబంధాన్ని మనం కంప్యూటర్‌తో పోల్చవచ్చు. మెదడు కంప్యూటర్ యొక్క CPU లేదా సెంట్రల్ ప్రాసెసింగ్ యూనిట్ లాంటిది, అయితే ఆత్మ కంప్యూటర్ యొక్క ప్రోగ్రామర్ లాంటిది. మెదడు ఆత్మ నుండి స్వీకరించబడిన అన్ని ఆలోచనలు, మాటలు మరియు చర్యలను శరీరం ద్వారా వ్యక్తపరుస్తుంది. శరీరం కంప్యూటర్ యొక్క మానిటర్ లాంటిది, ఇది మెదడు ద్వారా ప్రాసెస్ చేయబడిన దాని యొక్క తుది వర్షన్ ను ప్రదర్శిస్తుంది. మనం ఆలోచించగానే, శరీరం యొక్క భౌతిక అవయవం అయిన మెదడు, భౌతికేతర ఆత్మ నుండి ఈ సంకేతాలను తీసుకుంటుంది. మెదడు గుర్తించిన సంకేతాలు లేదా ఆదేశాలు శరీరంచే నిర్వహించబడే వివిధ చర్యలుగా మార్చబడతాయి. ఆత్మ యొక్క భౌతికేతర సూచనలు మెదడు ద్వారా భౌతిక రూపం ఇవ్వబడి చర్యలోకి తీసుకురాబడతాయి.

(సశేషం…)

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

23rd june2024 soul sustenance telugu

నిద్రను ప్రశాంతంగా మరియు ఆనందంగా మార్చడానికి 5 చిట్కాలు

నిద్ర మనిషి ఆరోగ్యానికి అత్యంత ముఖ్యమైన అంశాలలో ఒకటి. మన శారీరక, ఆధ్యాత్మిక మరియు భావోద్వేగ ఆరోగ్యాన్ని అపారంగా ప్రభావితం చేస్తుంది. నిద్రను ప్రశాంతంగా మరియు ఆనందంగా మార్చడానికి 5 చిట్కాలను చూద్దాం –

Read More »
22nd june2024 soul sustenance telugu

మీ మనస్సు ఒక బిడ్డ వంటిది

మనస్సు మన బిడ్డలాంటిది. మనం మన బాధ్యతలను నిర్వర్తిస్తున్నప్పటికీ, మీలో ఉన్న ఈ బిడ్డ  శ్రేయస్సుకు ప్రాధాన్యత ఇవ్వాలి. మనం దానిని ప్రేమించాలి, పాలన చేయాలి మరియు ఓదార్చాలి. మనుష్యులు తమ మనస్సుపై నియంత్రణ

Read More »
21st june2024 soul sustenance telugu

మనుష్యుల వైబ్రేషన్లను అనుభూతి చెందడం ప్రారంభించండి

మీరు ఎవరినైనా కలిసినప్పుడు, మీ దృష్టి ఎటు వెళుతుంది? ఒకటి: వారి రూపం మరియు వస్త్రాలు పై మీ దృష్టి వెళుతుంది. రెండు: వారి మాటలు మరియు చేతల పై దృష్టి వెళుతుంది. ఇపుడు

Read More »