అడుగడుగులో  నవీనత  (పార్ట్ 3)

ఉన్నతమైన జీవితం ఆనందాన్ని నింపుతుంది. అలాగే, సంతోషకరమైన జీవనం యొక్క ఆధ్యాత్మిక దృక్పథం ఏమిటంటే అన్ని వేళలా మీతో మీరు మాట్లాడుకుంటూ జీవిత పరిస్థితులు ఎంత నెగిటివ్ గా ఉన్నప్పటికీ వాటిలో పాజిటివిటీ ని చూడటం. ప్రతి ఒక్కరినీ ప్రేమించడం మరియు మీ ప్రతి సంబంధంలో శుభాభావనల శక్తిని వ్యాప్తి చేయడం జీవితాన్ని అందంగా మరియు పాజిటివ్ గా చేస్తుంది. ప్రతిరోజూ ఇలా ఒక సారి చేయండి, మీ సన్నిహితులందరిని గుర్తు చేసుకొని ఇలా చెప్పుకోండి – మీరందరూ విశేష ఆత్మలు, మీ అందరితో నాకు ప్రేమపూర్వకమైన స్వచ్ఛమైన అనుబంధం ఉంది. మీరందరూ చాలా సంతోషంగా,  అన్ని గుణాలతో నిండి ఉండాలని, మీ జీవిత పరిస్థితులను సులభంగా అధిగమించి అడుగడుగునా విజయాన్ని పొందాలని నా శుభాభావన. ఇదే అందరికీ ఆశీస్సులు ఇచ్చే విధానం. ఇది కేవలం సిద్ధాంత స్థాయిలో, మన స్పృహలో మాత్రమే ఉండే పాజిటివిటీ కాదు ఇది కర్మలలో పాజిటివిటీ. వ్యక్తులు మన జీవితంలో అత్యంత ముఖ్యమైనవారని గుర్తుంచుకోండి. కనుక,  వారితో పాజిటివిటీ మరియు ప్రేమతో నిండిన పరస్పర చర్యలు జీవితాన్ని ఆహ్లాదకరంగా మరియు కొత్తదనంతో నింపుతాయి.

భగవంతుడిని కూడా ప్రతిరోజు కొత్తగా ఆరాధించాలి మరియు ప్రేమించాలి. దాని వలన వారితో సంబంధం ప్రేమ మరియు ఉత్సాహంతో నిండి ఉంటుంది. అంతేకానీ వారి ఆరాధన ఎప్పుడూ రిపీట్ అయ్యే ఒక రొటీన్ మాత్రం కాదు. అలా రొటీన్ అయితే మాటిమాటికి వారిని మర్చిపోతాము. నిజానికి, భగవంతుడు మన తల్లి, తండ్రి, స్నేహితుడు, శిక్షకుడు, మరియు గురువు కూడా. ఈ విభిన్న సంబంధాల ద్వారా భగవంతుడిని స్మరించుకోవడం, వారి సద్గుణాలను స్మరించుకోవడం కూడా వారిని విభిన్నంగా ప్రేమించే మార్గం. ఉదా. మీరు భగవంతుడిని మీ స్నేహితుడు అని అంటారు, కానీ మీరు ఆ సంబంధం యొక్క అనుభూతిని పొందుతున్నారా? మీరు భగవంతుడిని సర్వశక్తివంతుడని  అంటారు, కానీ మీ రోజువారీ జీవితంలో ఆ శక్తిని ఫీల్ అవుతున్నారా? కాబట్టి, మీరు చేసే ప్రతి పని వైవిధ్యం మరియు సృజనాత్మకతతో నిండి ఉండాలి, అది జీవిత ప్రయాణాన్ని సాఫీగా మరియు ప్రతిరోజూ కొత్తదనం కోసం ఎదురుచూసేలా చేస్తుంది.