అహంకారం కంటే దృఢత్వాన్ని ఎంచుకోవడం

రోజువారీ జీవితంలో మన వివిధ పాత్రలలో, కావాల్సిన ఫలితాలను సాధించడానికి మనం అందరిని ప్రభావితం చేయాలి. దానికోసం మనకు మనం వినయంగా నచ్చ చెప్పుకోవడం ప్రారంభిస్తాము, కానీ కొన్ని సమయాల్లో మనకు మనం ఒత్తిడిని ఇస్తాం లేదా అహంకారిగా మారుతాము.

1. దృఢమైన కమ్యూనికేషన్ అనేది మీరు అభ్యాసంతో నైపుణ్యం సాధించగల కళ. స్పష్టంగా ఆలోచించి వినయంగా మాట్లాడండి. మీ అభిప్రాయం, అవసరాలు లేదా భావాలను తెలియజేయడానికి తక్కువ మరియు సరైన పదాలను ఎంచుకోండి. నమ్మకంగా మరియు గౌరవంగా ఉండండి. సంభాషణలో విజయం సాధించడం కంటే లక్ష్యాన్ని సాధించడంపై దృష్టి పెట్టండి.
2. మీరు స్వచ్ఛమైన వారితో మాట్లాడుతున్నారని గుర్తుంచుకోండి. అవతలి వ్యక్తి మీ అభిప్రాయాలను ప్రతిఘటించవచ్చు, వ్యతిరేకించవచ్చు లేదా ప్రశ్నించవచ్చు. వారు మొరటుగా కూడా ఉండవచ్చు. వారి ప్రవర్తన పట్ల జాలి చూపండి. ప్రేమ స్వరూపంగా ఉంటూ ఓపికగా వినండి.
3. వారి దృక్కోణాన్ని చూడటానికి మీ దృక్కోణం నుండి వేరు అవ్వండి. వారి ఆందోళనలను గుర్తించి వాటిని పరిష్కరించండి. వారికి విలువను ఇస్తున్నారు అని వారు భావించినప్పుడు, వారు మీ దృక్కోణాన్ని గౌరవిస్తారు మరియు మరింత స్వీకరించగలరు.
4. ప్రతి ఒక్కరూ ఏకీభవించిన తర్వాత, ప్రశాంతంగా బాధ్యతలను తెలియజేయండి, సమయపాలనలను సెట్ చేయండి, నియమాలను ఏర్పాటు చేయండి మరియు వ్యక్తులను గౌరవంగా క్రమశిక్షణలో పెట్టండి.
5. మీ విలువల విషయంలో రాజీ పడకండి. పర్యావసనాలకు భయపడకుండా వాటిపై దృఢంగా నిలబడండి.

అహంకారం కంటే దృఢత్వాన్ని ఎంచుకోవడంతో, అందరూ మీతో కలిసి ఉండటానికి మరియు మీతో పని చేయడానికి సౌకర్యంగా ఉంటారు. మీరు వారిని గౌరవిస్తారు కాబట్టి, వారు మిమ్మల్ని గౌరవిస్తారు.