అందమైన సంబంధాలకు కీలకం – బేషరతు ప్రేమ (పార్ట్ 2)

ఆశలు లేకుండా ఇతరులను ప్రేమించడం అనేది మీకు ఎప్పుడూ అసంతృప్తిని ఇవ్వని ప్రేమ. కోరికలు మరియు నిర్ణీత డిమాండ్లతో ప్రేమించడం అనేది ప్రేమను వ్యాపార ఒప్పందంగా చేస్తుంది. మీరు నాకు నచ్చిన భావం లేదా ప్రత్యేకమైన మాట లేదా ఒక నిర్దిష్ట రకమైన చర్యను ఇస్తే, నేను మీకు నచ్చిన దానిని మీకు తిరిగి ఇస్తాను. మరోవైపు, డిమాండ్ చేయని ప్రేమ, ఎటువంటి ఖచ్చితమైన షరతుల అవసరం లేని ప్రేమ అసలు ఉండదేమో అన్నట్లుగా కనిపిస్తుంది. కానీ భగవంతుడు అటువంటి ప్రేమతో నిండి ఉంటారు. వారితో అనుసంధానం కావడం ద్వారా, ప్రతి మానవుడిని ప్రేమగల ఆత్మగా, నా ఆధ్యాత్మిక సోదరుడిగా మరియు బేషరతు ప్రేమ సాగరుడైన భగవంతుని బిడ్డగా చూడటం ద్వారా, నేను ఇతరులకు అలాంటి ప్రేమను ఇవ్వడానికి ఆధారమవుతాను. అలాగే, ఆధ్యాత్మిక సోదరభావం యొక్క మన అనాది సంబంధం కారణంగా ప్రతి ఒక్కరి కోసం ప్రేమ బేషరతుగా ఉండేటువంటి దృష్టి జీవితాన్ని చాలా సరళంగా చేస్తుంది. అటువంటి సంబంధంలో ప్రేమను స్వీకరించనప్పుడు, కొన్నిసార్లు అవతలి వ్యక్తి మీ ప్రేమను మీరు కోరుకున్నంతగా తిరిగి ఇవ్వనప్పుడు మీరు అలసిపోరు లేదా ఒత్తిడికి గురికారు. 

వ్యక్తులు ప్రేమ యొక్క స్వచ్ఛమైన భావోద్వేగం యొక్క నిజమైన అర్ధాన్ని తప్పుగా అర్థం చేసుకుని, దానిని మొహంతో కలుపుతూ అపవిత్ర రూపాన్ని ఇచ్చారు, అది ఎల్లప్పుడూ బాధను తెస్తుంది. మొహంతో కూడిన ప్రేమ బాధిస్తుంది. ఎందుకంటే అది అనేక బంధనాలతో ఉంటుంది. అందుకే మోహము పునాది అయిన అనేక సంబంధాలు, సంబంధం యొక్క ప్రారంభ దశలో ఆనందంతో, చాలా వాగ్దానాలతో నిండినా కూడా ఆ తర్వాత విడిపోతాయి. పరిపూర్ణంగా లేనందున వ్యక్తులు చాలా త్వరగా అవతలి వ్యక్తి యొక్క అంచనాల స్థాయిని చేరుకోలేరు. అలాగే, వ్యక్తిగత సంబంధాలలో లేదా వృత్తిపరమైన సంబంధాలలో అయినా వారు అవతలి వ్యక్తి యొక్క స్వభావం, ఆలోచనా విధానంతో మరియు పని విధానంతో సర్దుకపోలేరు. ఎందుకంటే ప్రేమ అనేది ఒక లక్షణం, ఇది ఏదైనా సంబంధాన్ని విజయవంతం చేయడానికి కీలకం. ఇక్కడ మనం కేవలం జీవిత భాగస్వాములతో కూడిన సంబంధాల గురించి మాత్రమే మాట్లాడటం లేదు. 

(సశేషం…)