భగవంతుని కార్యంలో ఏకమవుదాము

భగవంతుడు పరమాత్మ మరియు విశ్వాత్మలందిరికీ పరమ తండ్రి. వారు శాంతి, ప్రేమ, ఆనందా  ల సాగరుడు. నేడు విశ్వంలో శాంతి, ప్రేమ మరియు ఆనందాలు  లోపించాయి.  ప్రపంచంలోని అందరూ కలిసి ఉండటానికి, అందరి జీవితాలను శాంతి, ప్రేమ మరియు ఆనందంతో నింపాలని భగవంతుని వైపు అందరూ చూస్తున్నారు. అనేక రకాల ప్రతికూల పరిస్థితులు అందరినీ కలవరపెడుతున్నాయి. ఎంతగా మనం శాస్త్రీయ అభివృద్ధి చేస్తున్నామో, అంతగా మన జీవితాలు మరింత క్లిష్టంగా, సాంకేతికతతో నడపబడుతున్నాయి. దానితో మన సంస్కారాలు, శారీరక, మానసిక ఆరోగ్యంతో పాటు మన సంబంధాలపై ప్రతికూల ప్రభావం పడుతోంది. మనకు దీని నుండి బయటపడే మార్గం ఎందుకు లేదు? దీనిని పరిష్కరించగలవారు భగవంతుడు  తప్ప మరొకరు లేరని ఎందుకు భావిస్తారు? భగవంతుడు ప్రపంచాన్ని పర్యవేక్షించే వారు. కాలక్రమేణా  ప్రపంచంలోని పరిస్థితులను చక్కబెట్టే అవసరం వచ్చినప్పుడు, వారు జోక్యం చేసుకుని అవసరమైన వాటిని ఉత్తమంగా చేస్తారు.

ఈ సమయంలో, భగవంతుడు కొత్త ప్రపంచాన్ని సృష్టించే తన పాత్రను పోషిస్తున్నారు. వారికి మానవుల సహాయం – మనస్సు, శరీరం మరియు సంపదతో పాటు వారి ఆలోచనలు, మాటలు, చర్యలు అవసరం. ఎందుకంటే భగవంతుడు నిరాకారుడు అనగా శరీరం లేనివాడు, ఆత్మల ప్రపంచంలో ఉంటాడు మరియు ప్రపంచ నాటకంలో మానవ ఆత్మలు భూమిపై తమ పాత్రలను పోషిస్తాయి. భౌతిక ప్రపంచంలో మానవులు తమ స్వలాభం కోసం, ఇతరుల ప్రయోజనం కోసం చర్యలు చేస్తారు. కావున, భగవంతుడు మానవులను సాధనాలుగా చేసుకొని తమ కార్యాన్ని చేస్తారు. అలాగే, ఆధ్యాత్మిక జ్ఞానం మరియు మెడిటేషన్ ద్వారా మనం ఎంత స్వచ్ఛంగా ఉంటామో, అంత ఎక్కువగా మనం  భగవంతుని కార్యంలో సహాయం చేస్తాము. ఆ కార్యం మనకు అందించే సఫలత ద్వారా మన జీవితాల్లో ఆనందాన్ని నింపడమే కాకుండా ప్రపంచంలోని  అనేకుల  జీవితాలలో మంచితనం, సానుకూలత మరియు విజయాన్ని నింపి వారి జీవితాలను అందంగా మారుస్తుంది.