June 30, 2024
మనమందరం రెండు వాస్తవాలతో కూడిన ప్రపంచంలో ఉన్నాము – అంతర్గత వాస్తవికత మరియు బాహ్య వాస్తవికత. అంతర్గత వాస్తవికత మన ఆలోచనలు, భావాలతో పాటు మన అంతర్గత వ్యక్తిత్వం లేదా సంస్కారాలు. బాహ్య వాస్తవికత మన భౌతిక శరీరం, ఇంట్లో, మన కార్యాలయంలో, సమాజంలో మనం పోషించే పాత్రలు మరియు చాలా ముఖ్యంగా మన సంబంధాలు. మన అందమైన బాహ్య వాస్తవికతను సృష్టించడానికి మరియు నిలబెట్టుకోడానికి మనం రోజంతా చాలా కష్టపడి పనిచేస్తాము, కాని శాంతి, ప్రేమ, ఆనందం మరియు జ్ఞానంతో నిండిన అందమైన అంతర్గత వాస్తవికత లేకుండా, శాశ్వతంగా విజయవంతమైన మరియు ఆనందాన్ని ఇచ్చే బాహ్య వాస్తవికతను సృష్టించలేమని గ్రహించడం చాలా ముఖ్యం. మన అంతర్గత వాస్తవికతను మార్చడానికి మనం తీసుకోవలసిన చర్యలు ఏమిటి అనేది ప్రపంచవ్యాప్తంగా ఆధ్యాత్మిక ఆత్మపరిశీలనకు చాలా ముఖ్యమైన అంశం. దానికి ఒక కారణం ఏమిటంటే, మానవులందరూ సంతృప్తితో నిండిన జీవితాన్ని గడపడానికి ఇష్టపడతారు. మరొక చాలా ముఖ్యమైన కారణం ఏమిటంటే, జీవితం చాలా హెచ్చు తగ్గులతో నిండి ఉంది, ఇది అస్థిరతను కలిగిస్తుంది, కొంత కాలానికి ఆత్మను బలహీనపరుస్తుంది, ఎందుకంటే మనం ఈ హెచ్చు తగ్గులను సులభంగా ఎదుర్కోవటానికి సిద్ధంగా లేము. కాబట్టి సమయం గడిచేకొద్దీ జీవితం మరింత అనూహ్యంగా మారుతున్న ఈ పాత, అలసిపోయే ప్రపంచంలో మనం మనుగడ సాగించాలంటే అంతర్గత బలం మరియు లోతైన అంతర్గత మంచితనం అనే రెండు ముఖ్యమైన సంపదలతో మనం నిండి ఉండాలి.
బ్రహ్మా కుమారీల వద్ద, మేము అందరం భగవంతుని జ్ఞానం మరియు ప్రేరణల ద్వారా దీనిని గ్రహించాము – మన మనస్సులలో నిరంతర సంతృప్తిని, మన జీవితంలో నిరంతర విజయాన్ని అనుభవించడానికి అంతర్గత స్వీయ సాధికారతను తీసుకురావడానికి సరైన పద్ధతులు, సాధనాలతో మనల్ని మనం సన్నద్ధం చేసుకోవడం చాలా ముఖ్యం. ఆధ్యాత్మిక జ్ఞానం, ధ్యానం, దైవిక గుణాలు ధారణ చేయడం, ఇతరులకు ఆధ్యాత్మిక సేవ చేయడం అనే నాలుగు విషయాలతో కూడిన రాజయోగాన్ని ప్రస్తుత సమయంలో భగవంతుడు బోధిస్తున్నారు. మేము దానిని నేర్చుకుంటున్నాము, దాని అధ్యయనంలో ప్రతిరోజూ పురోగమిస్తున్నాము, దానిని జీవితంలో ఒక మంచి భాగంగా కూడా చేస్తున్నాము. ఇది అంతర్గత వాస్తవికత మరియు బాహ్య వాస్తవికత రెండింటినీ అందంగా మారుస్తోంది. అన్ని బ్రహ్యా కుమారీల కేంద్రాలలో రాజయోగం బోధించబడుతుంది. ఏ నేపథ్యం, వృత్తి లేదా మతం నుండి, ఏ లింగం మరియు వయస్సు వారైనా సరె మా కేంద్రాలలో దేనినైనా సందర్శించడం ద్వారా నేర్చుకోవచ్చు.
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు జీవితంలోని వివిధ రంగాలలో వేర్వేరు సంబంధాలలోకి వచ్చినప్పుడు, కొన్నిసార్లు మన అంతర్గత ప్రపంచంలోకి మరొక ఆత్మను అనుమతించినప్పుడు, మనల్ని వారు అర్థం
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు మనలో చాలా మంది మన విశ్వసనీయతను కాపాడుకోవడానికి, ఇతరులపై లేదా పరిస్థితులపై నిందలు వేయడానికి సాకులు చెబుతారు. కొన్నిసార్లు మనకు, మన
ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు అంతర్గత బలం యొక్క సానుకూల సంస్కారాలను సృష్టించడానికి, మనం ముందుగా పట్టుదల యొక్క మొదటి అడుగు వేయాలి. పట్టుదల అంటే నేను
Start your day with a breeze of positivity and stay motivated with these daily affirmations
After Clicking on Join, You will be redirected to Whatsapp Community to receive daily message. Your identitiy will be secured and no group member will know about another group member who have joined.
