భగవంతుడు – ఈ సృష్టి యొక్క ఆది బిందువు

భగవంతుడు సర్వ శక్తివంతుడు. వారు ఉంటేనే ఈ ప్రపంచం ఉంటుంది, ఎందుకంటే ఈ ప్రపంచంలో  మంచితనం మరియు దైవత్వం క్షీణించిన ప్రతిసారీ వారి పవిత్రత మరియు శక్తియే వాటిని పునరుద్ధరిస్తాయి. మన ప్రార్థనలలో వారితో మాట్లాడాము, కీర్తనలలో వారిని  స్మరించుకున్నాము, అనేక  సంవత్సరాలు ప్రతి శ్వాసలో వారి కోసం వేచి ఉన్నాము. వారు మన ప్రేమ మరియు గౌరవ బరితమైన ఆలోచనలను విని ప్రపంచంలోని ప్రతి ఆత్మ మరియు కణానికి తన ఆధ్యాత్మిక  తేజస్సును ప్రసరింపజేసి శాంతి, ప్రేమ మరియు ఆనందాన్ని నింపుతారు. వారు  సృష్టించిన ప్రపంచాన్ని ధార్మిక గ్రంధాలలో జ్ఞాపకం చేసుకుంటూ ప్రతి ఒక్కరూ గౌరవిస్తారు. దీనిని ప్రపంచవ్యాప్తంగా వివిధ పేర్లతో పిలుస్తారు – స్వర్గము, బహిస్ట్, హెవెన్ , అల్లా యొక్క తోట, గార్డెన్ ఆఫ్ ఈడెన్.

వారు భగవంతుడు – విశ్వం యొక్క సర్వోన్నత శక్తి, పరమ ఆత్మ , దివ్య గుణాలకు ఆధారం – మన సుప్రీం తండ్రి, తల్లి, శిక్షకుడు, స్నేహితుడు మరియు గురువు. జనన మరణ చక్రంలో మన ప్రతి కలను నెరవేర్చేవారు. మనం వారిని ఎంతగా ప్రేమించి, గౌరవించినా అది వారి  అర్హత కంటే ఎల్లప్పుడూ తక్కువగా ఉంటుంది. కనుక మన జీవితంలో అడుగడుగునా వారికి కృతజ్ఞతలు తెలుపుతూ స్మరించుకుందాం. ఆ కృతజ్ఞతా భావం వారిని మన హృదయంలో కూర్చోబెట్టి మన హృదయాన్ని పూర్తిగా శుద్ధి చేస్తుంది. వారు మన నుండి కోరుకునేది మరియు వారు  మన కోసం చేసిన దానికి బదులుగా మనం వారికి ఇవ్వగల ఒకే ఒక్కటి మన స్వచ్చమైన హృదయం.