బ్రహ్మా కుమారీల 7 రోజుల కోర్సు (పార్ట్ 3)

ఆత్మ మరియు భగవంతుని జ్ఞానాన్ని పంచుకున్న తరువాత, బ్రహ్మా కుమారీల 7 రోజుల పరిచయ కోర్సు ప్రపంచ నాటకం అంటే ఏమిటి మరియు అది 4 యుగాలతో ఎలా రూపొందించబడిందో మనకు బోధిస్తుంది – సత్యుగం, త్రేతాయుగం, ద్వాపరయుగం మరియు కలియుగం. అందులో మనందరికీ విభిన్న జన్మలు ఉంటాయి. ప్రపంచ నాటకం యొక్క వ్యవధి 5000 సంవత్సరాలు మరియు 4 యుగాలలో ప్రతి ఒక్కటి 1250 సంవత్సరాలు అని భగవంతుడు చెప్తారు. 5000 సంవత్సరాల నాటి ఈ ప్రపంచ నాటకం భూమిపై ఈ భౌతిక ప్రపంచంలో అనాదిగా మళ్లీ మళ్లీ రిపీట్ అవుతుంది. 5000 సంవత్సరాలలో, మానవ ఆత్మలు పరంధామం నుండి భౌతిక ప్రపంచానికి వేర్వేరు సమయాల్లో, వారి స్వచ్ఛతను బట్టి, భౌతిక ప్రపంచంలో వారి విభిన్న పాత్రలను (జన్మలు) పోషించడానికి వస్తారు. స్వచ్ఛమైన ఆత్మలు భూమిపైకి ముందు వస్తారు. 5000 సంవత్సరాల ప్రపంచ నాటకం ముగింపులో, ప్రతి సారి, భగవంతుడు ఆత్మలందరినీ పావనంగా చేస్తారు, వారు పావనమైన తర్వాత పరంధామానికి తిరిగి వెళ్తారు. పరంధామంలో కొంత కాలం విశ్రాంతి మరియు సైలెన్స్ తరువాత, ప్రపంచ నాటకం దానంతట అదే రిపీట్ అయినప్పుడు భౌతిక ప్రపంచంలో వారి నిర్ణీత సమయానికి తిరిగి వస్తారు. 

మొదటి 2500 సంవత్సరాల ప్రపంచ నాటకం యొక్క మొదటి 2 యుగాలు సానుకూలత మరియు స్వచ్ఛతతో నిండి ఉంటాయి. ఈ సమయంలో దుఃఖం మరియు అశాంతి ఉండవు. అకాల మరణం లేకుండా పూర్తి మంచి ఆరోగ్యం మరియు దీర్ఘాయువు, చాలా స్వచ్ఛమైన మరియు దైవిక భౌతిక సౌందర్యం, సమృద్ధిగా ఉన్న సంపద, అందమైన మరియు ఆనందకరమైన సంబంధాలు. ఆత్మలందరూ దైవిక సుగుణాలతో, దైవిక మంచితనంతో నిండి ఉంటారు. ఈ రోజు ఉన్నట్లుగా స్త్రీ పురుషుల శారీరక ఐక్యత ద్వారా కాకుండా వారి మధ్య ఆధ్యాత్మిక ఐక్యత మరియు స్వచ్ఛమైన ఆలోచనా శక్తి ద్వారా పిల్లలు జన్మిస్తారు. పిల్లలకు జన్మనిచ్చే ఈ రకమైన ఆధ్యాత్మిక స్వచ్ఛమైన పద్ధతి మన మత గ్రంథాలలో మరియు పురాతన గ్రంథాలలో ప్రస్తావించబడింది. ఇవి రాగి యుగంలో మొదటి 2500 సంవత్సరాల తరువాత వ్రాయబడ్డాయి. ఈ మొదటి 2500 సంవత్సరాలను స్వర్గం అని అంటారు. స్వర్గంలో నివసించే వారిని దేవీ దేవతలు అని పిలుస్తారు, వీరిని నేటికీ ప్రపంచంలో చాలా ఆరాధిస్తారు.

(సశేషం…)