Hin

23rd dec 2023 soul sustenance telugu

December 23, 2023

క్రిస్మస్ లోని ఆధ్యాత్మిక అందాన్ని ఆస్వాదించడం (పార్ట్ 1)

క్రిస్మస్ ప్రేమ మరియు ఆనందాల పండుగ. అది అనుబంధం, ఐక్యతతో కూడిన మంచి స్ఫూర్తితో అందరినీ దగ్గరకు చేరుస్తుంది.

  1. క్రిస్మస్ మనకు భగవంతుడిని, కొత్త మానవ వృక్షాన్ని సృష్టించే వారి పవిత్ర కార్యాలను గుర్తు చేస్తుంది. ఆ కొత్త ప్రపంచంలో మానవులందరూ భగవంతుడి నుండి పొందిన గొప్ప ప్రాప్తులను ఏమాత్రం అహం లేకుండా ఆనందిస్తూ, అందరితో పంచుకుంటూ ఉంటారు. అక్కడ అపారమైన ఐక్యత, సమానత్వం, గౌరవం మరియు ఎక్కవ లేదా తక్కువ అనే భావాలు లేకుండా ఉంటారు. అటువంటి ప్రపంచాన్నే ఇప్పుడు భగవంతుడు సృష్టిస్తున్నారు. క్రిస్మస్ చెట్టుపై భగవంతుడిని పెద్ద నక్షత్రంగా పైన చూపుతారు, చెట్టు కొమ్మలపై మానవ ఆత్మలను చిన్న నక్షత్రాలుగా చూపుతారు. మానవ ఆత్మలందరూ భగవంతుడి నుండి పొందే ప్రాప్తులను చెట్టుపై అలంకరణగా చూపుతారు. భగవంతుడు పైన ఉన్న పరంధామంలో నివసిస్తారు కావున వారిని పైన చూపిస్తారు.  మానవ వృక్షం క్రింద ఉన్న భూమి మీద ఉంటుంది.

 

  1. క్రిస్మస్ వేడుకలలో శాంతాక్లాజ్ చాలా ముఖ్యమైన వ్యక్తి. ఆత్మలందరికీ పరమ పిత అయిన భగవంతునికి వారు ప్రతీక. మానవత్వం యొక్క అంధకార సమయంలో, మానవ విలువలు, మర్యాదలు మరియు మంచితనం పతనమై ఉన్న ఈ సమయంలో మన దగ్గరకు వచ్చి ప్రపంచంలోని మానవులందరికీ శాంతి, ప్రేమ, ఆనందం మరియు జ్ఞానం యొక్క బహుమతులను పంచుతారు. క్రిస్మస్ ముందు రోజు రాత్రి అంటే డిసెంబర్ 25న, శాంతాక్లాజ్ ఈ భౌతిక ప్రపంచం యొక్క ఉత్తర ధ్రువం అనగా సుదూరంగా ఉన్న వారి నివాస స్థానము నుండి అందరినీ సందర్శిస్తాడని చెప్పబడింది. ఇది భౌతిక ప్రపంచానికి చాలా దూరంగా ఉన్న పరంధామం నుండి ప్రస్తుతం భగవంతుడు మనల్ని సందర్శిస్తున్న దానిని సూచిస్తుంది. పరంధామం అనేది భగవంతుడు నివసించే స్థానం. ఈ భౌతిక ప్రపంచంలో పాత్రలను పోషించేందుకు భూమి మీదికి రాకముందు ఆత్మలందరూ కూడా అక్కడే ఉంటారు. శాంతా క్లాజ్ పిల్లల కోసం తన బహుమతులను పెట్టడానికి రాత్రిపూట ఇళ్ళ చిమ్నీ ల నుండి వస్తాడని చెబుతారు, ఇది ప్రస్తుత కాలంలోని అంధకారంగా ఉన్న పాత ప్రపంచంలో భగవంతుని అవతరణను సూచిస్తుంది. భగవంతుడు మనకు ఇచ్చే ఆధ్యాత్మిక బహుమతులు, ప్రపంచంలో కొత్త ఉదయాన్ని తీసుకువస్తాయి – ఒక అందమైన స్వర్గం లేదా స్వర్ణయుగం,  అక్కడ ప్రతిదీ పరిపూర్ణంగా, స్వచ్ఛంగా మరియు సానుకూలంగా ఉంటుంది. కొత్త ప్రపంచంలో మానవులకు లేనిది లేదా కోరుకునేది ఏదీ ఉండదు.

(సశేషం)

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

25th june2024 soul sustenance telugu

విజయం కోసం పరిపూర్ణ వ్యక్తిత్వాన్ని తయారుచేసుకోవడం (పార్ట్ 1)

జీవితంలో వివిధ రకాల పరిస్థితులు ఎదురుకోవడం, వివిధ రకాల వ్యక్తులను కలవడం, మీకు ఎన్నో సవాళ్లను తీసుకొస్తుంది, మీ వ్యక్తిత్వాన్ని మార్చుకోవాల్సిన అవసరం కూడా వస్తుంది. అలాగే, మన వ్యక్తిత్వం  స్థాయిలో మన శక్తులు

Read More »
24th june2024 soul sustenance telugu

పోటీ పడకుండా సహకరించుకుందాం

నిజమైన సహకారం అంటే సర్వులకు ఎల్లవేళలా తన వారనే భావన మరియు సాధికారత ఉద్దేశ్యంతో షరతులు లేని సహాయాన్ని అందించడం. ఇది వినయం, ప్రేమ, కరుణ మరియు తాదాత్మ్యం వంటి మన నిజ గుణాలను

Read More »
23rd june2024 soul sustenance telugu

నిద్రను ప్రశాంతంగా మరియు ఆనందంగా మార్చడానికి 5 చిట్కాలు

నిద్ర మనిషి ఆరోగ్యానికి అత్యంత ముఖ్యమైన అంశాలలో ఒకటి. మన శారీరక, ఆధ్యాత్మిక మరియు భావోద్వేగ ఆరోగ్యాన్ని అపారంగా ప్రభావితం చేస్తుంది. నిద్రను ప్రశాంతంగా మరియు ఆనందంగా మార్చడానికి 5 చిట్కాలను చూద్దాం –

Read More »