క్రిస్మస్ లోని ఆధ్యాత్మిక అందాన్ని ఆస్వాదించడం (పార్ట్ 3)

6. చివరగా, క్రిస్మస్ ప్రతి ఒక్కరినీ ప్రేమ మరియు ఆనందాలతో ఏకమైన బంధంలోకి తీసుకువస్తుంది. ప్రతి ఒక్కరూ భగవంతుడిని స్మరిస్తూ, ఎవరినీ బాధపెట్టమని, ప్రపంచంలో ఐక్యతను సృష్టిస్తామని వారికి వాగ్దానం చేస్తారు. పవిత్ర ఆత్మ అయిన జీసస్ క్రైస్ట్ బోధనల నుండి ప్రేరణ పొందుతారు. జీసస్ క్రైస్ట్ ప్రతి ఒక్కరికీ భగవంతుడిని గుర్తు చేసి, భగవంతుడు సర్వోన్నతుడు, దివ్య పరమ జ్యోతి  అని చెప్పారు. జీసస్ క్రైస్ట్ జ్ఞానం మరియు సత్యం కోసం నిలబడి ప్రపంచానికి మంచితనమనే ప్రకాశాన్ని అందించారు మరియు అందరికీ మంచిని పంచారు.

కాబట్టి మనమందరం క్రిస్మస్ పండుగను భగవంతుని స్మరణలో జరుపుకుందాం. దాని ఆధ్యాత్మిక సారాన్ని మన జీవితాల్లోకి తీసుకువద్దాము. పరమాత్మ లేదా ఆధ్యాత్మిక కేంద్ర స్థానంగా పిలవబడే భగవంతుడు స్వర్గ స్థాపకుడు. వారు సద్గుణాలతో నిత్యం విరసిల్లుతూ ఉంటారు. త్వరలో కొత్త ప్రపంచం వాస్తవికతగా మారుతుందని మరియు మనం వారి లాంటి దైవిక వ్యక్తిత్వంతో ఆ ప్రపంచంలోకి ప్రవేశిస్తాము అని పరమాత్మ అంటారు. ఇది బైబిల్‌లో ఇలా జ్ఞాపకం చేయబడింది – భగవంతుడు తన స్వరూపంలో మనిషిని సృష్టించారు. కాబట్టి మనం భగవంతునితో అనుసంధానమై వారి సందేశాన్ని అందరితో పంచుకుందాం. ఇది మనందరికీ భగవంతుని సందేశం – నేను పంచే జ్ఞానాన్ని వింటూ, మెడిటేషన్ ప్రక్రియ ద్వారా నన్ను గుర్తు చేసుకుంటూ నాలాగే పవిత్రంగా మరియు దివ్యంగా మారండి. మెడిటేషన్ లో మీరు స్వచ్ఛమైన పరంధామంలో నా స్వచ్ఛమైన దివ్య బిందురూపంపై దృష్టి పెట్టండి. పరంధామం అనేది విశ్వంతటికీ మరియు పంచ తత్వాల ప్రపంచానికి దూరంగా ఉంటుంది.