గందరగోళం కాకుండా స్పష్టత కలిగి ఉండండి

శాంతి మరియు స్థిరత్వంతో కూడిన జీవితాన్ని గడపడానికి స్పష్టత కలిగి ఉండటం కీలకం. కానీ ఎలా ఉండాలి, ఏం చేయాలి లేదా ఏ దిశలో అడుగు పెట్టాలి అని మనం తరచుగా ఆలోచిస్తూ ఉంటాము. మనస్సు తికమక పడుతున్నప్పుడు, అది అనిశ్చితత, చికాకు, ఆందోళన మరియు భయాన్ని సృష్టిస్తుంది. మనం ముందుకు సాగడానికి కష్టపడుతూ నమ్మకాన్ని కోల్పోతాము. శాంతి మరియు స్థిరత్వం యొక్క జీవితానికి స్పష్టత చాలా ముఖ్యమైనది. కొన్నిసార్లు మన మనస్సు అయోమయానికి గురవుతుంది. ఈ ఉద్రేకపూరిత ఆంతరిక స్థితిలో, మనస్సు చాలా ఆలోచనలను సృష్టిస్తుంది, బుద్ధి వాటిని సజావుగా ప్రాసెస్ చేయదు. కాబట్టి సరైన నిర్ణయాలు లేదా సమయానుకూల నిర్ణయాలు తీసుకోవడానికి మనం  కష్టపడుతాము.

స్పష్టత కొరకు ఈ విధానాలను  అనుసరించండి –

1. ఒకే మానసిక స్థితిలో ఆలోచించడంతో గందరగోళాన్ని తొలగించలేము. మీరు ప్రశాంతంగా ఉండి ఉన్నతమైన ఆలోచనలను చేయాలి.
2. ప్రతిరోజూ ఉదయం కనీసం 15 నిమిషాలు ధ్యానం చేయండి. ఇది మీ మనస్సును ఎమోషనల్ టాక్సిన్స్ నుండి శుభ్రపరిచి దానిని నిశ్శబ్దం చేస్తుంది. మీ అంతర్ దృష్టి లేదా వివేకం సక్రియం అవుతుంది.
3. మీ మనస్సు నిశ్చలంగా ఉన్నప్పుడు, మీ ప్రశ్నను వేసి సమాధానాల కోసం వేచి ఉండండి. తప్పకుండా సరైన సమాధానాలు వెంటనే లేదా తర్వాత వస్తాయి.
4. నమ్మకాలు, నిర్ణయాలు, కెరీర్ లేదా సంబంధాలలో గందరగోళం ఉన్నా, పరిష్కారం మీలోనే ఉంటుంది. మీరు ఇతరుల నుండి సలహా తీసుకున్నప్పటికీ, మీ అంతర్ దృష్టి ఆధారంగా నిర్ణయాలు తీసుకోండి.

పరిస్థితిని నియంత్రించడంలో, సరైన ప్రతిస్పందనలను ఎంచుకోవడంలో స్పష్టత మీకు సహాయపడుతుంది. మనం స్పష్టత వైపు ఎలా మారతామో గట్టి సంకల్పాన్ని చేద్దాం –

నేను తెలివైన వ్యక్తిని … నా ప్రతి ఆలోచన సరైనదే … నేను ప్రతి ఉదయం నా మనస్సును ఉత్తేజపరుస్తాను … నేను ప్రతిరోజూ 15 నిమిషాలు ధ్యానం చేస్తాను … నేను నా అంతర్ దృష్టిని బలోపేతం చేస్తాను … నేను నా ప్రతిస్పందనను ఎంచుకుంటాను … నాకు ఏది సరైనదో నేను నిర్ణయించుకుంటాను … ప్రతి నిర్ణయం నా విలువలపై ఆధారపడి ఉంటుంది. … నా అంతర్ దృష్టి నాకు సరైన సమాధానం ఇస్తుంది … నా ప్రతి నిర్ణయం ఖచ్చితమైనది … నేను సరైనది ఆలోచిస్తాను … నేను తక్కువ ఆలోచిస్తాను … నేను శక్తివంతుడిని.