HI

15th dec 2023 soul sustenance telugu

December 15, 2023

ఇదే సరైన సమయం

మీరనుకున్న మార్పును తీసుకురావడానికి లేదా అసంపూర్ణంగా ఉన్న పనిని పూర్తి చేయడానికి ఏది సరైన సమయం? నేను నూతన సంవత్సరంలో ప్రారంభిస్తాను… పుట్టినరోజు… వారాంతం… వచ్చే వారం… వచ్చే నెల చేస్తాను అంటూ వాయిదా వేసే అలవాటు మీకుందా?  సాధారణంగా మనం కొన్ని పనులను వాయిదా వేస్తుంటాం – చివరి తేదీ వరకు బిల్లు కట్టకపోవడం లేక పన్ను కట్టడం వాయిదా వేస్తుంటాం. ఒక బంధం ముక్కలయ్యే వరకు, రోగం వచ్చే వరకు ఆరోగ్యకర ఆహారపు డైటును ప్రారంభించకపోవడం, అనారోగ్యం వచ్చేవరకు వ్యసనాలను విడిచిపెట్టకపోవడం, డాక్టరు చెప్పేవరకు వ్యాయామం లేక మెడిటేషన్ చేయకపోవడం… ఎంత ఎక్కువ మనం వాయిదా వేస్తుంటామో అంత ఎక్కువగా మంచి మన జీవితంలోకి రాకుండా మనమే అడ్డుకట్ట వేస్తున్నాం. ఎక్కడ నుండి ప్రారంభించాలో తెలియకపోతే వెంటనే సరైన మార్గదర్శన తీసుకోండి. మీరు చేయాలని అనుకోకపోతే, సమయం లేదు, నమ్మకం లేదు, ఆత్మ విశ్వాసం లేదు అనే సాకులు చెప్పడం మానండి. ఇప్పుడు ప్రారంభించాలి అన్నది ఒక్క ఆలోచన దూరంలోనే ఉంది. దృఢంగా ఉండండి, మనసును క్రమశిక్షణతో ఉంచండి. మనకు మనం గుర్తు చేసుకుందాం – నా పనులు, నా ఆనందం మరియు నా ఆరోగ్యానికి నేను కట్టుబడి ఉన్నాను. నేను దేనికీ ఆలస్యం చేయను. నేను ఇప్పుడు చర్య తీసుకుంటాను.

మన సామర్థ్యాన్ని పరిమితం చేసే ఒక అలవాటు ఏమిటంటే, పనులను పదే పదే వాయిదా వేయడం. నేను ఈ పని ఇప్పుడు చేయాల్సిన అవసరం లేదు, రేపు చూద్దాంలే అంటూ ఎన్నిసార్లు మనల్ని మనం నమ్మబలికామో గమనించండి. రేపు చేస్తాను అనుకుని, మరుసటి రోజు రాగానే చేయాలన్న ఆలోచనను ప్రక్కన పెట్టేస్తున్నాము. చివరకి రేపు అనేది ఎప్పుడో గానీ రావడం లేదు, ఒక్కోసారి అస్సలు రావడం లేదు. ఆ అంతర్గత ప్రతిఘటనను విచ్ఛిన్నం చేయడానికి, మీరు ఏమి చేయాలనుకుంటున్నారో తెలుసుకోవడానికి ఈ క్షణం తీసుకోండి, ఇదే సరైన సమయం. తక్కువ ఆలోచించాలి, ఎక్కువ చేయాలి అనే నిజమైన క్రమశిక్షణను మీలో అలవర్చుకోండి. వాయిదా వేసే అనారోగ్యకరమైన ప్రక్రియలు మీలో నెమ్మదిగా తగ్గడాన్ని మీరు గమనిస్తారు. మీకు తెలిసిన పనులను మీరు చేయడం ప్రారంభించినప్పుడు, మీ సంతృప్తి మరియు ఆనందం అపారంగా ఉంటాయి. మీ అభిరుచి పెరుగుతుంది. మీ ఆలోచనలు మరియు కోరికలను ప్రారంభించి, పూర్తి చేయడానికి ప్రేరణ పొందుతారు. మీలోని ప్రతిఘటన అంతా వెళ్ళిపోతుంది.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

19th feb 2024 soul sustenance telugu

గతం నుండి నేర్చుకుందాం

మీరు మీ జీవితంలో వెనక్కి తిరిగి చూసినప్పుడల్లా నిజాయితీగా గతంలో చేసిన పొరపాట్ల నుండి ఏమైనా నేర్చుకున్నారా లేక కేవలం గతంలోనే ఆగిపోతున్నారా? చివరకు గతాన్ని వృధాగా తలుచుకుంటూ చాలా తక్కువ నేర్చుకోవడం జరుగుతుందా?

Read More »
18th feb 2024 soul sustenance telugu

ఆపేక్షలను విడిచిపెట్టండి

మీ సహోద్యోగి సమయానికి ప్రాజెక్టును పూర్తి చేయడంలో మీరు ఎప్పుడూ సహాయం చేస్తూనే వచ్చారు, కానీ ఒక్కసారి మీరు అతడిని సహాయం అడిగితే అతను నిరాకరించాడు. మీరు ఇంటికి చేరుకునేసరికి బాగా అలసిపోయారు. మీ

Read More »
17th feb 2024 soul sustenance telugu

దూకుడు స్పందనలను సమర్థించవద్దు

కొన్ని సందర్భాలలో మన మాటలను, ప్రవర్తనను నియంత్రించుకోవడం చాలా కష్టంగా అనిపిస్తుంది, అలాంటప్పుడు మనం దూకుడుగా స్పందించేస్తుంటాం. అప్పుడు మన పొరపాటును అంగీకరించకపోగా, తరచూ మన స్పందనను సమర్థించుకుంటూ ఉంటాము. ఈరోజుల్లో మన పాత్రలు

Read More »