HI

4th feb 2024 soul sustenance telugu

February 4, 2024

ఇతరుల కోసం చింతించడం వారి పట్ల శ్రద్ధ చూపుతున్నట్టా ? (పార్ట్ 2)

మనమంతా సూక్ష్మ స్థాయిలో, అగోచరంగా ఒకరికొకరం జోడింపబడి ఉన్నాము, ఈ అదృశ్య రీతిలోనే మన మధ్య కమ్యూనికేషన్ జరుగుతూ ఉంటుంది. మనం ఇతరులకు శక్తిని పంపడమే కాకుండా ఇతరులు ప్రసరించే శక్తిని తీసుకుంటాము కూడా. మన జీవితంలో ప్రతికూల పరిస్థితులలో ఇది సానుకూలంగా మరియు ప్రతికూలంగా ఎలా పని చేస్తుందో ఒక ఉదాహరణతో చెప్పగలం.

మీ అబ్బాయి క్లాస్ టీచర్ ఫోన్ చేసి స్కూల్ ప్లేగ్రౌండ్‌లో ఆడుకుంటుండగా, మీ కొడుకు గాయపడ్డాడని చెప్పారనుకుందాం. ఆమె చింతించాల్సిన పని లేదని చెప్పి మీరు వచ్చి అతనిని స్కూల్ నుండి తీసుకొని వెళ్ళమని ఆమె చెప్పారు. ఈ సమయంలో మీ కొడుకు బహుశా భయం, ఒత్తిడి, ఆందోళన మరియు దుఃఖం యొక్క ప్రతికూల శక్తిని  ప్రసరింపజేస్తున్నాడు (అతను క్షేమంగా ఉన్నాడని ఉపాధ్యాయుడు మీకు తెలియచేసినప్పటికీ  అదే సమయంలో, అతను మీ ఆధ్యాత్మిక లేదా మానసిక శక్తిని కూడా పొందుతున్నాడు. మీరు అతనిని తీసుకురావడానికి అతని స్కూల్ కు డ్రైవింగ్ చేస్తున్నారు. ఈ సమయంలో, మీరు తనకు దూరంగా ఉన్నందున అతను ఉన్న పరిస్థితి గురించి మీకు కొంత అవగాహన మాత్రమే ఉంటుంది. యదార్థ పరిస్థితి గురించి ఆలోచించడం ఊహించడమే అవుతుంది మరియు మీ మానసిక శక్తిని వృధా చేయడం అవుతుంది. మీరు ప్రతికూల ఊహలలో ఉండి, అంటే మీరు ఆందోళన చెంది భయపడుతూ ఉంటే, మీరు అతనికి అదే భయం యొక్క ప్రకంపనలను, ప్రతికూల శక్తిని పంపుతున్నారు, దానినే అతను తీసుకోబోతున్నాడు. ఆ ఆందోళన అతనికి ఏవిధంగానూ శక్తినివ్వకపోగా అతనిని బలహీనపరచి, మరియు మీ డ్రైవింగ్‌లో మిమల్ని భంగపరుస్తుంది. మీరు చింతించాల్సిన పని లేదని చెప్పబడింది, అయినా అతను కొంచెం కష్టమైన భావోద్వేగ పరిస్థితిలో ఉన్నాడని మీరు అనుకుంటారు. అసలు ఇప్పుడు అతనికి ఏం కావాలి?  మీరు పాఠశాలకు చేరుకోవడానికి, అతనికి సహాయాన్ని అందించడానికి కొంత సమయం తీసుకుంటారు కనుక అతనికి ఇప్పుడు మీ సూక్ష్మమైన సపోర్ట్ అవసరం. మీరు ఆందోళన లేదా సంరక్షణ అని తప్పుగా పిలవబడే భయం యొక్క మీ ప్రతికూల ప్రకంపనలా? లేదా మీ నిస్వార్ధ ప్రేమ, మీ శుభాశీస్సులా? దూరం నుండి అతనికి సహాయాన్ని ఇవ్వడానికి మీరు అతనికి ఏమి పంపుతారు? చింత ప్రకంపనలా లేక అతనికి మీరిచ్చే శుభాశీస్సులుగా ప్రేమ ప్రకంపనలా? మీరు డ్రైవింగ్ చేస్తున్నప్పుడు ప్రేమ ప్రకంపనలు మిమ్మల్ని సానుకూల స్థితిలో ఉంచుతాయి. అసలు, సంరక్షణ లేదా పట్టించుకోవటం అంటే ఏమిటి? సంరక్షణ అంటే మీరు మరొకరికి సహాయం చేయడానికి మీ సానుకూల అంతర్గత ఆధ్యాత్మిక కాంతిని పంపడం; ఆందోళన ఖచ్చితంగా అది కాదు.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

20th feb 2024 soul sustenance telugu

క్షమించే ప్రపంచాన్ని తయారు చేద్దాం (పార్ట్ 1)

క్షమించే ప్రపంచాన్ని తయారు చేయాలని పరమాత్మ మన నుండి ఆశిస్తున్నారు, ఆ ప్రపంచంలో ఎవ్వరూ ఎవ్వరినీ విమర్శించరు, ఇతరుల పొరపాట్లపై, బలహీనతలపై ప్రతికూల దృష్టిని ఉంచరు. వ్యక్తులలో భిన్న స్వభావాలు, అలవాట్లు ఉన్నప్పటికీ ఈ

Read More »
19th feb 2024 soul sustenance telugu

గతం నుండి నేర్చుకుందాం

మీరు మీ జీవితంలో వెనక్కి తిరిగి చూసినప్పుడల్లా నిజాయితీగా గతంలో చేసిన పొరపాట్ల నుండి ఏమైనా నేర్చుకున్నారా లేక కేవలం గతంలోనే ఆగిపోతున్నారా? చివరకు గతాన్ని వృధాగా తలుచుకుంటూ చాలా తక్కువ నేర్చుకోవడం జరుగుతుందా?

Read More »
18th feb 2024 soul sustenance telugu

ఆపేక్షలను విడిచిపెట్టండి

మీ సహోద్యోగి సమయానికి ప్రాజెక్టును పూర్తి చేయడంలో మీరు ఎప్పుడూ సహాయం చేస్తూనే వచ్చారు, కానీ ఒక్కసారి మీరు అతడిని సహాయం అడిగితే అతను నిరాకరించాడు. మీరు ఇంటికి చేరుకునేసరికి బాగా అలసిపోయారు. మీ

Read More »