జీవితంలోని ప్రతి దృష్టాంతంలో ఓపికగా ఉండటం

వేగం మరియు హడావిడి  మన జీవిత లక్షణాలుగా మారినప్పటి నుండి మనం అసహనంతో ఉన్నాము. సహనం ఫలిస్తుందని, అసహనం బాధిస్తుంది అని జ్ఞానం చెబుతుంది. కానీ కొన్నిసార్లు మనం దేనినైనా వేగవంతం చేయాలనుకున్నప్పుడు, మనకు త్వరిత మార్పులు కావాలనుకున్నప్పుడు, సవాళ్లు ఉన్నప్పుడు లేదా అనిశ్చితిని భరించలేనప్పుడు, మనం అసహనానికి గురవుతాము. మనం కోరుకున్నది మనకు కావాలి, అది వెంటనే కావాలనుకుంటాము.

1. మీ చుట్టూ ఉన్న ప్రతి విషయంలో ఓపికగా ఉండటానికి, అంగీకరించడానికి మరియు స్వీకరించడానికి మీకు శక్తి ఉంది.”లేదు, నేను వేచి ఉండలేను… నేను సహించలేను….”అని ఎప్పుడూ అనకండి. చిన్న చిన్న సన్నివేశాలలో సహనం కోల్పోవడం అసహనాన్ని మీ వ్యక్తిత్వంలో భాగంగా చేస్తుంది. కష్టాలు మరియు సమస్యలను పరిష్కరించే శక్తిని సహనం మీకు ఇస్తుంది, ఎందుకంటే సమస్యలు పరిష్కరించబడనప్పుడు మీరు అసహనాన్ని సృష్టించి ఆధ్యాత్మిక శక్తిని క్షీణింపచేయలేదు కాబట్టి.
2. సహనం మీ నిజ స్వభావం. ఇది హూందాతనం, గౌరవం మరియు అంతర్గత బలానికి సంకేతం. ప్రతి ఉదయం ధ్యానం చేసి మిమ్మల్ని మీరు శాంతితో నింపుకోండి. శాంతి ఎల్లప్పుడూ సహనంతో కలిసి ఉంటుంది. పిల్లలు దురుసుగా ప్రవర్తించడం, ట్రాఫిక్ జామ్, ఇంటర్నెట్ మందగించడం, సహచరులు ఆలస్యంగా రావడం లేదా ఎవరైనా గడువును కోల్పోవడం- వంటి సమయంలో సహనంతో, ఓపికగా ఉండండి. ఇది మీ ఆలోచనలను మీ నియంత్రణలోకి తెస్తుంది.
3. స్వయం పట్ల, ఇతర వ్యక్తుల పట్ల మరియు పరిస్థితుల పట్ల కూడా ఓపికగా ఉండండి. కొందరు నెమ్మదిగా ఉండవచ్చు, కొందరు తప్పులు చేయవచ్చు, కానీ వారందరూ తమ వంతు కృషి చేస్తున్నారు. వారికి గౌరవంతో సలహా ఇవ్వండి లేదా బోధించండి. మీ సౌలభ్యం యొక్క ప్రకంపనలు వారు అభివృద్ధి చెందడానికి ఓదార్పు శక్తిని ప్రసరింపజేస్తాయి. అలాగే, మన సహనం యొక్క ప్రకంపనలను నిరంతరం స్వీకరించినప్పుడు అన్ని రకాల ప్రతికూల పరిస్థితులు వేగంగా పరిష్కరించబడతాయి.