కోల్పోయిన స్వర్గాన్ని తిరిగి పొందడం (పార్ట్ 3)

పగలు రాత్రి చక్రం మరియు నాలుగు ఋతువుల చక్రం గురించి మనందరికీ తెలుసు. పగలు తర్వాత ఎల్లప్పుడూ రాత్రి, ఆ తర్వాత పగలు అనుసరించబడతాయి. నాలుగు కాలాలు  ఎల్లప్పుడూ ప్రతి సంవత్సరం రిపీట్ అవుతాయి. అదే విధంగా, ప్రపంచంలో సంతోషపు పగలు గతంలో ఉండేది. ఆ తర్వాత దుఃఖపు రాత్రి వచ్చింది. నిజానికి ప్రపంచం కూడా నాలుగు దశలను దాటింది – ఉదయం, మధ్యాహ్నం, సాయంత్రం మరియు రాత్రి. ప్రపంచం ఈ దశల గుండా వెళుతున్న కొద్దీ, దుఃఖం పెరుగుతూ ఆనందం తగ్గుతూ వచ్చింది. వాస్తవానికి, ప్రపంచ చరిత్రలో మొదటి రెండు దశలు,  పూర్తి ఆనందంగా ఉన్నాయి. ఇది వ్రాయబడని చరిత్ర, భగవంతునికి మాత్రమే తెలిసిన నిజమైన జ్ఞానం. ఈ రెండు దశలను స్వర్గం అని అంటారు లేదా తరచుగా మానవాళికి పగలుగా సూచిస్తారు. చివరి రెండు దశల్లో ప్రతికూల కర్మలు జరుగుతూ మానవ ధర్మాల పతనం అకస్మాత్తుగా కాకపోయినా క్రమంగా జరిగింది. ఈ రెండు దశలను తరచుగా నరకం లేదా మానవాళికి రాత్రి అని అంటారు.

ఆత్మలు పునర్జన్మలను తీసుకుంటూ, వారు తమ అసలైన ఆధ్యాత్మిక గుర్తింపును మరచిపోయారు. బదులుగా భౌతిక శరీరాన్ని తమ గుర్తింపుగా పరిగణించడం ప్రారంభించారు. ఈ తప్పుడు గుర్తింపు ఆత్మలను వివిధ రకాల బలహీనతలు లేదా ప్రతికూల వ్యక్తిత్వ లక్షణాల ప్రభావంలోకి వచ్చేలా చేసింది. నేను ఆత్మను అని మరచి నేను ఉంటున్న ఈ శరీరాన్నే నేను అనుకునే తప్పుడు నమ్మకం ఏర్పడింది. ఈ విధంగా మనం పాపం, దుఃఖంలోకి  రావడం ప్రారంభించి, ఇప్పడు మానవాళికి రాత్రి యొక్క చివరిలోకి  వచ్చాము. నేడు, అపారమైన సాంకేతిక పురోగతి ఉన్నప్పటికీ, ప్రపంచంలో మానసిక , శారీరిక, సంపద, సంబంధాలు మరియు బాధ్యతల దుఃఖం చాలా ఉంది. పాపం కూడా దాని గరిష్ట స్థాయికి చేరుకుంది. అలాగే, ఈరోజు ప్రపంచంలోని చాలా మంది మనం ఇంత కన్నా దిగజారలేమని భావిస్తున్నారు. ఈ సమయంలో భగవంతుడు ప్రపంచాన్ని మార్చడంలో మరియు మానవాళికి పగలును తిరిగి తీసుకురావడంలో తన పాత్రను నిర్వహిస్తున్నారు ఎందుకంటే కాల చక్రం దానంతటదే రిపీట్ అవుతుంది. పగలు తర్వాత రాత్రి మళ్లీ రాత్రి తర్వాత పగలు వస్తాయి. బ్రహ్మా కుమారీల లక్ష్యం కూడా ఇదే – ప్రపంచాన్ని మార్చడం,  ప్రపంచాన్ని జీవించడానికి అందమైన, సంతోషకరమైన స్థానంగా  మార్చడం మరియు కోల్పోయిన స్వర్గాన్ని తిరిగి పొందడం.