కృత్రిమత్వం మరియు తారుమారుని అధిగమించండి

మనం సంతోషంగా ఉండటానికి ఇతరులను సంతోషపెట్టాలని నమ్ముతూ, మన తప్పులను దాచుకోవాలని, మనల్ని మనం పరిపూర్ణంగా చూపించుకోవాలని చూస్తాము. అలా చేస్తున్నప్పుడు మన వాస్తవికతను మరియు చిత్తశుద్ధిని కోల్పోతాము. సత్యంగా ఉండాలని మరియు మన మనస్సులో ఉన్నదాన్ని తెలియజేయాలని కోరుకుంటాము కానీ కొన్నిసార్లు విఫలమవుతాము. ఇతరలను మెప్పించడం కోసం మనం నటించడం లేదా తారుమారు చేస్తూ ఉంటాము. ఇతరులను మోసం చేయడం కంటే మనల్ని మనం మోసం చేసుకుంటాం.

1. మీ ప్రవర్తనల్లో కృత్రిమత్వం ఉందా అని చెక్ చేసుకోండి. లోపల బాధ పడుతూ బయటకు చిరునవ్వు నవ్వుతూ ఉంటారా? మీ వ్యక్తిత్వానికి అనుగుణంగా లేని విధంగా మిమ్మల్ని మీరు చూపించుకుంటున్నారా? లేదా మీరు – నేను ఇలా చెప్పాలా లేదా వద్దా … అని ఆలోచిస్తున్నారా? కృత్రిమత్వం మీ అంతర్గత శక్తిని బాగా క్షీణింపజేస్తుంది.

2. మీ మాటలు మీ భావాలకు భిన్నంగా ఉన్న ప్రతిసారీ, మీరు మీ అంతర్గత శక్తిని క్షీణింపజేస్తున్నారు. మీరు మీ ఆలోచనలను అణచివేసి, సరిగ్గా ఉన్న పదాలను మాట్లాడతారు. పదాల స్థాయిలో కాకుండా కానీ వాటిని నాణ్యమైన మాటలుగా చేయడానికి మీ ఆలోచనలను మార్చుకోండి.

3. స్వచ్ఛత, పరిపూర్ణత గల మీ నిజ స్వభావాన్ని అర్థం చేసుకొని గుర్తించడానికి ప్రతి ఉదయం మెడిటేషన్ మరియు ఆధ్యాత్మిక జ్ఞానాన్ని అధ్యయనం చేయండి. ప్రతి పరస్పర చర్యలో, మీరు సరైన ఆలోచనలను సృష్టిస్తారని వాగ్దానం చేసుకోండి. అప్పుడు మీరు మీ సత్యత లో ఉండే శక్తిని పెంచుకుంటారు.

4. మీరు ఏమనుకుంటున్నారో చెప్పండి మరియు మీరు చెప్పేది చేయండి. మీరు మీరుగా ఉన్నప్పుడు, మీరు ఇతరులను వారిలాగే అంగీకరిస్తారు. జీవితం సరళంగా మారుతుంది మరియు సత్యాన్ని జీవించడానికి మీరు తేలికగా భావిస్తారు.