క్షమించడం మరియు మర్చిపోవటం

కొన్నిసార్లు, ఎవరైనా రెండు నిమిషాల్లో ఏదో అంటారు, అది మీకు చాలా చెడుగా అనిపిస్తుంది – వారు రెండు నిమిషాల్లో అంటారు, కానీ అది రెండు నెలలు లేదా రెండు సంవత్సరాల తరువాత కూడా మీ మనస్సులో ఉంటుంది. వారు అలా ఎలా చేయగలిగారు! వారు తమను ఏమనుకుంటున్నారు! రెండు నిమిషాల్లో ఏదో జరిగింది మరియు మీరు దానిని గుర్తుంచుకుంటారు, ఇతరులతో సంభాషించేటప్పుడు మీరు దానిని మీ మనస్సులో, మీ మాటలలో మళ్లీ మళ్లీ రిపీట్ చేస్తారు.  మీరు ఆ సన్నివేశాన్ని మీ మనస్సులో పదే పదే రీప్లే చేస్తూ ఉంటారు. క్రికెట్ మ్యాచ్ యొక్క యాక్షన్ రీప్లే మాదిరిగానే, మీరు వేర్వేరు కోణాల నుండి రీప్లేలను చూస్తారు. ఆ సన్నివేశాన్ని అనేక విభిన్న మరియు ప్రతికూల మార్గాల్లో అంచనా వేసి వేర్వేరు తీర్మానాలకు వస్తారు, వీటిలో చాలా వరకు ప్రతికూల స్వభావం కలిగి ఉంటాయి. దీనితో మీరు మీ మానసిక రిజిస్టర్ లో ఆ అనుభవాన్ని బలోపేతం చేస్తారు. చేతన మనస్సులో నిరంతరం రిపీట్ అయ్యే జ్ఞాపకాలు మరియు అనుభవాలు మీ ఉపచేతన మనస్సులోకి ప్రవేశిస్తాయి, తద్వారా చాలా కాలం తర్వాత కూడా వారు మిమ్మల్ని అన్నవాటిని మీరు గుర్తు చేసుకుంటూ తీవ్రంగా బాధపడతారు. అవతలి వ్యక్తి తమను తాము భారాన్ని తొలగించుకుని, వెంటనే మర్చిపోయారు మరియు మీరు చాలా కాలం పాటు విడిచిపెట్టకుండా పట్టుకొనే ఉంటారు. 

మీ పొరుగింటతను చెత్తను తీసుకెళ్లి, తన ఇంటి ముందు కాకుండా మీ ఇంటి ప్రాంగణంలో పడేస్తూ, అది తన బాధ్యత కాదన్నట్టు మరిచిపోతే, మీరు ఆ చెత్తను అలానే ఉంచేసి, దాన్ని శుభ్రం చేసుకోవాలన్న ఆలోచన కూడా లేకుండా ఉంటే ఎలా ఉంటుందో ఇది అలాంటిదే. ఎవరో మీపై కొన్ని ప్రతికూల పదాలను విసురుతారు మరియు వారు మరచిపోతారు, కానీ మీరు మర్చిపోకపోవడమే కాకుండా మీరు వాటిని మీ మనస్సులో రిపీట్ చేసుకుంటారు, కొన్నిసార్లు ఈ యాక్షన్ రీప్లేలు మిమ్మల్ని నిద్రపోనివ్వవు, సంతృప్తిగా మరియు ఆంతరిక ప్రశాంతతో ఉండనివ్వవు. మన ప్రస్తుత జీవితంలో బాధ లేదా నొప్పిని కలిగించే గత జ్ఞాపకాలను మరచిపోవడం అనే కళను మనం నేర్చుకోవాలి. గతం ఇప్పటికే గడిచిపోయింది, ఇప్పుడు మీ దగ్గర ఉన్నది ప్రస్తుత క్షణం మాత్రమే. కాబట్టి, వదిలేయండి, క్షమించండి, మరచిపోండి. క్షమించకుండా మీరు పూర్తిగా మరచిపోలేరు. ఆధ్యాత్మిక జ్ఞానాన్ని వినడం, చదవడం మరియు అంతర్దృష్టి, ధ్యానం వంటి ఆధ్యాత్మిక పద్ధతులను అభ్యసించడం మనలో ఈ శక్తిని పెంపొందించడానికి సహాయపడుతుంది. ఇది ఆధ్యాత్మిక అవగాహన మరియు ఆంతరిక పరిశీలన యొక్క పునాదిపై ఆధారపడి ఉంటుంది.