క్షమించే ప్రపంచాన్ని తయారు చేద్దాం (పార్ట్ 1)

క్షమించే ప్రపంచాన్ని తయారు చేయాలని పరమాత్మ మన నుండి ఆశిస్తున్నారు, ఆ ప్రపంచంలో ఎవ్వరూ ఎవ్వరినీ విమర్శించరు, ఇతరుల పొరపాట్లపై, బలహీనతలపై ప్రతికూల దృష్టిని ఉంచరు. వ్యక్తులలో భిన్న స్వభావాలు, అలవాట్లు ఉన్నప్పటికీ ఈ విశ్వంలో సంపూర్ణ శాంతి మరియు సామరస్యం ఉంటాయి.

ఆధ్యాత్మిక జ్ఞానం మరియు అవగాహన ఆధారంగా, క్షమించడంలో ఉన్న వివిధ రంగుల గుణాలను, వాటిని సరిపోలే అనుభవయుక్త కర్మలను మీ ముందు ఉంచుతున్నాము –

ఔదార్యము – ఇతరులు చేసిన పొరపాట్లను మర్చిపోవడం

నిష్కాపట్యత – ఇతరులను అంగీకరించడం

కృతజ్ఞత – ఆశీర్వాదాలు ఇవ్వండి ఆశీర్వాదాలు తీసుకోండి

ప్రేమ – విమర్శా రహితంగా ఉండటం

సహనము – ఇతరుల బలహీనతలపై కఠిన దృష్టి లేకుండా ఉండటం

అంగీకరించడం – ఇతరుల సుగుణాలను ధారణ చేయడం

ఇవ్వడం – ఇతరులను సుగుణాలతో నింపడం

ఈ వివిధ సుగుణాల అనుభూతిని పొందడం అంటే, క్షమించడంలోని ఈ వివిధ రంగులను ధారణ చేయడం, ఇందుకోసం మనలో శాంతి, ప్రేమ మరియు సత్యత కావాలి. ఈ మూడు శక్తులు కలిపి క్షమించడం అనే లేపనంగా అవుతాయి, ఇవి మనలో నిండి ఉన్న కోపంతో కూడిన ఆలోచనలు, భావాలు మరియు భావోద్వేగాలను నయం చేసి తద్వారా మనలోని అశాంతియుత మాటలను, చేతలను కూడా నయం చేస్తాయి.

(సశేషం…)