క్షమించే ప్రపంచాన్ని తయారు చేద్దాం (పార్ట్ 4)

సత్యత యొక్క శక్తి లేకుండా క్షమించే ప్రపంచం సృష్టించబడదు. శాంతి మరియు ప్రేమ మన భావోద్వేగాలను మార్చినప్పటికీ, బలమైన ఆత్మగౌరవం లేకుండా మనకు అన్యాయం చేసిన వ్యక్తిని మనం క్షమించలేము లేదా వారిపై కోపం తెచ్చుకోకుండా ఉండలేము. బలమైన ఆత్మగౌరవంతో ఉండటమే సత్యత యొక్క శక్తిని చేతల్లో కనబరచటం.  సహించే, క్షమించే వారు కొందరు ఉంటారు, కానీ దానితో ముడిపడి ఉన్న ఒత్తిడికి లొంగిపోయి వారు అప్పుడప్పుడు ఆగ్రహావేశాలకు లోనవతారు. ఒత్తిడితో కాకుండా ఆనందంతో అదే పని చేయడానికి పరమాత్మ నుండి నిజమైన ఆధ్యాత్మిక జ్ఞానం నిత్యం తీసుకోవటం మరియు వాటిని పాటించటం అవసరం. కాలక్రమేణా, అటువంటి వ్యక్తి సత్యత యొక్క శక్తితో నిండుగా అయ్యి కష్టమైన వ్యక్తిత్వంగల వారితో వచ్చే ఒత్తిడిని తట్టుకోగలడు. అతను అలాంటి వ్యక్తితో కనెక్ట్ అవుతున్నప్పుడు అంతర్ముఖంగా ఉండటమే కాకుండా అవతలి వ్యక్తికి చిరునవ్వుతో శుభాకాంక్షలను ప్రసరింపజేయగలడు. 

సత్యత ఆధారంగా కొన్ని సూక్తులు ఉన్నాయి – సత్యవంతుడు ఆనందంతో నాట్యం చేస్తాడు, సత్యత యొక్క పడవ కదులుతుంది (ఊగుతుంది) కానీ మునిగిపోదు, సత్యవంతుడు విజయం సాధిస్తాడు. అటువంటి వ్యక్తి, సత్యతతో నిండినవాడు, క్షమాపణను సులభంగా అనుభవం చేసుకొని క్షమించే ప్రపంచాన్ని సృష్టించడంలో సహాయం చేస్తాడు.