లోపాలను అంగీకరించి, ఎల్లప్పుడూ ఆనందంగా, ప్రేమగా ఉండండి

మన జీవితంలో ప్రతి రోజు ఎలా గడవాలి అనే దాని గురించి మనమందరం ఒక మానసిక స్క్రిప్ట్ వ్రాస్తాము. చాలా వరకు విషయాలు మనం అనుకున్నట్లే జరుగుతాయి, కానీ కొన్నిసార్లు, విషయాలు సరిగ్గా లేవని, మన సానుకూల కోరికలు మరియు అంచనాలకు అనుగుణంగా లేవని మనకు అనిపిస్తుంది. మీ వైఖరి మరియు మీరు దానిని మీ మనస్సులో ఎలా చూస్తారు అనేదాని ప్రకారమే మంచి రోజు మరియు చెడ్డ రోజు మధ్య ఉన్న ఏకైక వ్యత్యాసం.

1. ఒక నిర్దిష్ట రోజున విషయాలు మీకు అనుకూలంగా లేనప్పుడు, మీరు ఎలా స్పందిస్తారు? మీరు మిమ్మల్ని లేదా జీవితాన్ని లేదా ఇతర వ్యక్తులను నిందించుకుంటారా, లోపాలను కనుగొంటారా లేదా ప్రశ్నిస్తారా- ఇది ఎందుకు జరిగింది? నాకే ఎందుకు? దీనికి ఎవరు బాధ్యులు? ఎప్పుడు బాగుపడుతుంది? ఎలా బాగుపడుతుంది? … ఆపై ఈరోజు చెడ్డ రోజు అని చెబుతారా?
2. మీ మనస్సు లేవనెత్తే ప్రతి ప్రశ్న మీ భావోద్వేగ మరియు మానసిక శక్తిని తగ్గిస్తుంది. వ్యక్తులు మరియు పరిస్థితులలో లోపాలను అంగీకరించే శక్తి మీకు ఉంటె, ఇంకా ఆనందంగా మరియు ప్రేమగా ఉండవచ్చు. బదులుగా మీరు ఒకే ఒక ఆలోచనను సృష్టిస్తే ఇది జరుగుతుంది – ఇప్పుడు ఏమిటి? నేను చేయగలిగిన ఉత్తమమైన పని ఏమిటి? సానుకూల పరిష్కారాన్ని రూపొందించడానికి మీ భావోద్వేగ మరియు మానసిక శక్తిని ఉపయోగించుకోండి, పరిస్థితి నుండి నేర్చుకోండి, వర్తమానంలో లేదా భవిష్యత్తులో ఇది మీకు ఏ ప్రయోజనాన్ని ఇస్తుందో చూడండి.
3. ఆరోగ్యం, వృత్తి, సంబంధాలు, ఆస్తులు లేదా ఆర్థిక విషయాలలో పరిస్థితులు తాత్కాలికమైనవి మరియు మారుతూ ఉంటాయి. వాటిలో రోజువారీ మార్పులకు మనం ఎలా స్పందిస్తామో అది మన రోజు మంచిదా కాదా అని నిర్ణయిస్తుంది. ప్రతిదీ ఎలా ఉండాలో అలానే ఉంటుంది, కాబట్టి ఏమి జరుగుతుందో దానిని అంగీకరించండి. అంగీకరించడం అంటే మీ మనస్సును స్థిరంగా ఉంచుకొని పరిస్థితిపై పనిచేయడం. మీరు చేయగలిగినది మార్చుకోండి మరియు మీరు చేయలేనిదాన్ని మీ సానుకూల శక్తితో ఆశీర్వదించండి.
4. మీ శాంతి మరియు ఆనందం యొక్క స్వభావంతో కనెక్ట్ అయ్యి ఉండటానికి మరియు దానిని నిరంతరం అనుభూతి చేయడానికి ప్రతిరోజూ ధ్యానం చేయండి. అప్పుడు, మీ ప్రణాళిక పని చేయకపోయినా, మీరు నిశ్చయంగా ఉంటారు మరియు తిరిగి ప్రణాళిక వేయడానికి, కొత్త మార్గాన్ని సృష్టించడానికి ఆత్మిక శక్తిని కలిగి ఉంటారు. మీరు ఆశలు, ఆందోళనలు మరియు అంచనాల భారం నుండి విముక్తి పొందినప్పుడు, ప్రతిరోజూ అందంగా మారుతుంది.