HI

Manam emotional gaa undaala vaddaa

September 7, 2023

మనం ఎమోషనల్‌గా ఉండాలా వద్దా (పార్ట్ 2)

నిన్నటి సందేశాన్ని కొనసాగిద్దాం, ఇస్తూ ఉంటే భావోద్వేగ శక్తి వస్తుంది. తీసుకోవడమే మన లక్ష్యంగా పెట్టుకుంటే భావోద్వేగ బలహీనత వస్తుంది. జీవితంలో మన ముందుకు వచ్చే దృశ్యాలు, పరిస్థితులు, వ్యక్తుల ఆలోచనలు, మాటలు మరియు వారి కర్మల నుండి మనం చాలా గ్రహిస్తుంటాము. కొన్నిసార్లు అది సాధికారత కలిగించే అనుభవంగా భావిస్తాము. కానీ గుర్తుంచుకోండి, మీరు మంచిని గ్రహిస్తే, మీరు చెడును కూడా గ్రహిస్తారు ఎందుకంటే మీ మనస్తత్వం అదే. ఇది వాక్యూమ్ క్లీనర్ లాంటిది. మీరు దానితో మీ కార్పెట్‌ను శుభ్రం చేస్తున్నారు. ఇది దుమ్మును గ్రహిస్తుంది. ఒకవేళ మీ ఉంగరం కార్పెట్‌పై పడి ఉంటే, దానిని కూడా వాక్యూమ్ క్లీనర్ లోపలకు తీసేసుకుంటుంది. అలాగే, ఇవ్వడమే స్వీకరించడం. మనం ఇచ్చే ప్రతి సానుకూల భావోద్వేగం, అదే సమయంలో మనలో పెరుగుతుంది, అది మనలో నుండి ప్రతి ఒక్కరికీ మరియు మన చుట్టూ ఉన్న ప్రతిదానికీ ప్రవహిస్తుంది.

                 ఈ సిద్ధాంతం ఆధారంగా, ఒక పాజిటివ్ దృశ్యం నుండి మనం తీసుకోవాలని చూస్తే, మనం ఎమోషనల్‌గా ఆనందంగా ఉంటాము. అలాగే ఒక నెగిటివ్ దృశ్యం నుండి కూడా మనం ఎమోషనల్‌గా బాధను తీసుకుంటాము. ఎంతగా మన ఎమోషనల్ ప్రపంచాన్ని మనం బాహ్య పరిస్థితులపై ఆధారపడేలా చేస్తామో అంతగా మన ప్రతిస్పందనలు వాటి ప్రభావంలో ఉంటాయి. అతిగా ఎమోషనల్‌గా ఉంటే, అది ఆనందం కావచ్చు బాధ కావచ్చు, ఇది ఆధారపడే స్వభావానికి గుర్తు. అంటే ఏ ఎమోషన్లు లేకుండా బోరింగుగా ఉంటూ జీవితంలో వచ్చే అందమైన క్షణాలను ఆస్వాదించవద్దు అని అర్థం కాదు. నిజానికి, మనం అందరినీ ప్రేమిస్తూ అవసరమైన చోట మన సానుభూతిని కూడా వ్యక్తపరుస్తూ ఉండాలి. అయితే జీవితాన్ని చూసే సమయంలో కొద్దిగా నిర్లిప్తత కూడా ఉండాలి. క్రీడలు జరుగుతున్నప్పుడు అది ప్రత్యక్షంగా చూసే ప్రేక్షకుడు తనకిష్టమైన టీమ్ లేదా ఆటగాడు ఆడుతుంటే ఎమోషన్ల రోలర్ కోస్టర్ (మలుపులు తిరిగే ట్రాక్‌పై చేసే వినోద యాత్ర) పై ప్రయాణిస్తూ ఉంటాడు. అంటే, ఒక్కోసారి చాలా ఆనందం, మరోసారి చాలా బాధ. ఆత్మిక స్థితిలో ఉండి చూసే ప్రేక్షకుడు తన టీమ్ లేక ఆటగాడి ఆటకు అతిగా ప్రభావితం కాడు. ఇతడు విజయాలను, వైఫల్యాల క్షణాలను రెండింటినీ ఎమోషన్లలోకి రాకుండా ఆస్వాదిస్తాడు. ఇది బోరింగ్ స్థితి కాదు, పైగా మరింత శక్తివంతమైన స్థితి. ఇది జీవితంలో వచ్చే అన్ని పరిస్థితులకు వర్తిస్తుంది.

(రేపు కొనసాగుతుంది…)

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

24th feb 2024 soul sustenance telugu

వ్యక్తులు ఉద్దేశపూర్వకంగా మనకు హాని చేయరు

వ్యక్తులు ఉద్దేశపూర్వకంగా మనల్ని బాధపెట్టాలని అనుకోరు. వారి స్వభావం మరియు అలవాట్ల ద్వారా వారు ఆ  ప్రవర్తన కలిగి ఉంటారు. కొన్నిసార్లు, ఇతరులు ద్రోహం చేయవచ్చు, అబద్ధం చెప్పవచ్చు, తిరస్కరించవచ్చు లేదా విస్మరించవచ్చు, అది

Read More »
23rd feb 2024 soul sustenance telugu

క్షమించే ప్రపంచాన్ని తయారు చేద్దాం (పార్ట్ 4)

సత్యత యొక్క శక్తి లేకుండా క్షమించే ప్రపంచం సృష్టించబడదు. శాంతి మరియు ప్రేమ మన భావోద్వేగాలను మార్చినప్పటికీ, బలమైన ఆత్మగౌరవం లేకుండా మనకు అన్యాయం చేసిన వ్యక్తిని మనం క్షమించలేము లేదా వారిపై కోపం

Read More »
22nd feb 2024 soul sustenance telugu

క్షమించే ప్రపంచాన్ని తయారు చేద్దాం (పార్ట్ 3)

కోపాగ్ని ఉన్న ఇంటిలో నీటి కుండలు కూడా ఎండిపోతాయని భారతదేశంలో ఒక సామెత ఉంది. కోపం మానవ స్పృహలో ఉన్న చాలా కోరికల యొక్క సేకరణ కారణంగా మనల్ని క్షమించనివ్వకుండా నిరోధించడానికి ఇవ్వబడిన పేరు.

Read More »