మనం మంచితనపు వైబ్రేషన్లను కలిగి ఉన్నామని తెలిపే 5 గుర్తులు

మనమందరం ప్రపంచంలో మంచి ఆత్మలం. ఈ ప్రపంచ నాటకంలో ప్రతి ఒక్కరికీ మంచితనాన్ని ప్రసరింపజేసే పాత్ర మనది. మంచితనపు వైబ్రేషన్ అంటే  మనం ఎక్కడికి వెళ్లినా, ఎవరితో సంభాషించినా ప్రతి ఒక్కరూ మన నుండి అనుభూతి చెందే మంచితనం యొక్క సకారాత్మక వైబ్రేషన్.  మనం మంచితనపు వైబ్రేషన్లను కలిగి ఉన్నామని తెలిపే 5 గుర్తులు ఏమిటి –

1. మనం శాంతి, ప్రేమ మరియు ఆనందం యొక్క 3 సుగుణాల అనుభవంతో నిండి ఉంటాము. ఈ మూడు సుగుణాలు మన ముఖంపై మరియు మన పాత్రలో నిరంతరం కనిపిస్తాయి. మన ప్రతి ఆలోచన, మాట మరియు చర్యలో ఈ 3 సుగుణాలు ఉంటాయి. రోజంతా మనం కలిసే ప్రతి ఒక్కరూ మన నుండి ఈ సుగుణాల అనుభూతిని పొందుతూ వాటిని వారంతట వారు అనుభవం చేసుకుంటారు.

2. ఈ రోజుల్లో అందరూ ప్రస్తుత ప్రపంచంలో లేని మచ్చ లేని మంచితనం కోసం చూస్తున్నారు. భగవంతుని పిల్లలుగా వారు మనకు ఇచ్చిన మరియు మనలో నింపిన ప్రతిదాన్ని ప్రపంచానికి మరియు ప్రపంచంలోని ప్రతి వ్యక్తికి ఇవ్వాలనే మన కర్తవ్యాన్ని అనుభవం చేసుకొని గ్రహించినప్పుడు, ప్రతి మానవ ఆత్మను మంచితనంతో, ఇచ్చే గుణంతో కలుస్తూ ఉండే మంచితనం యొక్క ఎంజెల్ గా అవుతాము.

3. ఈ రోజు ప్రపంచంలో ప్రతి ఒక్కరూ తమ వ్యక్తిగత భవిష్యత్తు మరియు ప్రపంచ భవిష్యత్తు గురించి ఆందోళన చెందుతున్నారు. మనం మంచిగా, మంచితనంతో నిండి ఉన్నప్పుడు మాత్రమే ఉజ్వల భవిష్యత్తు సాధ్యమవుతుంది. మనం దివ్యంగా, భగవంతుని జ్ఞానంతో అనుసంధానించబడినప్పుడు మాత్రమే ఇది మన లోపలికి వస్తుంది. మన మరియు ఇతరుల జీవితాలను ఈ దివ్యత, జ్ఞానంతో నింపి,  మంచితనానికి భగవంతుని దూతలుగా అవుదాం.

4. మనం కోపం, అహంకారం యొక్క సంస్కారాలను వదులుకున్నప్పుడు, మనం మంచితనం యొక్క వైబ్రేషన్లను కలిగి ఉంటాము. వ్యక్తులు మన దగ్గరకు వచ్చి మన ఆధ్యాత్మిక వైబ్రేషన్లతో కనెక్ట్ అవుతారు. ఈ రెండు దుర్గుణాలను వదులుకోవడంపై మనం శ్రద్ధ చూపినప్పుడు మరియు మన మంచితనం యొక్క వైబ్రేషన్లు మన ఆఫీసులో, మన కుటుంబ సభ్యులకు మరియు సహోద్యోగులకు ప్రసరించినప్పుడు సంబంధాలు బలంగా మారుతాయి.

5. మనం మంచి వైబ్రేషన్ తో ఉన్నప్పుడు, మనం ఎల్లప్పుడూ అందరి నుండి ఆశీర్వాదాలను పొందుతాము. ప్రతి ఒక్కరూ సహజంగానే మనతో, మన ప్రతి చర్యతో సంతృప్తి చెందుతారు. మనం ప్రతి ఒక్కరి హృదయాలను గెలుచుకుంటాము. మన అంతర్గత తేలికతనం, సంతృప్తి, వినయంతో ప్రతి చర్యను చాలా సులభంగా మరియు మంచిగా చేస్తాము. జీవితంలోని ఏ రంగంలోనైనా అందరూ మనతో కలిసి పనిచేయడానికి ఇష్టపడతారు.