December 4, 2023
ఆధ్యాత్మిక స్థాయిలో, భారం (ప్రెషర్) అంటే మనపై పని చేసే బాహ్య శక్తిని, దానిని భరించగల లేక ఎదిరించగల మన సామర్థ్యంతో విభాగిస్తే వచ్చేదే భారం. అందువలన, శక్తి మరియు ఎదిరించగల సామర్థ్యం ఒత్తిడి సమీకరణంలో రెండు ముఖ్యమైన అంశాలు. ప్రతి ఒక్కరి ప్రతిఘటించే సామర్థ్యాలు వేరువేరుగా ఉంటాయి. వేర్వేరు ప్రతిఘటన సామర్థ్యాలు కలిగిన ఇద్దరు వ్యక్తులు ఒకే రకమైన ఫోర్సును ఎదుర్కున్నప్పుడు వారు పొందే ఒత్తిడి స్థాయి కూడా వేరువేరుగా ఉంటుంది. భారంగా ఉంది అన్న మన భావనే మన స్వతంత్రతను తీసేసి బాహ్య సత్తా మనల్ని శాసిస్తుంది అన్న భావనను తెస్తుంది. బాహ్య ఒత్తిళ్ళు లేనప్పుడు మనసు స్వతంత్రంగా ఉండగలదు అని చాలామంది అనుకుంటూ ఉంటారు, కానీ ఇది దాదాపు అసంభవం. ఎందుకంటే మనిషి తాను పోషించే పాత్రలో ఎప్పుడూ ఏదో ఒక రకమైన బాహ్య ఒత్తిళ్ళను, భారాలను, ఒడిదుడుకులను ఎదుర్కుంటూనే ఉంటాడు. తన శరీరం, వృత్తి, కుటుంబం, సంపద, బంధాలు మొదలైనవి కావచ్చు. తన సొంత వ్యక్తిత్వం, స్వభావం, ఆలోచనలు, భావాలు మొదలైనవి కూడా ఒక్కోసారి ఒత్తిడిని తీసుకురావచ్చు.
ఎదుర్కునే శక్తే కాకుండా, భారం సమీకరణలో మరో అంశం – మనం ఎదుర్కుంటున్న పరిస్థితిలోని సత్తాను నేను ఎలా అంచనా వేస్తున్నాను అన్నదీ ముఖ్యమే. ఇందుకు ప్రాథమికంగా మనలో ఉన్న నమ్మకాలే ఆధారము. ఇద్దరు వ్యక్తులు బాహ్య పరిస్థితి యొక్క తీవ్రతను వేరువేరు విధాలుగా లెక్కించవచ్చు. మన ఒత్తిడికి కారణం బాహ్య పరిస్థితులు, వ్యక్తులు, వారికి మనపై ఉన్న ఆపేక్షలు అని అనుకుంటే, ఒత్తిడికి గురయ్యే మన స్వభావాన్ని మార్చుకోవడం అనేది మన చేతిలోని పని కాదనిపిస్తుంది. మనల్ని మనమే ఒత్తిడికి గురి చేసుకుని, బాహ్య పరిస్థితులు ఒత్తిడికి గురి చేసేలా వెసులుబాటును ఇస్తున్నాం. మన జీవిత ప్రయాణాన్ని భావాల ఖైదులో, గందరగోళ స్థితిలో, కంగారు మరియు తొందరపాటు స్థితిలో గడపవచ్చు లేదా ఇదే ప్రయాణాన్ని ఆత్మ విశ్వాసంతో, దృఢత్వంతో, ఓర్పుతో, ఆంతరిక భావోద్వేగ స్థిరత్వంతోనూ గడపవచ్చు. ఒక్కోసారి మనమీద మనమే ఒత్తిడిని సృష్టించుకుంటాం, ఏదైనా సాధించాలంటే కొంత ఒత్తిడి ఉండటం మంచిదే; ఇది మనకు సానుకూలమైన శక్తినిచ్చి మనకు చేయాలన్న ప్రేరణను ఇస్తుంది అని కొందరు నమ్ముతారు. లేని ఒత్తిడిని జీవితంలోకి తెచ్చి, అది ఉన్నట్లుగా చూడటం అంటే ఇదే. ఇటువంటి ఒత్తిళ్ళు, భారాలు మనల్ని మోసగిస్తాయి, తాత్కాలికంగా లాభపడుతున్నామన్న భ్రమను కలిగిస్తాయి, కానీ ఇది దీర్ఘకాలంలో మనపై హానికరమైన ప్రభావాలను కలిగిస్తుంది. కొందరికి ఇటువంటి అభిప్రాయమే ఉండదు కాబట్టి వారు తమ జీవితాలలోకి అనవసరమైన ఒత్తిళ్ళను అనుమతించరు.
(సశేషం)
పరీక్షల సమయంలో లేదా జీవితంలో ఏదైనా సవాలును ఎదుర్కొంటున్నప్పుడు స్థిరంగా ఉండటానికి చాలా ముఖ్యమైన మార్గం అంతర్గత శాంతి, శక్తి , స్థిరత్వంతో నిండిన కొన్ని సానుకూల ఆలోచనలను చేస్తూ రోజులో కొన్ని సార్లు
మనమందరం మన ముందు ఎల్లప్పుడూ వివిధ రకాల సవాళ్లతో మన జీవితాలను గడుపుతాము. మనమందరం ఏదో ఒక సమయంలో ఎదుర్కొనే సవాళ్లలో లేదా మన పిల్లలు ఎదుర్కొనే అత్యంత ముఖ్యమైన సవాళ్లలో ఒకటి పాఠశాల
మనం ఒక లక్ష్యాన్ని సాధించాలనుకున్నా, సరైన ఆహారానికి కట్టుబడి ఉండాలనుకున్నా, వ్యసనాన్ని వదులుకోవాలనుకున్నా లేదా ఆరోగ్యకరమైన అలవాటును కొనసాగించాలనుకున్నా, విజయం లేదా వైఫల్యాన్ని మన సంకల్ప శక్తికి ఆపాదించుకుంటాము. కొన్నిసార్లు మనం అత్యధిక సంకల్ప
Start your day with a breeze of positivity and stay motivated with these daily affirmations
After Clicking on Join, You will be redirected to Whatsapp Community to receive daily message. Your identitiy will be secured and no group member will know about another group member who have joined.
