Hin

2nd july 2025 soul sustenance telugu

July 2, 2025

మానసిక భారాలు మరియు ఒత్తిళ్ళను అధిగమించుట (పార్ట్ 2)

బాహ్య ఒత్తిళ్ళు లేనప్పుడే మనం స్వేచ్ఛగా ఉండగలమా? ఒత్తిడి రకరకాలుగా ఉంటుంది. పనిలో చూసుకుంటే, నిర్థారిత మార్గదర్శకాల ప్రకారం నిర్ణీత సమయంలో పని చేయాలని, ఇతరుల అంచనాలకు అనుగుణంగా పని చేయాలని, సహోద్యోగుల పనితీరుకు తగ్గట్లుగా మన పనితీరు ఉండాలని ఆలోచిస్తూ ఒత్తిడికి లోనవుతాం. బంధాలలో అయితే, బంధాలు విజయవంతంగా ఉండాలి, ఇతరులను తృప్తిపరచాలి, ఇతరుల నుండి గౌరవం పొందాలి అని తాపత్రయపడతాం. చదువులో అయితే, బాగా చదవాలని, బాగా చదివితే భవిష్యత్తు బాగుంటుందన్న ఆలోచనే కాకుండా ఇతరుల దృష్టిలో కూడా సదభిప్రాయం కలిగి ఉంటామన్న ఆలోచన. ఇంకా ఇంకా సంపాదించాలి, అవసరాలు, సౌకర్యాలు, విలాసాలు కుటుంబానికి అందించాలి, సమాజంలో ఒక హోదా కలిగి ఉండాలి అన్న ఒత్తిడి. జీవితంలో సమస్యలు ఉంటే, వాటిని త్వరగా పరిష్కరించలేకపోయినా, మనకు తగ్గట్లుగా లేకపోయినా ఒత్తిడికి లోనవుతాం. జీవితంలో ఏ క్షేత్రంలోనైనా వైఫల్యం, అది కలిగించే భయం కూడా ఒత్తిడిని తెస్తుంది. ఒక్కోసారి మన మనసు మనం ఆశించిన రీతిలో పని చేస్తుండకపోవచ్చు, లేదా మనలోని ప్రతికూల వ్యక్తిత్వాన్ని సానుకూలంగా మార్చుకోలేకపోతుంటే కూడా ఒత్తిడి వస్తుంది. నిశ్చయించబడ్డ లక్ష్యాన్ని, గమ్యాన్ని చేరుకోకపోతే జరిగే హానిని తలుచుకుని కూడా ఒత్తిడికి లోనవుతాం. శారీరక అనారోగ్యం, దాని వలన కలిగే భయం కూడా కొందరికి ఒత్తిడిని కలిగిస్తుంది.

ఈ విధంగా, ఒక దాని తర్వాత ఒకటిగా వచ్చే అంతులేని కష్టాల ప్రయాణంలా, స్వీడ్ బ్రేకరుగా, ప్రశాంతతకు సమయమే లేనట్లుగా జీవితం మారుతుంది. భారంగా ఉన్నప్పుడు బాహ్య కష్టాలు మనల్ని శాసిస్తున్నట్లుగా, మనకు స్వేచ్ఛ లేనట్లుగా అనిపిస్తుంది. పదే పదే ఒత్తిడికి లోనయ్యే స్వభావం ఉంటే, ఈ భారాన్ని మోస్తూ ఉంటే, దీర్ఘకాలంలో చూస్తే, ఇది, భావోద్వేగ మరియు ఆధ్యాత్మిక స్థాయిలో మనల్ని అలసటకు గురి చేస్తుంది.

(సశేషం)

రికార్డు

16th july 2025 soul sustenance telugu

ఆధ్యాత్మికతతో మన భావోద్వేగ మరియు శారీరక ఆరోగ్యాన్ని కాపాడుకోవడం (పార్ట్ 3)

ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు మెడిటేషన్ ని మీ ఔషధంగా చేసుకొని ఆ ఔషధాన్ని ప్రతి రోజు తీసుకోండి మెడిటేషన్ మన మనస్సును మరింత శక్తివంతంగా చేసి

Read More »
15th july 2025 soul sustenance telugu

ఆధ్యాత్మికతతో మన భావోద్వేగ మరియు శారీరక ఆరోగ్యాన్ని కాపాడుకోవడం (పార్ట్ 2)

ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు రోజంతా మీ ఆలోచనలను జాగ్రత్తగా పరిశీలించుకోండి   మన భావోద్వేగ ఆరోగ్యం అనేది ముఖ్యంగా మన ఆధ్యాత్మిక ఆరోగ్యంపై ఆధారపడి ఉంటుంది.

Read More »
14th july 2025 soul sustenance telugu

ఆధ్యాత్మికతతో మన భావోద్వేగ మరియు శారీరక ఆరోగ్యాన్ని కాపాడుకోవడం (పార్ట్ 1)

ప్రతి రోజు మీ వాట్సప్ లో ఒక మంచి విషయాన్ని తెలుసుకునేందుకు మనమందరం మానవాత్మలం అనగా మొదట ఆత్మలం, ఇది మన ఆధ్యాత్మిక గుర్తింపు. మనం మన భౌతిక శరీరం ద్వారా మన పాత్రను

Read More »