మీ ఆలోచనలే మీ సంబంధాలను నిర్మిస్తాయి

నేడు మన ప్రియమైన వారిని సంతోషంగా ఉంచడానికి ఎంతో చేస్తున్నాము. ఖరీదైన బహుమతులు, విహారయాత్రలు, షాపింగ్‌లు మరియు విందు భోజనాలు ఇస్తునప్పటికీ, మన  సంబంధాలు బలహీనపడుతున్నాయి. పదాలు మరియు ప్రవర్తనల కంటే ఇతర వ్యక్తి కోసం చేసే మన ప్రతి ఆలోచన ద్వారానే  సంబంధాలు నిర్మించబడటం దీనికి కారణం. మీరు సంబంధం యొక్క బలాన్ని  ఎలా అంచనా వేస్తారు? అవతలి వ్యక్తి మీతో ఎలా మాట్లాడుతున్నారు, లేదా మీరు ఎలా స్పందిస్తారు లేదా మీరు ఎంతకాలం కలిసి ఉన్నారు? అనే దన్ని బట్టి అంచనా వేస్తారా? ఒకరి కోసం మరొకరి ఆలోచనా విధానాలను ఎలా ఉన్నాయి అనేదే అంచనా వేయడానికి సులభమైన మార్గం. మన ఆలోచనలు మన మధ్య ఉన్న బంధాన్ని నిర్ణయిస్తాయి. ఇతరుల గురించి మాట్లాడటం లేదా సరిగ్గా ప్రవర్తించడం కంటేవారి పట్ల సరైన ఆలోచన కలిగి ఉండడం  చాలా ముఖ్యం. మనం ఆలోచనల్లో వారి గురించి బాధను లేదా కోపాన్ని కలిగి ఉండి, మధురమైన మాటలు మాట్లాడితే, విరుద్ధమైన భావాల ప్రకంపనలు ప్రసరించి మన బంధాన్ని బలహీనపరుస్తాయి. మన ఆలోచనా విధానం పట్ల శ్రద్ధ చూపకపోతే, ఇతరులను విమర్శిస్తూ లేదా నిందిస్తూ నకారాత్మక ప్రకంపనలు ప్రసరింపజేస్తాము. అందుకే మనం మంచిగా ఉండటానికి బాహ్య ప్రయత్నాలు చేసినప్పటికీ కొందరితో మంచి సంబంధాలను పెంచుకోవడంలో విఫలమవుతాము. మనం  వ్యక్తుల మంచితనంపై దృష్టి పెట్టి,  వారి కోసం శుద్ధ సంకల్పాలు  చేయడం నేర్చుకున్నప్పుడు, మన మాటలు మరియు ప్రవర్తన స్వతహాగా సరైనవిగా ఉంటాయి.  “నాకు పరిపూర్ణ సంబంధాలు ఉన్నాయి. ఇతరుల  కోసం నా ప్రతి ఆలోచన వారికి ఆశీర్వాదం.” అని మీకు మీరే గుర్తు చేసుకోండి.

వ్యక్తుల కోసం స్వచ్ఛమైన మరియు గౌరవప్రదమైన ఆలోచనల ఆధారంగా బలమైన సంబంధాలను ఏర్పరచుకోవడానికి మీ మనస్సును ప్రోగ్రామ్ చేయండి. మీ స్వచ్ఛతను మీ సంబంధాలలో ప్రవహించనివ్వండి. మీ పరస్పర చర్యలు ప్రేమ మరియు సంరక్షణ ఆలోచనలపై ఆధారపడినప్పుడు, మీ, కరుణ, సర్దుబాటు మరియు సహన శక్తులు పెరుగుతాయి. “నేను స్వచ్ఛమైన ఆత్మను. నా సంబంధాలలో అందరి మంచి కోసం ఆలోచించి అందరినీ ఆశీర్వదిస్తాను అని మీకు మీరు గుర్తు చేసుకోండి.