Hin

24th may 2024 soul sustenance telugu

May 24, 2024

మీ భావోద్వేగ స్థితిపై ఆధిపత్యం చెలాయించడానికి ఇతరులను అనుమతించవద్దు

మన వ్యక్తిగత లేదా కార్యాలయంలో ఉన్న సంబంధాలలో, కొన్నిసార్లు మనం ఎదుటి వ్యక్తి మనపై ఆధిపత్యం చెలాయిస్తున్నారనీ, ప్రతికూలంగా కంట్రోల్ చేస్తున్నారని భావిస్తాము. ఎవరైనా మీపై కోపం తెచ్చుకుని, మిమ్మల్ని ప్రతిస్పందించేలా, కలత చెందేలా ప్రవర్తించినప్పుడు, వారు మీపై ఆధిపత్యం చెలాయించిన వారవుతారు. కొంత కాలానికి, వారు ఒక అదృశ్య, శక్తివంతమైన రిమోట్ కంట్రోల్‌ని కలిగి ఉన్నారని వారు గ్రహించడం ప్రారంభిస్తారు, దానిని ఉపయోగించి, వారు మిమ్మల్ని  కంట్రోల్ చేయాలనుకున్నప్పుడు, వారు మీపై కోపం తెచ్చుకొని వారు కోరుకున్నది సాధిస్తారు. వారి కోపం రిమోట్ కంట్రోల్ అవుతుంది. మీరు ప్రతిస్పందిస్తే  మీరు ఈ నియంత్రణను అనుమతిస్తున్నారు లేదా అవతలి వ్యక్తి రిమోట్ కంట్రోల్‌ గా పని చేయడాన్ని  అనుమతిస్తున్నారు. మిమ్మల్ని ప్రభావితం చేయడానికి మరియు ఆధిపత్యం చెలాయించడానికి ఎంచుకునేది మీరు. మనం ఇతరులు మనల్ని కంట్రోల్ చేసేలా లేదా ఎదుటివారి ప్రతిచర్యకు గురికాకుండా, మన ప్రేమ, శుభ భావనలు, గౌరవాన్ని కాపాడుకుంటూ మన భావాలను వ్యక్తీకరించడాన్ని ఎంచుకోవచ్చని గ్రహించడం చాలా ముఖ్యం.

వస్తువులు, వ్యక్తులతో సహా మనకు బాహ్యంగా ఉన్న అస్తిత్వాల ద్వారా మనపై ఆధిపత్యం చెలాయించడానికి, ప్రభావితం చేయడానికి అనుమతిస్తే మన ఆధ్యాత్మిక శక్తిని కోల్పోతాము. ప్రతి క్షణం మనం మరొక వ్యక్తి యొక్క రిమోట్ కంట్రోల్ విజయవంతంగా పని చేయడానికి అనుమతిస్తూ ఉంటే లేదా మన భావోద్వేగ స్థితిని నియంత్రించడానికి, ఆధిపత్యం చేయడానికి ఒక వస్తువును అనుమతిస్తూ ఉంటే, మనం  అంతర్గతంగా బలహీనపడతాము. ఎదుటివారి చేతిలో కీలుబొమ్మలా తయారవుతాం. తోలుబొమ్మ ఎప్పుడూ శక్తివంతం కాదు ఎందుకంటే అది తనంతట తానుగా పని చేయదు, వేరొకరిచే నియంత్రించబడుతుంది. మన శక్తిని కాపాడుకోవాలన్నా, ఆధ్యాత్మికంగా శక్తివంతంగా ఉండాలంటే మనం దానిని నిరోధించాలి. ధ్యానం మరియు ఆధ్యాత్మిక జ్ఞానం రెండూ మన ఆధ్యాత్మిక శక్తులను పెంచుతాయి. కొంత కాలానికి మన ఆత్మగౌరవాన్ని కూడా పెంచుతాయి. ఈ రెండూ మనకు స్వస్థితిలో ఉండటానికి సహాయపడతాయి. మరొకరి రిమోట్ కంట్రోల్‌ని పని చేయడానికి అనుమతించకుండా ఉండటమే కాకుండా మనకు సరైనవి అనిపించే విషయాలలో  దృఢంగా ఉండాలి.

మీ సమీపంలో ఉన్న రాజయోగ మెడిటేషన్ సెంటర్ కొరకు

రికార్డు

16th feb 2025 soul sustenance telugu

చక్కటి సంబంధాలను బలపరుచుకోవడానికి అహంకారాన్ని త్యాగం చేయడం (పార్ట్ 2)

మీరు మరొక వ్యక్తిని కలిసినప్పుడల్లా, మీరు మీలాగే ఉండాలి అని నిర్ధారించుకుంటూ, అదే సమయంలో ఎదుటి వ్యక్తిని కూడా వారిని వారిలానే ఉండనివ్వడం ద్వారా మీరు వారికీ ఒక స్వేచ్చని కలిపిస్తారు. దాని అర్థం

Read More »
15th feb 2025 soul sustenance telugu

చక్కటి సంబంధాలను బలపరుచుకోవడానికి అహంకారాన్ని త్యాగం చేయడం (పార్ట్ 1)

సంబంధాలు జీవితానికి ప్రాధమిక నిధి, కానీ సంబంధంలో ఏ వ్యక్తిలోనైనా అహం పెరిగినప్పుడు అవి తప్పుడు మార్గంలో వెళ్తాయి. వ్యక్తులు ఎల్లప్పుడూ వినయపూర్వకమైన వారితో సంతృప్తి చెందుతారని మీరు కనుగొంటారు. అలాగే అహంకారం లేని

Read More »
14th feb 2025 soul sustenance telugu

విశ్వసించండి. ఇక మీరు విజయం సాధిస్తారు

మీరు మీ పెద్ద లేదా చిన్న లక్ష్యాల గురించి చాలా ఉత్సాహంగా ఉంటూ వాటిని చేరుకోవడానికి చాలా కష్టపడ్డారా… కానీ ఎక్కడో ఒక చోట విజయం సందేహాస్పదంగా అనిపించిందా? అది ఫలితాన్ని ఎలా ప్రభావితం

Read More »