మీ విలువలను పట్టుకుని ఉండండి

ఉత్తమమైన వ్యక్తులుగా మనం ఉండాలంటే ఆధ్యాత్మికతతో పాటు మనలో ఉన్న వాటిని వదుల్కోకుండా ఉండాలి – అవే మనలోని సుగుణాలు. సాధారణంగా మనతో వ్యక్తులు ఎలా ప్రవర్తిస్తారో అలాగే మన ప్రవర్తన కూడా ఉంటుంది. వారు మంచిగా ఉంటే మనమూ మంచిగా ఉంటాము లేకపోతే మనం వారితో ప్రతికూలంగా ప్రవర్తిస్తాము. కానీ ఇతరుల గుణాలను కాపీ చేస్తూ మనలోని సుగుణాలు తగ్గించుకోకూడదు.

1. ప్రపంచంలో తగ్గుతున్న నైతిక స్థాయిలను చూసి మీరు తరచూ నిరాశ చెందుతున్నారా? మీరు ఎదుటి వ్యక్తితో సుగుణాలతో వ్యవహరించినప్పుడు ఎదుటి వ్కక్తి మాత్రం సానుకూలంగా స్పందించకపోతే వారిలా మీరూ ఉండాలని మీకనిపిస్తుందా? మీ చుట్టూ ఉన్నవారు మంచిగా లేని కారణంగా మీరు మీలోని ఏదైనా సుగుణాన్ని విడిచిపెట్టారా?
2. వీలైనంత మంచిగా, సహృదయంతో ఉండటానికే ప్రయత్నిస్తాము. అయితే ఎదుటి వ్యక్తి కూడా అంతే మంచిగా (లేక అంతకన్నా ఎక్కువగా) మనతో ఉండాలని మనం ఆశించడమే సమస్యను తెచ్చిపెడుతుంది. అంతకంటే పెద్ద సమస్య ఏంటంటే, ఆ వ్యక్తి మనతో సరిగ్గా లేకపోతే మనం వారిని కాపీ చేస్తాము. ఇతరుల అపసవ్య ప్రవర్తనను మనం కాపీ చేస్తున్న ప్రతిసారీ మనం మనలోని సుగుణాల నుండి దూరంగా వెళ్ళిపోతున్నాము. చివరకు, మన సుగుణాలనే విడిచిపెట్టేస్తున్నాము.
3. మన విలువలు, సుగుణాలు, సిద్ధాంతాలు మరియు నైతికతే మనకు బలం. వాటితో జీవిద్దాం. మన చుట్టూ ఉన్నవారు వాటిని ఉపయోగించకపోయినా కానీ, విలువలు ఎందుకూ పనికిరావు అని అందరూ అనుకున్నాగానీ మనం మాత్రం వాటిని విడిచిపెట్టకూడదు.
4. ఇతరులలో ఉన్న సుగుణాలు మీలో ఉండకపోవచ్చు. మీలోని విలువలను ఉపయోగించండి, ప్రతిసారీ, ప్రతి ఒక్కరితో. గుర్తుంచుకోండి – వ్యక్తులకు, పరిస్థితులకు సంబంధం లేకుండా నేను నా సుగుణాలను ప్రతిసారీ, ప్రతి ఒక్కరితో ఉపయోగిస్తాను. నా విలువలు నా శక్తిశాలి వ్యక్తిత్వాన్ని చూపిస్తాయి.