మీరు కలిసే ప్రతి ఒక్కరికీ చిరునవ్వుతో అభివాదం చేయండి

గుడ్ మార్నింగ్, గుడ్ నైట్, ఆల్ ది బెస్ట్… కొన్నిసార్లు శుభాకాంక్షలు ఎటువంటి భావాలు లేకుండా కేవలం పదాలుగా మారతాయి. అంతరికంగా మనం వారి సామర్థ్యాన్ని అనుమానించినప్పటికీ, వ్యక్తులకు అల్ ది బెస్ట్ తెలియజేయవచ్చు. శుభాకాంక్షలు కేవలం పదాలు కాదు, ఉన్నత శక్తిగల ఆశీర్వాదాలు. అనగా, అవతలి వ్యక్తికి మంచి విషయాలు మాత్రమే జరగాలని మనం గట్టిగా నమ్మడం. కానీ కొన్నిసార్లు, మనం దానిని చాలా సాధారణంగా చెబుతాము. అది ఎటువంటి భావాలు లేకుండా ఒక పదబంధంగా మిగిలిపోతుంది.

1. కుటుంబం, పొరుగువారు, అపరిచితులు, సహ-ప్రయాణికులు మరియు సహోద్యోగులు-మీరు రోజులో మొదటిసారి వారిని కలిసినప్పుడు ప్రతి ఒక్కరినీ ఉత్సాహంగా పలకరించండి. స్వచ్ఛమైన శక్తిని సృష్టించి ప్రసరింపచేయడానికి ఇది ఒక అవకాశం.
2. అందరినీ హృదయపూర్వకంగా చిరునవ్వుతో పలకరించడానికి 3 సెకన్ల సమయం పడుతుంది. వారి రోజు పరిపూర్ణంగా ఉంటుందని ఒక ఉద్దేశాన్ని, నమ్మకాన్ని సృష్టించండి. ఇది వాతావరణం, వ్యక్తుల యొక్క వైబ్రేషన్లను ఉన్నతంగా చేస్తుంది. ఇక మీ మంచి ఆలోచనల ఫలితంగా ఆనందాన్ని అనుభవించే మొదటి వ్యక్తి మీరే.
3. ఇష్టపూర్వకంగా అందరినీ పలకరించండి. ఎవరైనా వయస్సులో చిన్నవారైనా, పదవిలో చిన్నవారైనా, లేదా అహం మిమ్మల్ని ఆపివేసినా అయిష్టంగా ఉండకండి. ప్రతిసారీ అందరికీ మంచితనాన్ని ప్రసరింపజేయండి.
4. ఎవరైనా గుర్తించకపోయినా, మీ మంచి గుణాన్ని నిలబెట్టుకోండి. ప్రతి రోజూ వారిని పలకరించడం కొనసాగించండి. ఆ శక్తి మిమ్మల్ని మరియు వారిని ఎలా సానుకూలంగా ప్రభావితం చేస్తుందో గమనించండి.