నా మూల స్థితి అయిన మంచితనానికి తిరిగి రావడం (పార్ట్ 3)

మన అసలైన మంచితన స్థితికి తిరిగి రావాలంటే, మనం ఆధ్యాత్మిక శక్తి మరియు సానుకూలత యొక్క ఉన్నత మూలం వైపు చూడాలి. ఇతరుల నుండి ప్రేమ, ఆనందం కోసం అడగడం అనేది కస్తూరి జింక లాంటిది, ఇది దాని నాభిలో తాను బయట వెతుకుతున్న సువాసనను కలిగి ఉంటుంది. ఈ సంపదలన్నీ మన లోపల ఉన్నాయి. అసలైన సద్గుణ స్వభావానికి తిరిగి వెళ్లడం అంటే దాన్ని పూర్తిగా గ్రహించి, ఆపై ఈ సంపదను ఎప్పటికీ కోల్పోని భగవంతుని నుండి వచ్చిన సంపదతో మనల్ని మనం నింపుకునే జ్ఞానాన్ని మరియు శక్తిని తీసుకోవడం.  అలాగే, అనేక జన్మల కాలంలో ఈ సంపదలు మనలో ఎంతైతే తగ్గాయో, అంతగానే మనం మన ఆనందాన్ని కోల్పోయాము. అలాగే, మనం చాలా తప్పుడు సంస్కారాలతో భారంగా మారాము. మనం అనేక జన్మలు నిచ్చెన నుండి దిగివచ్చినప్పుడు మనం చేసిన తప్పుడు చర్యల కారణంగా ఈ లక్షణాలు మన స్వభావంలో ఒక భాగంగా మారాయి.

కాబట్టి ఇప్పుడు, సమయం యొక్క పిలుపు ఏమిటంటే, ప్రపంచంలోని ప్రతి ఆత్మకు సర్వోన్నతమైన తల్లితండ్రి అయిన పరమాత్మ లేదా సర్వోన్నతమైన ఆత్మ- భగవంతుడుతో కనెక్ట్ అయ్యి,  ఆ సానుకూల లక్షణాలన్నింటినీ తిరిగి పొందడం.  ఇది మనల్ని అంతర్గతంగా, ఆధ్యాత్మిక స్థాయిలో ధనవంతులుగా చేస్తుంది. మనం ఎంత ఎక్కువగా దీన్ని చేస్తే, అంత ఈ ప్రపంచంలోకి పరంధామం నుండి వచ్చినప్పుడు మనకు ఒక్కపుడు ఉన్న అసలైన దశకు తిరిగి వస్తాము. అలాగే, ఇది మళ్లీ స్వచ్ఛంగా మరియు సానుకూలంగా మారడానికి, కొత్త జీవితాన్ని ప్రారంభించే సమయం మాత్రమే కాదు, కొంతకాలం వరకు పరంధామానికి తిరిగి వెళ్లే సమయం కూడా. ఆ తరువాత, మనం ఈ ప్రపంచంలో అనేక జన్మ – పునర్జన్మల కొత్త చక్రాన్ని ప్రారంభిస్తాము. కర్మలు మరియు  సంబంధాలతో నిండిన ప్రపంచంలో దిగివచ్చే ముందు ఆత్మకు అవసరమైన విశ్రాంతి ఇదే. అందువల్ల, మనం తిరుగు ప్రయాణంలో ఉన్నాము మరియు జన్మ – పునర్జన్మల చక్రం పునరావృతమవుతుంది.