నిర్లిప్తంగా ఉండి, గమనించి మరల్చుకోండి

మన జీవితాలు ఎప్పటికప్పుడు వివిధ రకాల పరిస్థితులతో నిండి ఉంటాయి. మనం తరచుగా పరిస్థితుల వల్ల ప్రతికూలంగా ప్రభావితమవ్వడంతో మన ఆంతరిక శక్తి తగ్గుతుంది. నిర్లిప్తంగా ఉండి, గమనించి మరల్చుకోవటం అనేది ఆధ్యాత్మికత యొక్క సరళమైన టెక్నిక్. దీని సహాయంతో మనం ప్రతికూల పరిస్థితిలో  ప్రభావితం కాకుండా, సానుకూలతను అనుభవం చేసుకుంటాము. మన సానుకూలతతో ప్రతికూల పరిస్థితిని ప్రభావితం చేసి మార్చవచ్చు. ఇది నిర్లిప్తత యొక్క టెక్నిక్. అంటే మనం పరిస్థితికి కట్టుబడి ఉండటానికి బదులు దాని నుండి నిర్లిప్తంగా ఉంటూ, మన ఆలోచనలను దగ్గరగా గమనించుకొని వాటిని సానుకూల దిశలో మరల్చుకుంటాము. ఒక విమానం లేదా ఓడ దాని ముందు ఉన్న అడ్డంకిని చూసినప్పుడు మరల్చుకునే విధానంలా మన ఆలోచనలను మరల్చుకుంటాము. ఈ టెక్నిక్ ను మనం ఎలా అభ్యసించాలి? ఇక్కడ 5 సోపానాలు ఉన్నాయి –

1. ఉదయం సానుకూలమైనది ఏదైనా చదవి లేదా వింటూ మీ మనస్సును సానుకూల ఆలోచనలతో నింపుకోండి. మన మనస్సు సానుకూలతతో ఎంత ఎక్కువగా నిండి ఉంటే, అంతగా మనకు నిర్లిప్తంగా ఉండి పరిస్థితిని మనసులో నుండి తొలగించుకునే శక్తి ఉంటుంది. అలాగే, మనం మన ఆలోచనలను మరల్చుకొని శాంతి మరియు సంతృప్తిని అనుభవం చేసుకుంటాము.
2. ప్రతి గంటకు ఒక నిమిషం మైండ్ ట్రాఫిక్ కంట్రోల్ ను సాధన చేయండి. ఆ ఒక్క నిమిషంలో, మీరు చేసేవి పక్కన పెట్టి మిమ్మల్ని మీరు శాంతియుతమైన, ప్రేమగల మరియు శక్తివంతమైన ఆత్మగా అనుభవం చేసుకోండి.
3. రోజంతటిలో 10-15 సార్లు ధృవీకరణలను చేసే అభ్యాసం చేయండి. సానుకూల ఆలోచనను రిపీట్ చేసుకుంటూ దాన్ని పదే పదే అనుభవం చేసుకోవటమే ధృవీకరణ. ఇది మన మనస్సును స్థిరంగా, కేంద్రీకృతం చేస్తుంది. అప్పుడు మన మనసు ఏ పరిస్థితికి లేదా వ్యక్తికి సులభంగా ప్రభావితం కాదు.
4. ఆ రోజుకు డిజిటల్ డిటాక్స్ ప్లాన్ ను రూపొందించుకోండి. రోజంతా, మన మనస్సులు మన మొబైల్స్, కంప్యూటర్లు, టెలివిజన్లు మరియు ఇతర ఎలక్ట్రానిక్ పరికరాల ద్వారా సమాచారంతో నిండిపోతాయి. ఈ పరికరాల ద్వారా ప్రతికూల వార్తలను, ప్రతికూల సమాచారాన్ని తీసుకోవడం తగ్గించండి.
5. రోజంతా భగవంతుని సాంగత్యంలో ఉండండి. మన భారాలను విడిచిపెట్టి, వాటిని భగవంతునికి ఇవ్వడంతో, మనం పరిస్థితులను నిర్లిప్త పరిశీలకులుగా చూస్తూ వాటిలో చిక్కుకోము.