పోటీ పడకుండా సహకరించుకుందాం

నిజమైన సహకారం అంటే సర్వులకు ఎల్లవేళలా తన వారనే భావన మరియు సాధికారత ఉద్దేశ్యంతో షరతులు లేని సహాయాన్ని అందించడం. ఇది వినయం, ప్రేమ, కరుణ మరియు తాదాత్మ్యం వంటి మన నిజ గుణాలను బలపరుస్తుంది. తద్వారా అహం, అసూయ, పగ మరియు పోటీతత్వం యొక్క ప్రతికూల సంస్కారాలను అధిగమించడంలో సహాయపడుతుంది. చాలా సార్లు, సహకారం అంటే మనం ఏమీ చేయవలిసిన అవసరం లేదు, కేవలం ప్రశాంతంగా మరియు స్థిరంగా ఉండడం. మన వైబ్రేషన్లు మన చుట్టూ ఉన్న వ్యక్తులకు సుఖాన్నిస్తూ ఆ క్షణాలను వారికి అందమైన అనుభూతిగా మార్చడానికి సహకారాన్ని, సహాయాన్ని అందిస్తాయి. మన  వైబ్రేషన్లు  పరిస్థితులకు ప్రతిస్పందనగా వారి దివ్య గుణాలను  వెలికి తీయడానికి సహాయపడతాయి.

సహకారం అనేది పోటీకి విరుగుడు (న్యూట్రలైజర్). మనలో చాలా మంది జీవితం ఒక పోటీ అనే నమ్మకంతో జీవించాం. మనం ఒత్తిడి, కోపం, అసూయ, ద్వేషం సృష్టించి కొన్నిసార్లు ఇతరుల కంటే ముందుకు వెళ్లాలని మన నైతికతపై రాజీ పడవలసి వచ్చింది. ఈ రోజు మనం అంతర్గతంగా ఖరారు చేద్దాం – మనం ఎవరితోనూ పోటీలో లేము. ప్రతి ఒక్కరూ తమ గత మరియు ప్రస్తుత కర్మల ఫలితాన్ని పొందుతారు. ప్రతి ఒక్కరూ తమకు న్యాయమైనదే పొందుతున్నారు. మనల్ని మనం చూసుకుంటూ మన విజయాలను మెరుగుపరచుకోవాలి మరియు పెంచుకోవాలిగానీ ఇతరులను చూస్తూ కాదు.  మనం ఎవరికైనా సహకరించినప్పుడు అపారమైన సంతృప్తిని అనుభూతి చెందుతాం. అది మన ఆత్మిక శక్తిని పెంచుతుంది. మన సహకారాన్ని పొందిన వ్యక్తి నుండి ఆశీర్వాదాలను కూడా పొందుతాము. మన సంస్కారాలు లేదా అభిప్రాయాలు భిన్నంగా ఉన్నందున మనం వ్యక్తులను తిరస్కరించినట్లయితే, మన ప్రేమ, పంచుకోవడం మరియు శ్రద్ధ వహించే శక్తి నిరోధించబడుతుంది. మనం సహకరించినప్పుడల్లా మనం ప్రతిఫలంగా ఏదైనా పొందాలని ఆశిస్తున్నామో లేదో అని ఆ చర్య వెనుక మన ఉద్దేశాన్ని చెక్ చేసుకుందాం. అలా ఆశించినట్లయితే, సహకార శక్తి దురాశ శక్తితో కల్తీ అవుతుంది. అలాగే, మన సహకారాన్ని స్వీకరించే వ్యక్తి కంటే మనం ఉన్నతం అనే అహం ఉందేమో మనం చెక్ చేసుకోవాలి. అహం శక్తిని బలహీన పరుస్తుంది. విభిన్న సంస్కారాలను అంగీకరించి సర్దుకోవడం ద్వారా, పంచుకోవడం మరియు శ్రద్ధ వహించడం ద్వారా, మనం ప్రపంచంలోకి స్వచ్ఛమైన వైబ్రేషన్లను ప్రసరిస్తున్నాము. మన వైబ్రేషన్లు ప్రపంచంలోని సామూహిక చైతన్యాన్ని ప్రభావితం చేస్తున్నాయి. మనం మారినప్పుడు, ప్రపంచం మారుతుంది మరియు మరింత ఐక్యంగా, సామరస్యంతో నిండి ఉంటుంది.