ప్రదర్శించేందుకు బదులుగా వినయాన్నివినయాన్ని అనుభూతి  చేసుకోండి

గుర్తింపుకు బానిసైన ప్రపంచంలో, మనం ఇతరుల దృష్టిని మన వైపు, మన విజయాల వైపు, ఆస్తులు మరియు హోదా వైపు ఆకర్షించాలనుకుంటున్నాము. మనము ప్రదర్శిస్తాము, స్వీయ ప్రచారం చేసి ఇతరుల ప్రశంసలను కోరుతాము. అన్ని విలాసాలను సొంతం చేసుకోవడం మరియు ఉన్నత హోదాను సంపాదించడం ఒక అంశం, కానీ వాటి గురించి ప్రగల్భాలు పలుకడం పూర్తిగా మరొక అంశం. ప్రగల్భాలు జయాపజయాల భాషను మాట్లాడుతుంది. నిరాడంబరత వినయం మరియు సమానత్వం యొక్క భాష మాట్లాడుతుంది.

1. మీరు నిరాడంబరంగా లేదా వినయంగా ఉండాలనుకున్నప్పటికీ, మీరు దానిని మీ రోజువారీ జీవితంలో అమలు చేస్తున్నారో లేదో తనిఖీ చేయాలి. అంతేకాకుండా, సోషల్ మీడియాలో తమ జీవితంలోని విజయవంతమైన అంశాలను ప్రదర్శించే ఇతర వ్యక్తులను చూడటం మీరు కూడా అదే విధంగా చేయటానికి ఉత్సాహం కలిగించవచ్చు.
2. నిరాడంబరత పెంపొందించు కోవడానికి, మీ జీవితంలోని ప్రతిదీ అనగా వ్యక్తులను , జంతువులను, మొక్కలను, వస్తువులను గౌరవించి మితంగా వాడండి. ఏదీ మరొకటి కంటే ముఖ్యమైనది కాదని మెచ్చుకోండి. వారందరికీ సమానమైన కృతజ్ఞత మరియు శ్రద్ధ చూపండి.
3. నీరు, విద్యుత్, డబ్బు, ఆహారం, దుస్తులు వంటి అన్ని వనరులను విలువైనవిగా భావించి వాటిని మితంగా ఉపయోగించుకోండి. మీ అవసరాలు మరియు కోరికలను వేరు చేయండి. మీ అవసరాలను తీర్చడానికి మరియు సౌకర్యవంతంగా జీవించడానికి ప్రయత్నించండి. మీ అంతులేని కోరికలు లేదా ఆశలపై నియంత్రణ పెట్టండి.
4. నిరాడంబరత అంటే మీరు విజయాన్ని విస్మరించడం లేదా సౌకర్యాలను వదులుకోవడం అని అర్థం కాదు. మీ బలాలు మరియు విజయాలను గుర్తించండి, ఆత్మవిశ్వాసంతో ఉండండి, కానీ ప్రదర్శించకండి. మీ వంతు కృషి చేసి, వినయంగా ఉండండి, ఎక్కడ ఇవ్వాలో అక్కడ క్రెడిట్ ఇవ్వండి. మీ విజయాలన్నింటినీ మరియు గుర్తింపును భగవంతునికి అర్పించండి,దానిని స్వీకరించి అహంభావంతో ఉండవద్దు.