ప్రశంసలు మరియు విమర్శలలో స్థిరత్వం

ప్రశంసలు మన అహాన్ని పెంచితే, విమర్శలు వచ్చినపుడు మనం కలత చెందడం ఖాయం. ప్రశంసలు లేదా విమర్శల ద్వారా ప్రభావితం కాకుండా మన చర్యలపై దృష్టి పెట్టాలని ఆధ్యాత్మిక జ్ఞానం మనకు బోధిస్తుంది.

1. ఏదైనా అభిప్రాయానికి మీ మొదటి రియాక్షన్ ఎలా ఉందో చెక్ చేసుకోండి: మీరు ప్రశంసల వలన ఆకర్షితులవుతున్నారా? మిమ్మల్ని మీరు విమర్శల నుండి రక్షించుకుంటారా లేదా మీరు విమర్శించబడినప్పుడు తిరిగి స్పందిస్తారా? అలా అయితే, పాజ్ తీసుకోవడం ప్రాక్టీస్ చేసి స్థిరత్వం యొక్క ప్రతిస్పందనను ఎంచుకోండి.
2. భగవంతుని ఉపకరణం అనే స్పృహతో మానసికంగా నిర్లిప్తంగా ఉంటూ వినయంగా పాల్గొనాలి కూడా. ప్రతి ఒక్కరి అభిప్రాయం భిన్నంగా ఉంటుందని అర్థం చేసుకుని మీ కార్యాచరణలోకి వెళ్లండి.
3. ప్రశంసలతో ప్రభావంలోకి రాకుండా ఉండడాన్ని ప్రాక్టీస్ చేయండి. ప్రశంసలు ఎదుట వ్యక్తి యొక్క అవగాహన, వారి స్వచ్ఛమైన ఉద్దేశం మరియు వారి దాతృత్వానికి ప్రతిబింబం. అవతలి వ్యక్తికి కృతజ్ఞతలు చెప్పి భగవంతునికి ఆ ప్రశంసను అప్పగించండి. మంచి పనిలో ఒక సాధనంగా ఉపయోగించినందుకు కృతజ్ఞతతో ఉండండి.
4. ప్రశంసలో స్థిరంగా ఉండడం వల్ల విమర్శలను గౌరవంగా ఎదుర్కోవడంలో మీకు సహాయపడుతుంది. మిమ్మల్ని విమర్శించే వ్యక్తి అతని అవగాహన, మానసిక స్థితి మరియు వ్యక్తిత్వాన్ని చిత్రీకరిస్తున్నాడు. దానికి జోడించబడిన భావోద్వేగ శక్తి నుండి వేరు అయి వారి అభిప్రాయాన్ని నిర్ధారించి మీరు చేయవలసింది ఏదైనా ఉంటే అది చేయండి. ఏమీ చేయవలసినవసరం లేక పోతే ఆ విషయాన్ని పూర్తిగా వదిలేసి స్థిరంగా ఉండండి. మీరు మిమ్మల్ని మరియు వారిని గౌరవించండి.