ప్రతి అడుగులో దృఢంగా మరియు సానుకూలంగా ఉండండి (పార్ట్ 2)

దృఢత్వం ఒక మానసిక బలం, ఇది ఎంతోకొంత మనందరిలో ఉంటుంది, దీనిని మనం ఎంత కావాలంటే అంత పెంచుకోవచ్చు. ముందుగా, నేను దృఢంగా అవ్వాలి, నేను ప్రతికూల పరిస్థితులను ఎదుర్కోవాలి, నేను నా ఆంతరిక వ్యక్తిత్వాన్ని దోహదపరుచుకోవాలి, నేను జీవితంలో ప్రతి క్షేత్రంలో విజయాన్ని పొందాలి అని గుర్తించాలి. వీటితోపాటు జీవితంలో ఉండవలసిన ఇతర ఉద్దేశాలు – అందరితో ప్రేమగా ఉండటం, అందరి గురించి మంచిగా ఆలోచించడం, నా బంధాలను మరింత చక్కగా, శాంతియుతంగా మరియు ఆనందమయంగా చేసుకోవడం, మంచి వృత్తిని ఏర్పరచుకోవడం, నా పాత్రను మరింత సానుకూలంగా మల్చుకోవడం వంటివి. ఇవి మన జీవితంలోని వివిధ దశలలో ఉండవలసిన వివిధ లక్ష్యాలు మరియు ఉద్దేశాలు. వీటిని సాధించడానికి భౌతికంగా ఏదో ఒకటి చేయడంతో పాటు, ముందుగా, మన లోపల బలమైన దృఢమైన సంకల్పం ఉండటం అవసరం.

దృఢత్వం లేకుండా, బాహ్యంగా మనం ఎన్ని చేసినా, ఆశించిన లక్ష్యాన్ని విజయవంతంగా సాధించలేము. ఎందుకంటే, మన లక్ష్యాన్ని సాధించే దిశలో చేసే ప్రయాణ మార్గంలో మనకు ఆటంకాలు ఎదురవుతాయి, ఆటంకాన్ని చూసిన మరుక్షణం దానిని దాటగలిగే ఆత్మ శక్తి మనలో లేకపోవచ్చు. ఆశ, ఓర్పు, దృఢత్వం నిండిన ఆత్మ శక్తి మనసులో ఆలోచనలుగా, భావాలుగా ఉండాలి. కనుక, ప్రారంభం మన మనసులో జరగాలి, చాలా చాలా జాగ్రత్తగా, దృఢత్వం వైపుగా మన అడుగులు పడాలి, దృఢత్వం మన కర్మలలో కనిపించాలి. అప్పుడు ఈ దృఢత్వం క్రొత్త అవకాశాలను తెరిచేందుకు తాళం చెవి అవుతుంది, ఇది మీరు ఆశించిన విజయ గమ్యానికి తీసుకువెళ్తుంది.

(సశేషం…)