ప్రతి అడుగులో దృఢంగా మరియు సానుకూలంగా ఉండండి (పార్ట్ 3)

ఇంచుమించు, ప్రతిరోజూ, మన దృఢత్వానికి పరీక్ష జరుగుతూ ఉంటుంది. ఇది మనందరికీ సర్వ సాధారణంగా అనుభవమైన విషయమే. ప్రతిసారీ, దృఢంగా ఉంటాను అని మనతో మనం ప్రతిజ్ఞ చేసుకుంటాం. మన ప్రతిజ్ఞను భంగ పరిచేందుకు, మానసికంగా మనల్ని అస్థిరంగా మరియు బలహీనంగా చేసేందుకు ఏదో ఒక కష్టం వస్తూనే ఉంటుంది. మనం బలహీనపడకుండా ఉండేలా చూసుకుంటూ, దృఢత మార్గంలో నడుస్తూ మనం ఆశించిన విజయాన్ని తక్కువ సమయంలోనే చేరుకునేలా మనం జాగ్రత్తపడాలి. దృఢంగా ఉండటం అంటే ఒక్క ఆలోచన కూడా బలహీనంగా, శక్తిహీనంగా ఉండకూడదు; కేవలం సానుకూల ఆలోచనలు మరియు విజయ సంకల్పాలే ఉండాలి, నిశ్చితమైన విజయాన్ని మీతో మీరు చెప్పుకుంటూ ఉండాలి.

కనుక, ఈ విధంగా, మనం విజయులుగా అవుతాము. విజయం నా జన్మసిద్ధ అధికారం, అది ఎప్పటికీ, ఒక్క క్షణం కూడా నా నుండి దూరమవ్వదు అన్న ఆలోచనలు మన కర్మలకు బలాన్నిచ్చే ఇంధనంగా అవుతాయి. ఫలితంగా, ప్రతి అడుగులో సానుకూల విజయం లభిస్తుంది. దృఢత్వం లేనిదే నిరంతర విజయం లభించదు. కొన్నిసార్లు, మన మనసులో నెగెటివ్ ఆలోచనలున్నాగానీ, మనం విజయాన్ని పొందుతుంటాము. ఒక్కోసారి, మనసు బలహీనంగా ఉన్నాగానీ, మనం ఊహించనిది, ఆశించనిది కూడా అకస్మాత్తుగా జరిగిపోతుంది. ఇలా అలవాటు అయిపోయి మనం ఎప్పుడూ అలాగే జరుగుతుంది అని అనుకుంటాము. కానీ ఇలా ప్రతిసారీ జరగదు. మొత్తానికి, మనల్ని మనం ఎంతగా సాధికారపరుచుకోవాలంటే మనలో వచ్చే శక్తిశాలి సంకల్పాలతో పరిస్థితులు బలహీనపడాలి, అవి మనలోని దృఢత్వాన్ని తగ్గించకూడదు. ఇలా చేసుకోవడం మనకు చాలా అవసరం, ఎందుకంటే, మరోసారి కష్టం వచ్చినప్పుడు, మనసు సంసిద్ధంగా ఉంటుంది, ప్రతికూలతను సానుకూలతలోకి విజయవంతంగా మార్చగలుగుతాము.