ప్రతీకార వాంఛ నుండి విముక్తి పొందడం

మీ జీవితంలో ఎన్నిసార్లు గతంలో మీకు హాని చేసిన, బాధపెట్టిన లేదా అవమానించిన వారికి చెడు జరిగినప్పుడు,  వెంటనే  లేదా తరువాత అయినా మీరు ఆనందించి ఉంటారు. ఎన్నిసార్లు కనీసం స్వల్పమైన ఆనందం కలిగిందో మీరు చాలా నిజాయితీగా ప్రశ్నించుకోండి. ఈ రకమైన నెగిటివ్ రూపమైన ఆనందం మీలో కనిపించినప్పుడు, అది మీ మాటలలో లేదా చర్యలలో లేనప్పటికీ,  సూక్ష్మమైన ఆలోచనలో ఉన్నప్పటికీ,  ఇది తప్పుడు ఆనందం. భౌతికంగా మీరు మీకు హాని చేసిన వ్యక్తికి తిరిగి హాని చేయనప్పటికీ అది సూక్ష్మమైన ప్రతీకార వాంఛ. తిరిగి హాని చేయలేదు అనే భావన బాగున్నప్పటికీ ఇతరుల బాధను ఆస్వాదించే ఆనందం చాలా తక్కువ స్థాయి ఆనందం. కొన్నిసార్లు, మన ప్రతీకార సంతోషాన్ని సమర్థించుకునే ప్రక్రియలో మనం దానిని న్యాయం అని అంటాము.

ఈ రకమైన ప్రతీకారాన్ని నడిపించే శక్తి లేదా ఇంధనం ద్వేషం లేదా కోపం. వారు చేసిన పనికి వారు బాధపడటం చూసి నేను చాలా సంతోషించాను, ఇది వారికి శిక్ష అనే ఒక ఫీలింగ్ ఒక రకమైన ఆనందం. ఈ  ఆనందం మన దుఃఖాన్ని తగ్గిస్తున్నట్లు కాసేపు అనిపించినప్పటికీ, అది మన దుఃఖాన్ని తగ్గించడానికి బదులుగా, మరొక వ్యక్తితో నెగెటివ్ కర్మల యొక్క మన ఖాతాలను పెంచుతుంది. ఈ రకమైన ఆనందం అవతలి వ్యక్తికి నెగెటివ్ ఎనర్జీ మాత్రమే కలిగిస్తుంది, ఇది అవతలి వ్యక్తికి నొప్పిని ఇవ్వడమే కాకుండా, అవతలి వ్యక్తి నుండి మనకు ద్వేషం యొక్క నెగెటివ్ ఎనర్జీని ఇస్తుంది. మనకు దీర్ఘకాలిక ఆనందాన్ని ఎప్పుడూ ఇవ్వదు. ఎవరైనా రోడ్డుపై ప్రమాదానికి గురై చాలా బాధలో ఉన్నారనుకోండి. ఆ వ్యక్తికి వెంటనే సహాయం చేయడానికి బదులుగా మనం వారికి జరిగిన దానితో సంతోషంగా నవ్వుతే,  అలాంటి వ్యక్తి మనకు ప్రతిఫలంగా ఎలాంటి ఎనర్జీని పంపుతాడు? ఇది భౌతిక స్థాయిలో ఉన్న ఉదాహరణ, కానీ అదే సూత్రం సూక్ష్మ స్థాయికి వర్తిస్తుంది. కాబట్టి, మన జీవితంలో ఇంకొక సారి ఇలాంటివి జరిగినప్పుడు, మనలో స్వల్పమైన ఆనందం లేకపోయినా, ప్రతీకారం తీర్చుకోవాలనే కోరిక లేకున్నా మనం ప్రతీకార వాంఛ నుండి సురక్షితంగా ఉన్నామని చెప్పగలమని మనం గుర్తుచేసుకోవాలి.